Read Original Shona Union Bible 1949 Baiberi Magwaro Matȿene aMŋari Jobo 28 Bible Online

Jobo 28 - Original Shona Union Bible 1949 Baiberi Magwaro Matȿene aMŋari bible

Jobo 28

¹Nokuti mugodi uri’po panobva sirveri, Nɀimbo iri’po paʋanonatsa ndarama.

²Mhaŋgura inocerwa pasi, Nendarira inonyauswa pabge.

³Munhu unokunda rima, Unotȿakisisa kuȿikira kumatiʋi oseose. Mabge ari murima guru nomumumvuri worufu.

⁴Unocera mugodi kure napanogara ʋanhu; Ʋanokaŋganikwa norutsoka rwaʋanopfuʋura; Ʋanorembera kure naʋanhu, ʋacizeya uku nokuku.

⁵Kana iri nyika, ɀokudya ɀinobva mairi; Pasi paɀo pakashandurwa ɀineŋge nomŋoto.

⁶Pamabge ayo ndipo panogara ɀibge ɀesafiro, Anoʋupfu bgendarama.

⁷Nzira iyo haizikanwi negondo, Ziso rorukodzi harina‐kuiʋona;

⁸Ɀikara, ɀinoɀikudza, haɀina‐kupfuʋura napo. Shumba, inehasha, haina‐kupfuʋura napo.

⁹Iye unotema ɗombo romusarasara noruʋoko rwake; Unoshandukura makomo nemidzi yawo.

¹⁰Unocera mugero pamatombo; Ziso rake rinoʋona ɀinokosha.

¹¹Unodziʋira nzizi dzemvura dzirege kuɗonha; Cinhu cakaʋanzika unociɓuɗisa pacena.

¹²Asi ʋucenjeri ʋucawanikwepiko? Kunzwisisa kunogarepi?

¹³Munhu haaziʋi muteŋgo wabgo; Haʋuwanikwi panyika yaʋapenyu.

¹⁴Pakadzika panoti: Haʋuzi mandiri; Neguŋgwa rinoti: Haʋuzi mandiri.

¹⁵Haʋuŋgateŋgwi nendarama, Nyaŋgwe nesirveri haiŋgaidzirwi muteŋgo wabgo.

¹⁶Haʋuŋgaenzaniswi nendarama yeOfiri, Kana neɀibge ɀeoniksi inokosha kana ɀesafiro.

¹⁷Ndarama negirazi haɀiŋgaenzani nabgo; Ɀishoŋgo ɀendarama yakaiȿo‐naka haɀiŋgatsinhaniswi nabgo.

¹⁸Korari nekristari haɀiŋgatoŋgorebgi; Ɀirokwaɀo muteŋgo woʋucenjeri unopfuʋura maparera.

¹⁹Topazi yeEtiopia haiŋgaenzani nabgo, Haʋuŋgaenzaniswi nendarama yakaiȿo‐naka.

²⁰Ɀino ʋucenjeri ʋunobvepiko? Kunzwisisa kunogarepi?

²¹Ɀabgakaʋanzirwa meso aʋapenyu ʋose, Nokudzitirirwa shiri dzokuɗeŋga.

²²Kuparadza noRufu ɀinoti: Takanzwa guhu rabgo panzeʋe dzeɗu.

²³Mŋari unonzwisisa nzira yabgo, Ndiye unoziʋa kwaʋunobva.

²⁴Nokuti unotarira kumigumo yenyika, Unoʋona ɀose pasi pokuɗeŋga pose;

²⁵Paŋguʋa yaanotarira mhepo kurema kwayo; Ɀirokwaɀo, unoyera mvura neciyero.

²⁶Paŋguʋa yaakatemera mvura cireʋo, Nemheni yomutinhiro nzira yayo.

²⁷Paŋguʋa iyo wakaʋuʋona, akaʋuɗudzira; Akaʋusimbisa, nokuʋunɀera.

²⁸Akaʋudza munhu aciti: Tarira, Kutya Ishe, ndibgo ʋucenjeri; Kurega ɀakaipa ndiko kunzwisisa.