Read Original Shona Union Bible 1949 Baiberi Magwaro Matȿene aMŋari Jobo 29 Bible Online

Jobo 29 - Original Shona Union Bible 1949 Baiberi Magwaro Matȿene aMŋari bible

Jobo 29

¹Ɀino Jobo akapfuʋura ɀe namashoko ake, akati:

²Haiwa, ɗai ndaiita haŋgu sapamŋedzi yakare, Sapamazuʋa andairindwa naMŋari;

³Paŋguʋa iyo mŋenje wake waivenekera pamusoro waŋgu, Ndaifamba ndicivenekerwa parima neciedza cake;

⁴Seɀandakaŋga ndakaita pamazuʋa okusimba kwaŋgu, Paŋguʋa iyo ʋushamŋari bgaMŋari ʋuciri patente raŋgu;

⁵Paŋguʋa iyo Wamasimba‐ose aciri neni, Naʋana ʋaŋgu ʋacakandipoteredza;

⁶Paŋguʋa iyo pandaitsika paisukwa nomukaka wakafa, Ʋuye ɗombo raindiɗururira nzizi dzamafuta!

⁷Paŋguʋa yandaiɓuɗa kusuʋo reguta, Paŋguʋa yandaigadzira cigaro caŋgu paɗare,

⁸Majaya akati acindiʋona aiʋanda, Naʋatana ʋaisimuka ʋakaramba ʋamire;

⁹Macinda ainyarara pakutaura kwawo, Aifumbira miromo yawo;

¹⁰Manzwi aʋakuru ainyarara, Ndimi dzaʋo dzainamatira mumikanwa yaʋo.

¹¹Nokuti nzeʋe yakati icindinzwa, ndokundiropafadza; Ziso rakati ricindiʋona, ndokundipupurira ɀakanaka.

¹²Nokuti ndairwira ʋarombo ʋaicema, Nenherera ʋo, nowaishaiwa muɓatsiri.

¹³Waikaro‐fa waindiropafadza; Ndaiimbisa mŋoyo wecirikadzi nomufaro.

¹⁴Ini ndaifuka kururama, naiko kwaindifukidza; Kururama kwaŋgu kwaiʋa seŋguʋo nekorona.

¹⁵Ndaiʋa meso amapofu, Netsoka dzaʋanokamhina.

¹⁶Ndaiʋa ɓaɓa ʋaʋaishaiwa; Ndainɀera mhaka yowandakaŋga ndisiŋgaziʋi.

¹⁷Ndaivuna meno aʋasina‐kururama, Nokubvuta caakaŋga aʋuraya mumeno ake.

¹⁸Paŋguʋa iyo ndakati: Ndicafira muɗendere raŋgu, Ndicawanza mazuʋa aŋgu aite sejeca,

¹⁹Mudzi waŋgu wakatandaʋarira kuȿikira kumvura, Ƌoʋa rinoʋata ʋusiku bgose paɗaʋi raŋgu.

²⁰Kukudzwa kwaŋgu kunoramba kuri kutȿa, Ʋuta bgaŋgu ʋunoramba ʋuciʋandudzwa muruʋoko rwaŋgu.

²¹Ʋanhu ʋainditerera nokundimirira, Ʋainyarara kana ndiciʋaraira.

²²Haʋazaitaura ɀe kana ini ndareʋa mashoko aŋgu; Kutaura kwaŋgu kwakaɗonhera pamsoro paʋo.

²³Ʋaindimirira somunhu unomirira mvura; Ʋaishamisa miromo yaʋo sounoshamira mvura yokupedzisira.

²⁴Ndaiʋasekerera kana ʋasiŋgatsuŋgi; Haʋana‐kudzima ciedza ceciso caŋgu.

²⁵Ndaiʋasanaŋgurira nzira yaʋo, ndikagara sashe waʋo, Ndaigara samambo pahondo, Somunhu unonyaradza ʋanocema.