Read Original Shona Union Bible 1949 Baiberi Magwaro Matȿene aMŋari Jobo 30 Bible Online

Jobo 30 - Original Shona Union Bible 1949 Baiberi Magwaro Matȿene aMŋari bible

Jobo 30

¹Asi ɀino ʋaɗuku kwandiri ʋanondiseka, Iʋo ʋandaishoʋora kuisa madziɓaɓa aʋo pambga dzamapoka aŋgu.

²Simba ramaʋoko aʋo riŋgandiɓatsireiko? Iʋo ʋakapererwa nesimba kwaɀo.

³Ʋawonda nokushaiwa nenzara; Ʋanotetena ivu rakawoma murima ramataŋgwaza nokuparadzwa.

⁴Ʋanotanha ɀinoʋaʋa pamakwenzi; Midzi yomurara ndiɀo ɀokudya ɀaʋo.

⁵Ʋanodziŋgwa pakati paʋanhu; Ʋanoʋaȿoʋerera sembava.

⁶Ʋanofanira kugara pamipata yakaȿiɓa, Pamakomba enyika namatombo.

⁷Ʋanorira pakati pamakwenzi; Ʋanoʋuŋganira pasi porukato.

⁸Ndiʋo ʋana ʋamapenzi, ɀirokwaɀo ʋana ʋaʋanhu ʋakaipa; Ʋakadziŋgwa panyika ʋacirobga.

⁹Ɀino ndaʋa ciimbo caʋo, Ndaʋa shumo yaʋo.

¹⁰Ʋanondisema, ʋanomira kure neni, Haʋaregi kupfira mate paciso caŋgu.

¹¹Nokuti iye wakasunuŋgura rukuŋgiso rwake akanditambudza; Ʋakarasha tomu pamberi paŋgu.

¹²Ʋasinamaturo ʋanosimuka kurudyi rwaŋgu; Ʋanosundira makumbo aŋgu, Ʋanoɀigadzirira nzira dzaʋo kundiparadza.

¹³Ʋanoparadza nzira yaŋgu, Ʋanowedzera njodzi yaŋgu, Iʋo ʋanhu ʋasinomuɓatsiri.

¹⁴Ʋanoʋuya ʋakafanana naʋanopinda pakakoromoka pakuru; Ʋanomhanyira kwandiri pakati pamaȿiŋgo akakoromoka.

¹⁵Ɀinotyisa ɀandiʋiŋga, Ʋanodziŋga kukudzwa kwaŋgu semhepo; Kufara kwangu kwapfuʋura segore.

¹⁶Ɀino mŋeya waŋgu waɗururwa mukati maŋgu; Mazuʋa enjodzi andiɓata.

¹⁷Paŋguʋa yoʋusiku mafupa aŋgu anoʋururwa mukati maŋgu, Ʋuye ɀinondiɓaya haɀizorori.

¹⁸Nesimba rake guru ŋguʋo yaŋgu yacinyikara; Rinondisuŋga sehuro dzejasi raŋgu.

¹⁹Iye wakandiwisira mumatope, Ndaʋa seguruʋa neɗota.

²⁰Ndinocema kwamuri, asi hamundiɗaʋiri; Ndimire, asi munoŋgonditarira.

²¹Mashanduka hamunetsitsi neni; Munonditambudza nesimba roruʋoko rwenyu.

²²Munondisimudza nemhepo, munonditaȿisa pamsoro payo; Munondinyaŋgarisa muɗutu remhepo.

²³Nokuti ndinoziʋa kuti mucandiisa kurufu, Nokuimba yakatarirwa ʋapenyu ʋose.

²⁴Ko munhu, unonyura, haaŋgatambanudzi ruʋoko here; Pakutambudzika kwake haaŋgaridzi mhere here?

²⁵Ko handina‐kucema wakaŋga ari panjodzi here? Mŋeya waŋgu wakaŋga usineshuŋgu pamsoro powaishaiwa here?

²⁶Ndakati ndicitarira ɀakanaka, ɀakaipa ɀikaȿika: Ndakati ndicimirira ciedza, rima ndokuȿika.

²⁷Ʋura bgaŋgu ʋunoʋira, haʋuzorori; Mazuʋa okutambudzika andiʋiŋga.

²⁸Ndinocema ndisinomushana; Ndinosimuka pakati peʋuŋgano, ndicicema kuɓatsirwa.

²⁹Ndaʋa hama yamakaʋa, Neshamŋari yemhou shiri.

³⁰Ganda raŋgu raȿiɓa, rinokwatuka kwandiri; Mafupa aŋgu atȿa nokupisa.

³¹Naiɀoɀo mbira dzaŋgu dzashanduka kucema, Ʋuye nyere yaŋgu raʋa inzwi raʋanocema misodzi.