Read Original Shona Union Bible 1949 Baiberi Magwaro Matȿene aMŋari Jobo 14 Bible Online

Jobo 14 - Original Shona Union Bible 1949 Baiberi Magwaro Matȿene aMŋari bible

Jobo 14

¹Munhu wakaɀarwa nomukadzi Unamazuʋa mashoma, azere nokutambudzika.

²Unoɓuɗa seruʋa, ndokuȿaʋa; Unotiza ʋo somumvuri, haagari.

³Ko munotarira munhu wakaɗai nameso enyu, Mucinditoŋga here?

⁴Ndianiko uŋgaɓuɗisa cinhu cakanaka panecakaipa? Hakuna.

⁵Mazuʋa ake ɀaakatarwa, mŋedzi yake yakaʋereŋgwa nemi, Makamutarira miganho yaasiŋgatenderwi kuɗarika;

⁶Regai kumucerekedza, azorore, Kuȿikira apedza zuʋa rake somuɓatiri.

⁷Nokuti kana muti uciŋge watemŋa, kunetariro kuti ucaɓuɗa ɀe, Ʋuye kuti ɗaʋi rawo nyoro hariŋgaperi.

⁸Kunyaŋge mudzi wawo ukakwegurira muvu, Nehunde yawo ikafa pasi;

⁹Kunyaŋge ɀakaɗaro ucaɓukira kana wanzwa kunhuwira kwemvura, Ndokuɓuɗisa mataʋi somuti muɗuku.

¹⁰Asi munhu unofa, akaparara hake; Ɀirokwaɀo munhu unorega kufema, ɀino uripiko?

¹¹Mvura inopera paguŋgwa, Ʋuye rwizi runopera nokupxa;

¹²Saiɀoɀo munhu unoʋata pasi, akasamuka ɀe; Haʋazomuki ɀe kuȿikira ɗeŋga rapera, Haʋaŋgamutswi pahope dzaʋo.

¹³Haiwa! Ƌai mucindiʋanza henyu paSheori, Mucindiceŋgeta pakaʋanda, kuȿikira hasha dzenyu dzapfuʋura, Munditemere ŋguʋa yakatarwa, yamuŋgandiraŋgarira nayo.

¹⁴Kana munhu aciŋge afa, uŋgararama ɀe here? Ndaimirira haŋgu mazuʋa ose okutambudzika kwaŋgu, Kuȿikira kusunuŋgurwa kwaŋgu kuciȿika.

¹⁵Maizoɗana, ini ndikakupindurai; Maishuʋa ɓasa ramaʋoko enyu.

¹⁶Asi ɀino munoʋereŋga nhambge dzaŋgu; Hamuzinocerekedza ciʋi caŋgu here?

¹⁷Kuɗarika kwaŋgu kwakasuŋgirwa muhomboɗo, Munosuŋga ɀakaipa ɀaŋgu.

¹⁸Gomo kana riciwa ɀirokwaɀo rinopfupfunyuka, Ʋuye ɗombo rinobviswa panɀimbo yaro;

¹⁹Mvura inocera mabge; Kuyerera kwayo kunokukura guruʋa renyika; Imi munoparadza tariro yomunhu.

²⁰Munomukunda nokusiŋgaperi, iye akapfuʋura hake; Munoshandura ciso cake, ndokumudziŋga.

²¹Ʋana ʋake ʋanokudzwa iye asiŋgaɀiziʋi; Ʋanoɗeredzwa, asi iye haaʋoni ʋaciitirwa iɀoɀo.

²²Asi kana ari iye nyama yake inorwadziwa, Mŋeya wake unocema mukati make.