Read Original Shona Union Bible 1949 Baiberi Magwaro Matȿene aMŋari Jobo 20 Bible Online

Jobo 20 - Original Shona Union Bible 1949 Baiberi Magwaro Matȿene aMŋari bible

Jobo 20

¹Ipapo Zofari muNaamati wakapindura, akati:

²Naiɀoɀo ndaŋgariro dzaŋgu dzinondipindura, Nokuɗa kwokukurumidza kuri mandiri.

³Ndakanzwa kutuka kunondinyadza, Mŋeya wokunzwisisa kwaŋgu unondipindura.

⁴Hauɀiziʋi here kuti kubva karekare, Kubva pakuiswa kwomunhu panyika,

⁵Kuti kufara kwaʋakaipa hakuneŋguʋa huru, Nomufaro waʋasiŋgaɗi Mŋari kuti ndoweciŋguʋa?

⁶Kunyaŋge kukura kwake kukakwirira kuȿikira kuɗeŋga, Musoro wake ukaȿikira kumakore;

⁷Kunyaŋge ɀakaɗaro ucaparara nokusiŋgaperi sendoʋe yake; Ʋaimuʋona ʋacati: Uripiko?

⁸Ucabururuka akaenda sokurota, akasawanikwa; Ɀirokwaɀo, ucadziŋgwa secinhu cinoʋonekwa ʋusiku.

⁹Ziso raimuʋona hariŋgazomuʋoni ɀe; Nyaŋgwe nenɀimbo yake haiŋgazomuʋoni ɀe.

¹⁰Ʋana ʋake ʋacatȿaka tsitsi kuʋarombo, Maʋoko ake acadzosera fuma yake.

¹¹Mafupa ake azere nesimba roʋujaya bgake, Asi ʋucaʋata pasi naye paguruʋa.

¹²Kunyaŋge kutadza kucitapira mumuromo make, Kunyaŋge akaɀiʋanza pasi porurimi rwake;

¹³Kunyaŋge akaɀiceŋgeta, akaramba kuɀirega, Akaramba akaɀiceŋgeta mumuromo make;

¹⁴Kunyaŋge ɀakaɗaro ɀokudya ɀake ɀinoshandurwa muʋura bgake, Ɀaʋa nduru yemvumbi mukati make.

¹⁵Wamedza fuma, asi ucairutsa ɀe, Mŋari ucaiɓuɗisa muɗumbu rake.

¹⁶Ucaȿeta ʋuturu bgemvumbi; Rurimi rwenyoka rucamuʋuraya.

¹⁷Haaŋgatariri nzizi, Nehoʋa dzizere noʋuci namafuta.

¹⁸Ɀaakaɓatira ucaɀidzosa ɀe, haaŋgaɀimedzi; Haaŋgaʋi nomufaro wakaenzana nefuma yake yaakawana.

¹⁹Nokuti wakamanikidza nokurasha ʋarombo; Wakatora imba nesimba, asi haaŋgaiʋaki.

²⁰Ɀaakaŋga asiŋgaziʋi kudzikama mukati make, Haaŋgaceŋgeti cinhu cimŋe caakaŋga acifarira.

²¹Hakunecinhu cakasara caasina‐kuparadza; Saka kufuma kwake hakuŋgarambi kuri’po.

²²Pakati peɀakawanda ɀefuma yake ucamanikidzwa; Ruʋoko rwomumŋe nomumŋe uri panjodzi rucarwa naye.

²³Kana aciɗa kugutsa ɗumbu rake, Mŋari ucatuma kutsamŋa kwake kukuru pamsoro pake, Ucakunisa pamsoro pake, ɀiʋe ɀokudya ɀake.

²⁴Ucatiza nhumbi yokurwa yamatare, Ʋuta bgendarira ʋucamubvoʋora.

²⁵Unoivomora, ikaɓuɗa pamuʋiri wake; Muromo wayo unobginya, unoɓuɗa panduru yake; Unotya kwaɀo.

²⁶Wakaceŋgetererwa rima guru iʋe fuma yake, Mŋoto usina‐kupfutidzwa nomunhu ucamuparadza; Ucapedza ɀakasara patente rake.

²⁷Kuɗeŋga‐ɗeŋga kucaratidza ɀakaipa ɀake, Nyika icamumukira.

²⁸Ɀakaʋuŋganidzwa mumba make ɀicabva, Nhumbi dzake dzicayerera pazuʋa rokutsamŋa kwake.

²⁹Ndiwo mugoʋe wowakaipa waanopiwa naMŋari, Nenhaka yaakatemerwa naMŋari.