Read Original Shona Union Bible 1949 Baiberi Magwaro Matȿene aMŋari Jobo 18 Bible Online

Jobo 18 - Original Shona Union Bible 1949 Baiberi Magwaro Matȿene aMŋari bible

Jobo 18

¹Ipapo Birdadi muShuhi wakapindura, akati:

²Mucateyana namashoko kuȿikira riniko? Cimbofuŋgai henyu, tigotaurirana pashure.

³Tinonzi mhuka neiko, Naʋanhu ʋasina‐kunaka pamberi penyu?

⁴Iwe unoɀibvarura nokutsamŋa kwako, Nyika iŋgarashwa nokuɗa kwako kanhi? Kana ɗombo riŋgabviswa panɀimbo yaro here?

⁵Ɀirokwaɀo, ciedza caʋakaipa cicadzimŋa, Muraɀo womŋoto wake hauŋgavenekeri.

⁶Ciedza cicaȿiɓa patente rake, Mŋenje wake pamsoro pake ucadzimŋa.

⁷Nhambge dzesimba rake dzicadzorwa, Namano ake acamuwisira pasi.

⁸Nokuti unowisirwa mumumbure namakumbo ake amene, Unofamba pamsoro peɀakarukwa.

⁹Rugombe rucamuɓata citsitsinho, Musuŋgo ucamuɓatisa.

¹⁰Unoʋanzirwa ciswe muvu, Nomuraʋu panzira.

¹¹Ucavunduswa neɀinotyisa pamatiʋi ose, Ɀicamuteʋerera pedyo‐pedyo.

¹²Simba rake ricarumŋa nenzara, Njodzi icamugarira parutiʋi rwake.

¹³Icapedza mitezo yomuʋiri wake, Ƌaŋgwe rorufu ricapedza mitezo yake.

¹⁴Ucadzurwa patente rake raaiʋimba naro; Ucaiswa kunamambo unotyisa.

¹⁵Mutente rake munogara ɀisati ɀiri ɀake; Surferi icasaswa pamsoro peimba yake.

¹⁶Midzi yake icawoma pasi, Ƌaʋi rake ricatemŋa kumsoro.

¹⁷Haaŋgazoraŋgarirwi panyika; Zita rake hariŋgazozikanwi panzira dzomumusha.

¹⁸Ucadziŋgwa paciedza aende kurima; Ucadziŋgwa abve panyika.

¹⁹Haaŋgaʋi nomŋanakomana kana muzukuru pakati paʋanhu ʋake, Kana mumŋe wakasara, paakaŋga agere ari mutorwa.

²⁰Ʋanogara kumaʋirazuʋa ʋacakanuka ʋaciʋona zuʋa rake, Ʋagere kumabvazuʋa ʋacaɓatwa nokubvunda.

²¹Ɀirokwaɀo, ndiɀo ɀakaita panogara ʋasina‐kururama, Ndiyo nɀimbo yousiŋgaziʋi Mŋari.