Read Original Shona Union Bible 1949 Baiberi Magwaro Matȿene aMŋari Jobo 31 Bible Online

Jobo 31 - Original Shona Union Bible 1949 Baiberi Magwaro Matȿene aMŋari bible

Jobo 31

¹Ndakaita suŋgano nameso aŋgu; Ɀino ndiŋgatarira musikana seiko?

²Nokuti mugoʋe waMŋari unobva kumsoro ndoweiko, Nenhaka yoWamasimba‐ose inobva kuɗeŋga ndeyeiko?

³Ko haizi njodzi kunaʋasina‐kururama here, Nokuparadzwa kunaʋaiti ʋeɀakaipa here?

⁴Ko iye haaʋoni nzira dzaŋgu, Nokuʋereŋga nhambge dzaŋgu dzose here?

⁵Kana ndiciŋge ndafamba nenzira isinamaturo, Norutsoka rwaŋgu rwamhanyira ɀinonyeŋgera;

⁶(Ŋgandiidzwe paciyero cakarurama, Kuti Mŋari aziʋe kusanyeŋgera kwaŋgu;)

⁷Kana kutsika kwaŋgu kuciŋge kwatsauka panzira, Nomŋoyo waŋgu ukateʋera meso aŋgu, Kana gwapa riciŋge ranamatira pamaʋoko aŋgu;

⁸Ipapo ini ndidɀare haŋgu, asi mumŋe ŋgaadye; Ɀiɓereko ɀomunda waŋgu ŋgaɀidzurwe.

⁹Kana mŋoyo waŋgu uciŋge wanyeŋgerwa nomukadzi, Kana ndaʋandira pamukoʋa wowandaigara naye;

¹⁰Ipapo mukadzi waŋgu ŋgaakuyire mumŋe, Naʋamŋe ŋgaʋakotamire pamsoro pake.

¹¹Nokuti cinhu ico ciʋi cakashata, Ɀirokwaɀo, cinhu cakaipa cinofanira kurobga naʋatoŋgi.

¹²Nokuti ndiwo mŋoto unopedza kuȿikira pakuparadza, Uŋgadzura ɀiɓereko ɀaŋgu ɀose.

¹³Kana ndiciŋge ndaɀidza mhaka yomuranda waŋgu kana murandakadzi waŋgu, Paŋguʋa yaʋakaita nharo neni;

¹⁴Ndicaiteiko kana Mŋari akasimuka? Kana akandiʋiŋga, ndiŋgapindurei kwaari?

¹⁵Wakandiita muɗumbu ramai haazi iye wakamuita ʋo here? Ko haazi mumŋe wakatiʋumba isu tose muɗumbu ramai here?

¹⁶Kana ndiciŋge ndanyima ʋarombo ɀaʋakakumbira, Kana kushaisa meso ecirikadzi;

¹⁷Kana ndiciŋge ndadya cimeɗu caŋgu ndiri ndoga, Nherera ikasadya ʋo;

¹⁸(Kwete, kubva paʋujaya bgaŋgu yakakurira kwandiri ndikaita saɓaɓa ʋayo, Ndaiʋa muperekedzi wayo kubva paɗumbu ramai ʋaŋgu;)

¹⁹Kana ndiciŋge ndaʋona munhu aciparara nokushaiwa ŋguʋo, Kana unoshaiwa asina‐cokufuka;

²⁰Kana ciʋuno cake cisina‐kundiʋoŋga, Kana asina‐kudziyirwa nemvere dzamakwai aŋgu;

²¹Kana ndiciŋge ndasimudzira nherera ruʋoko rwaŋgu, Nokuti ndakaʋona kuti ndicaɓatsirwa pasuʋo;

²²Ipapo fudzi raŋgu ŋgaribve paɓendekete, Ruʋoko rwaŋgu ŋgaruvunike pafupa.

²³Nokuti njodzi inobva kunaMŋari yakandityisa, Ndakakoniwa kuita cinhu nokuɗa kwoʋumambo bgake.

²⁴Kana ndiciŋge ndaʋimba nendarama ikaʋa tariro yaŋgu, Ndikati kundarama yakaiȿo‐naka: Ndinoʋimba newe:

²⁵Kana ndiciŋge ndakafara nokuti fuma yaŋgu yakaŋga yawanda, Ʋuye nokuti ruʋoko rwaŋgu rwakaŋga rwawana ɀizhinji;

²⁶Kana ndiciŋge ndaʋona kubginya kwezuʋa, Kana mŋedzi ucifamba wakacena;

²⁷Mŋoyo waŋgu ukanyeŋgerwa pakaʋanda, Muromo waŋgu ukaȿeta ruʋoko rwaŋgu;

²⁸Necinhu ici ʋo caiʋa cakaipa cinofanira kurobga naʋatoŋgi; Nokuti ndineŋge ndaramba Mŋari uri kumsoro.

²⁹Kana ndiciŋge ndafarira kuparadzwa kwomuʋeŋgi waŋgu, Kana kuɀikudza paŋguʋa yaakaʋiŋgwa neɀakaipa;

³⁰(Ɀirokwaɀo handina‐kutendera muromo waŋgu kutadza, Ndicikumbira nokupanjira kuti afe;)

³¹Kana ʋanhu ʋetente raŋgu ʋasina‐kutaura, ʋaciti: Ndianiko uŋgawana munhu usinakugutiswa nenyama yake?

³²Mŋeni haana‐kuʋata ʋusiku panzira dzomumusha; Asi ndaizarurira mufambi mikoʋa yaŋgu;

³³Ƌayi ndaifukidza kuɗarika kwaŋgu saAdama, Ndiciʋanza ɀakaipa ɀaŋgu pacifuʋa caŋgu;

³⁴Ɀandaitya ʋanhu ʋazhinji, Ndikavunduswa nokushoʋorwa namapoka aʋanhu, Ndikanyarara, ndikasaɓuɗa pamukoʋa —

³⁵Haiwa, ɗayi ndaiʋa nomunhu unondinzwa! (Tarirai, ndirwo runyoro rwaŋgu, Wamasimba‐ose ŋgaandipindure;) Ƌayi ndaiʋa norugwaro rwakanyorwa nomudziʋisi waŋgu!

³⁶Ɀirokwaɀo, ndairutakura pafudzi raŋgu; Ndairudzika pamusoro waŋgu sekorona.

³⁷Ndaimuɗudzira kuwanda kwenhambge dzaŋgu; Ndaisweɗera kwaari somucinda.

³⁸Kana munda waŋgu ukaɗanidzira kwandiri, ucindipa mhoȿa, Nemihoroŋga yawo ikacema yose;

³⁹Kana ndiciŋge ndadya ɀiɓereko ɀawo ndisina‐kuteŋga, Kana ndiciŋge ndarashisa ʋaridzi ʋawo ʋupenyu bgaʋo;

⁴⁰Ipapo ʋutumbambeʋa ŋgaʋumere’po panɀimbo yeɀiyo, Nesora panɀimbo yebari. Mashoko aJobo apera.