Read Original Shona Union Bible 1949 Baiberi Magwaro Matȿene aMŋari Jobo 24 Bible Online

Jobo 24 - Original Shona Union Bible 1949 Baiberi Magwaro Matȿene aMŋari bible

Jobo 24

¹Wamasimba‐ose unoregereiko kutara ŋguʋa dzokutoŋga? Ʋanomuziʋa ʋanoregereiko kuʋona mazuʋa ake?

²Ʋanoshandura miganho ʋari’po; Ʋanopamba mapoka amakwai, ʋaciafudza.

³Ʋanotinha mboŋgoro yenherera, Ʋanotora nzombe yecirikadzi ʋaciita ruɓatso.

⁴Ʋanodziŋga ʋarombo panzira; Ʋarombo ʋenyika ʋanoʋanda ʋose.

⁵Tarira, sembizi murenje Ʋanoɓuɗira kumaɓasa aʋo, ʋacishiŋgairira ɀokwaɗi; Renje rinoʋapa ɀokudya ɀaʋana ʋaʋo.

⁶Ʋanoceka ɀaʋanodya kusaŋgo; Ʋanoʋuŋganidza mazambiriŋga aʋakaipa.

⁷Ʋanoʋata ʋusiku bgose ʋasina‐ɀaʋakafuka, Pacando haʋana‐caʋaŋgaɀifukidza naco.

⁸Ʋakanyoroʋa nokupfunha kwemvura yamakomo, Ʋanombundikira ɗombo nokushaiwa pokutizira.

⁹Ʋari’po ʋanobvuta nherera pazamu ramai, Nokutora ruɓatso rwaʋarombo;

¹⁰Naiɀoɀo ʋanofamba ʋasina‐ɀaʋakafuka, Ʋanotakura ɀisote ʋanenzara;

¹¹Ʋanoȿina mafuta mukati mamaȿiŋgo aʋanhu aʋa; Ʋanotsika ɀiȿiniro ɀamazambiriŋga aʋo, ʋacifa nenyota.

¹²Ʋanhu ʋanogomera mukati meguta rinaʋanhu ʋazhinji, Ʋuye mŋeya yaʋakakuʋadzwa inocema; Kunyaŋge ɀakaɗaro Mŋari haanehanya neɀisina‐kururama.

¹³Ndiʋo ʋanoʋeŋga ciedza; Haʋaziʋi nzira dzaco, Haʋarambi ʋacifamba pamakwara aco.

¹⁴Muʋurayi unomuka kana kwoedza, unoʋuraya murombo nounoshaiwa; Ʋusiku wakafanana nomuɓi.

¹⁵Ziso remhombge ʋo rinomirira rubvunza‐ʋaeni, Aciti: Hakuneziso ricandiʋona; Ndokufukidza ciso cake.

¹⁶Ʋusiku ʋanopaza dzimba; Masikati ʋanoɀipfigira; Haʋaziʋi ciedza.

¹⁷Nokuti maŋgwanani akaita serima guru kwaʋari ʋose; Nokuti ʋanoziʋa kutyisa kwerima guru.

¹⁸Iye unofambisa pamsoro pemvura; Mugoʋe waʋo wakatukwa panyika; Haacafambi nenzira yeminda yemizambiriŋga.

¹⁹Kuwoma nokupisa kunopedza mvura yecando; Ndiɀo ɀinoita Sheori naʋakatadza.

²⁰Ciɀaro cicamukaŋganwa; honye dzicatapirirwa naye; Haacazoraŋgarirwi; Ʋuye kusarurama kucavunwa somuti.

²¹Iye unoparadza haŋa isiŋgaɓereki; Haaitiri cirikadzi ɀakanaka.

²²Unobvisa ʋanesimba nesimba rake; Kana iye acisimuka, hakunomunhu unoziʋa kana acararama.

²³Mŋari unoʋagarisa ʋakaceŋgetwa, ʋaciʋimba naɀo; Asi meso ake anotarira nzira dzaʋo.

²⁴Ʋanokudzwa; gare‐gare ʋaenda; Ʋanoɗukupiswa, ʋanobviswa panzira saʋamŋe ʋose, Ʋanocekwa semisoro yehura dzeɀiyo.

²⁵Kana ɀisina‐kuɗaro ɀino, ndiani uŋgati ndinenhema, Nokushaisa mashoko aŋgu simba here?