Read Original Shona Union Bible 1949 Baiberi Magwaro Matȿene aMŋari Jobo 22 Bible Online

Jobo 22 - Original Shona Union Bible 1949 Baiberi Magwaro Matȿene aMŋari bible

Jobo 22

¹Ipapo Erifazi muTemani wakapindura, akati:

²Ko munhu uŋgaɓatsira Mŋari here? Ɀirokwaɀo, munhu, wakaŋgwara, unoɀiɓatsira hake amene.

³Wamasimba ose unehanya nokururama kwako here? Iye uŋgaɓatsirwa naɀo kana iwe ukakwanisa nzira dzako here?

⁴Iye unokuraira ɀaunomutya here? Kuti akutoŋge here?

⁵Ɀakaipa ɀako haɀizakakura here? Ɀisina‐kururama ɀako haɀiperi.

⁶Nokuti wakatora ruɓatso kuhama yako pasina, Wakakunuŋgura ŋguʋo dzaʋakaŋga ʋasina‐kufuka.

⁷Hauna‐kupa ʋanenyota mvura kuti ʋanwe, Wakanyima ʋanenzara ɀokudya.

⁸Asi munhu unesimba, nyika ndeyake; Munhu unokudzwa, ndiye wakagara mairi.

⁹Wakadziŋga cirikadzi dzisinecinhu, Maʋoko enherera akavuniwa.

¹⁰Saka iwe wakapotedzwa nemisuŋgo, Unovunduswa pakarepo nokutya,

¹¹Nerima, kuti urege kuʋona, Ʋuye mvura zhinji inokufukidza.

¹²Ko Mŋari haazi kuɗeŋga kumsoro‐soro here? Tarira kukwirira kwenyeredzi, dzakakwirira sei!

¹³Iwe unoti: Mŋari unoziʋeiko? Uŋgagona kutoŋga pakati perima guru here?

¹⁴Makore matema akamufukidza, haagoni kuʋona; Unofamba pakutenderera kweɗeŋga.

¹⁵Iwe unoɗa kuramba ucifamba nenzira yekare Yakatsikwa naʋanhu ʋakaipa here?

¹⁶Iʋo ʋakabvutwa ŋguʋa yaʋo isati yaȿika; Nheyo dzaʋo dzakaɗururwa sorukoʋa rwemvura.

¹⁷Iʋo ʋakati kunaMŋari: Ibvai kwatiri; Ʋuye: Wamasimba‐ose uŋgatiiteiko?

¹⁸Kunyaŋge ɀakaɗaro wakazadza dzimba dzaʋo neɀakanaka; Asi mano aʋakaipa ari kure neni.

¹⁹Ʋakarurama ʋanoɀiʋona, ʋakafara; Ʋasinemhoȿa ʋanoʋaseka,

²⁰Ʋaciti: Ɀirokwaɀo ʋakatimukira ʋakaparadzwa; Ɀakasara ɀaʋo ɀakapedzwa nomŋoto.

²¹Shamŋaridzana naye ɀino, uʋe norugare; Ipapo ucaitirwa ɀakanaka.

²²Gamucira hako murairo womuromo wake, Uceŋgete mashoko ake mumŋoyo mako.

²³Kana ukadzokera kuno‐Wamasimba‐ose, ucaʋakwa; Kana ukabvisa ɀisakarurama kure namatente ako.

²⁴Isa fuma yako paguruʋa, Nendarama yeOfiri pakati pamabge ehoʋa;

²⁵Ipapo Wamasimba‐ose ucaʋa fuma yako, Nesirveri inokosha kwaɀo kwauri.

²⁶Nokuti ipapo ucafarira Wamasimba‐ose, Ucasimudzira ciso cako kunaMŋari.

²⁷Ucanyeŋgetera kwaari, iye ucakunzwa; Ʋuye ucaripa mhiko dzako.

²⁸Ucatema ʋo cireʋo, cikasimbiswa kwauri; Ʋuye ciedza cicavenekera nzira dzako.

²⁹Kana ʋakakusundira pasi, ucati: Ndicasimudzwa; Iye ucaponesa munhu unoɀininipisa.

³⁰Iye ucarwira nyaŋgwe nomunhu unemhaka, Ɀirokwaɀo ucarwirwa iye nokucena kwamaʋoko ako.