Read Original Shona Union Bible 1949 Baiberi Magwaro Matȿene aMŋari Jobo 21 Bible Online

Jobo 21 - Original Shona Union Bible 1949 Baiberi Magwaro Matȿene aMŋari bible

Jobo 21

¹Ipapo Jobo wakapindura, akati:

²Inzwai ɀakanaka kutaura kwaŋgu; Munyaradzwe naɀo.

³Ndiregei, nditaure ʋo; Kana ndapedza kutaura, muŋgandiseka henyu.

⁴Kana ndirini, ndinocema kuʋanhu here? Ndiŋgaregereiko kupera mŋoyo?

⁵Nditarirei, mushamiswe, Muise ruʋoko rwenyu pamuromo.

⁶Kunyaŋge ndoɀiraŋgarira ndinotambudzika, Kutya kukuru kunoɓata nyama yaŋgu.

⁷Ʋakaipa ʋanoraramireiko, Ʋacikwegura nokuwedzerwa simba here?

⁸Ʋana ʋaʋo ʋanosimbiswa pamŋe cete naʋo pamberi paʋo, Naʋazukuru ʋaʋo ʋaciɀiʋona nameso aʋo.

⁹Dzimba dzaʋo dzinorugare, hadzityiswi, Ʋuye shamhu yaMŋari haigari iciʋaroʋa.

¹⁰Hando yaʋo inoɓerekesa, isiŋgakoni, Mhou yaʋo inoɓereka, isiŋgaȿodzi.

¹¹Ʋanoɓuɗisa pxere dzaʋo seɓoka ramakwai; Ʋana ʋaʋo ʋanotamba.

¹²Ʋanoimba ʋaciridzirwa ŋgoma nembira, Ʋanofara ʋaciridzirwa nyere.

¹³Ʋanopedza mazuʋa aʋo ʋacifara, Ʋanoɓurukira kuSheori kamŋe‐kamŋe.

¹⁴Kunyaŋge ɀakaɗaro ʋanoti kunaMŋari: Ibvai kwatiri; Nokuti hatiɗi kuziʋa nzira dzenyu.

¹⁵Iye Wamasimba ose ndianiko, kuti timushumire? Ticaɓatsirwa neiko kana tikanyeŋgetera kwaari?

¹⁶Tarirai, kufara kwaʋo hakuzi mumaʋoko aʋo; Mano aʋakaipa ari kure neni.

¹⁷Ko mŋenje waʋakaipa unodzimŋa kaŋgani? Njodzi yaʋo inoʋaʋiŋga kaŋganiko? Mŋari unoʋapavurira kutambudzika pakutsamŋa kwake kaŋganiko?

¹⁸Ʋanotoŋgofanana namakoto anodziŋgwa nemhepo here? Nehundi inotorwa neɗutu remhepo?

¹⁹Imi munoti: Mŋari unoceŋgetera ʋana ʋake ɀakaipa. Ŋgaamutsiʋe iye amene, aɀiziʋe.

²⁰Meso ake amene ŋgaaʋone kuparadzwa kwake, Iye ŋgaanwe kutsamŋa kwoWamasimba ose.

²¹Nokuti ucaʋa nehanya yeiko neimba yake kana aenda, Kana kuwanda kwemŋedzi yake kwatapudzwa.

²²Ndianiko uŋgadzidzisa Mŋari kuziʋa, Ɀaari iye unotoŋga ʋari kumsoro?

²³Mumŋe unofa acinesimba rake rose, Akafara cose anorugare.

²⁴Hwedza dzake dzizere nomukaka, Mŋoŋgo wamafupa ake wakanyoroʋa.

²⁵Mumŋe unofa aneshuŋgu dzomŋoyo, Asina‐kutoŋgoraʋira ɀakanaka.

²⁶Ʋanoʋata pasi pamŋe cete paguruʋa, Honye dzinoʋafukidza ʋose.

²⁷Tarirai ndinoziʋa kufuŋga kwenyu, Namano akaipa amunondifuŋgira.

²⁸Nokuti munoti: Imba yomucinda iripiko? Tente raigarwa nowakaipa riripiko?

²⁹Hamuna‐kubvunza here ʋanofamba nenzira? Hamuziʋi ɀiratidzo ɀaʋo here?

³⁰Kuti munhu wakaipa unoɗarikwa pazuʋa renjodzi here? Kuti ʋanobviswa pazuʋa rokutsamŋa here?

³¹Ndianiko uŋgamuziʋisa mufambire wake pacena? Ndiani ucamutsiʋa ɀaakaita here?

³²Ɀino unotakurirwa kubgiro, Ʋanorinda rinda rake.

³³Maviŋga omupata acamunakira, Ʋanhu ʋose ʋacamuteʋera, Seɀaakatuŋgamirirwa naʋasiŋgaʋereŋgwi.

³⁴Ɀino munondinyaradza sei neɀisinamaturo, Ɀamasarirwa nenhema dzoga pakupindura kwenyu?