Read Original Shona Union Bible 1949 Baiberi Magwaro Matȿene aMŋari Jobo 19 Bible Online

Jobo 19 - Original Shona Union Bible 1949 Baiberi Magwaro Matȿene aMŋari bible

Jobo 19

¹Ipapo Jobo wakapindura, akati:

²Mucatambudza mŋeya waŋgu kuȿikira riniko, Nokundipxanya namashoko enyu here?

³Makandituka ɀino kagumi; Hamunyari ɀamakanditsuŋgirira.

⁴Kana ndiciŋge ndatadza haŋgu, Kutadza kwaŋgu kucagara neni.

⁵Kana imi muciɗa kwaɀo kuɀikudza pamsoro paŋgu, Nokundipe‐mhoȿa muciti ndakatukwa;

⁶Ziʋai ɀino kuti ndiye Mŋari usinakundiruramisira, Akandikomberedza nomumbure wake;

⁷Tarirai ndinocema ndiciti: Ndakaitirwa ɀakaipa! Asi handinzwiki; Ndinocema kuti ndiɓatsirwe, asi handiruramisirwi.

⁸Wakadziʋira nzira yaŋgu, kuti ndirege kupfuʋura; Akaisa rima panzira dzaŋgu.

⁹Wakandibvisira kurumbidzwa kwaŋgu, Nokunditorera korona yaŋgu pamusoro waŋgu.

¹⁰Wakandiputsa kumatiʋi ose, ndakaparadzwa; Wakadzura tariro yaŋgu somuti.

¹¹Wakandimutsira ʋo kutsamŋa kwake, Akati ndiri mumŋe waʋadziʋisi ʋake.

¹²Hondo dzake dzinondiʋuŋganira, dzinoɀigadzirira nzira kurwa neni. Dzinokomberedza tente raŋgu nemisasa yadzo.

¹³Wakaisa hama dzaŋgu kure neni, Ʋazikani ʋaŋgu ʋaʋa saʋatorwa cose kwandiri.

¹⁴Hama dzaŋgu dzandinyeŋgera, Shamŋari dzaŋgu, dzaindiziʋa, dzakandikaŋganwa.

¹⁵Ʋanogara mumba maŋgu naʋarandakadzi ʋaŋgu ʋanoti ndiri mubvakure; Ʋanondiʋona ʋaciti ndiri mŋeni.

¹⁶Ndinoɗana muranda waŋgu, asi haandipinduri, Kunyaŋge ndicimunyeŋgetera nomuromo waŋgu.

¹⁷Kufema kwaŋgu kunosemesa mukadzi waŋgu, Ndinonyaŋgadza ʋana ʋamai ʋaŋgu.

¹⁸Kunyaŋge naʋana ʋaɗuku ʋanondishoʋora ʋo; Kana ndicisimuka, ʋanondipopotera.

¹⁹Shamŋari dzaŋgu dzose dzaindiziʋa, dzinondinɀeŋga, Ʋose ʋandaiɗa ʋandifuratira.

²⁰Fupa raŋgu rinonamatira ganda raŋgu nenyama yaŋgu, Ndasiyirwa ganda rameno aŋgu.

²¹Ndinzwirei tsitsi, ndinzwirei tsitsi, imi shamŋari dzaŋgu; Nokuti ruʋoko rwaMŋari rwandiɓata.

²²Munonditambudzireiko saMŋari, Musiŋgaguti nenyama yaŋgu?

²³Haiwa, ɗayi mashoko aŋgu ainyorwa ɀino, Haiwa, ɗayi ainyorwa pabuku.

²⁴Ƌayi aitemŋa nepeni yeɗare nomutobvu Aitemŋa paɗombo nokusiŋgaperi.

²⁵Asi ndinoziʋa kuti Mudzikinuri waŋgu mupenyu, Ʋuye kuti pakupedzisira ucasimuka panyika;

²⁶Kunyaŋge ganda raŋgu riciŋge raparadzwa saiɀoɀo, Kunyaŋge ɀakaɗaro ndicaʋona Mŋari ndisinenyama yaŋgu.

²⁷Ndicamuʋona ari kurutiʋi rwaŋgu; Meso aŋgu acaʋona, asati ari omutorwa; Itȿo dzaŋgu dzapera mukati maŋgu.

²⁸Kana muciti: Ticamutambudza sei! Mudzi wemhoȿa ɀauri mukati maŋgu!

²⁹Ityai munondo; Nokuti kutsamŋa kucarobga nomunondo, Kuti muziʋe kuti kutoŋga kuri’po.