Read Original Shona Union Bible 1949 Baiberi Magwaro Matȿene aMŋari Jobo 15 Bible Online

Jobo 15 - Original Shona Union Bible 1949 Baiberi Magwaro Matȿene aMŋari bible

Jobo 15

¹Ipapo Erifazi muTemani wakapindura, akati:

²Ko munhu, unenjere, uŋgapindura nenjere dzisinamaturo, Nokuzadza ɗumbu rake nemhepo inobva mabvazuʋa here?

³Uŋgaita nharo nokutaura ɀisiŋgaɓatsi, Kana mashoko aasiŋgagoni kuɓate‐ɓasa rakanaka nawo here?

⁴Ɀirokwaɀo iwe unorasha kutya Mŋari, Nokukaŋganisa ʋanoɗa kufuŋga Mŋari.

⁵Nokuti ɀakaipa ɀako ɀinodzidzisa muromo wako, Unotsaura rurimi rwaʋanyeŋgeri.

⁶Muromo wako ndiwo unokupemhoȿa, handizi’ni. Ɀirokwaɀo miromo yako inokupupurira ɀakaipa.

⁷Ko ndiwe wakataŋga kuɀarwa kanhi? Kana wakaɓerekwa makomo asati aʋa’po here?

⁸Iwe wakanzwa mano akaʋanzika aMŋari kanhi? Ndiwe woga wakaɀiwanira njere kanhi?

⁹Unoziʋei iwe ɀatisiŋgaziʋi ʋo isu? Unonzwisisei iwe ɀisati ɀiri matiri ʋo?

¹⁰Ʋakacena vudzi naʋatana ʋakwegura kwaɀo ʋane’su, Ʋakapfuʋura ɓaɓa ʋako kwaɀo pazero.

¹¹Ko kunyaradza kwaMŋari hakukuriŋgani here, Neshoko rinotaurwa noʋunyoro kwauri here?

¹²Mŋoyo wako unokurashirei? Meso ako anobgaireiko?

¹³Ɀaunorwa naMŋari nomŋeya wako, Ucitendera mashoko akaɗai kuɓuɗa pamuromo wako.

¹⁴Munhu cinyiko? Uŋgaʋa wakanaka sei? Naiye wakaɀarwa nomukadzi, uŋgaʋa wakarurama sei?

¹⁵Tarira, haatendi ʋatȿene ʋake; Ɀirokwaɀo, kuɗeŋga hakuno‐kunaka pamberi pake.

¹⁶Ndoɗa munhu unosemesa, wakaʋora, Munhu unonwa ɀakaipa semvura.

¹⁷Ndicakuratidza, citerera; Ndicakuɗudzira ɀandakaʋona:

¹⁸(Ɀakarebga naʋanhu ʋakaŋgwara Ɀaʋakanzwa kumadziɓaɓa aʋo, ʋasina‐kuɀiʋanza;

¹⁹Iʋo ʋakaŋga ʋapiwa nyika ʋoga, Hakuno‐mutorwa wakapinda pakati paʋo;)

²⁰Munhu wakaipa unotambudzika acirwadziwa mazuʋa ake ose, Iwo makore akatarirwa mumanikidzi.

²¹Inzwi reɀinotyisa riri munzeʋe dzake; Muparadzi ucamuȿikira akafara.

²²Haatendi kuti ucadzoka ɀe acibva parima, Unoʋandirwa nomunondo.

²³Unofamba‐famba acitȿaka ɀokudya, aciti: Ɀiripiko? Unoziʋa kuti zuʋa rerima riri pedyo naye;

²⁴Njodzi nokutambudzika ɀinomutyisa; Ɀinomukunda, samambo wakaɀigadzirira kurwa.

²⁵Nokuti wakatambanudzira ruʋoko rwake kuzorwa naMŋari, Akaɀikudza pamberi poWamasimba ose;

²⁶Unomhanyira kwaari anomutsipa mukukutu, Namakwande makobvu enhoʋo dzake.

²⁷Nokuti wakafukidza ciso cake namafuta, Akaʋuŋganidza mafuta mazhinji paciʋuno cake.

²⁸Wakagara pamaguta akaŋga aʋa matoŋgo, Padzimba dzisina‐kufanira kugarwa nomunhu, Dzaikaro‐kushanduka matoŋgo.

²⁹Iye haaŋgaʋi mufumi, fuma yake haiŋgagari, Neɀiɓereko ɀaɀo haɀiŋgaremberi pasi.

³⁰Haaŋgabvi parima; Muraɀo womŋoto ucawomesa mataʋi ake, Ucabviswa nomŋeya womuromo waMŋari.

³¹Ŋgaarege kuʋimba neɀisinamaturo, aciɀinyeŋgera; Nokuti muɓairo wake ucaʋa ɀisinamaturo.

³²Ɀicaitwa ŋguʋa yake isino‐kuȿika, Ƌaʋi rake hariŋgaʋi nyoro.

³³Ucazuka mazambiriŋga ake agere kuibva somuzambiriŋga, Ucazuka maruʋa ake somuorivi.

³⁴Nokuti ʋuŋgano yaʋasiŋgaɗi Mŋari haiŋgaɓereki, Mŋoto ucapedza matente aʋafufuri.

³⁵Ʋanemimba yeɀakashata, ʋanoɓereka ɀakaipa, Ƌumbu raʋo rinogadzira kunyeŋgera.