Read Original Shona Union Bible 1949 Baiberi Magwaro Matȿene aMŋari Jobo 36 Bible Online

Jobo 36 - Original Shona Union Bible 1949 Baiberi Magwaro Matȿene aMŋari bible

Jobo 36

¹Erihu akapfuʋura ʋo, akati:

²Nditenderei henyu ɀishoma, ndikuratidzei; Nokuti ndicineɀimŋe ɀandinoɗa kutaura pamsoro paMŋari.

³Ndicatora ziʋo yaŋgu kure, Ndicaratidza kuti Muiti waŋgu wakarurama.

⁴Nokuti ɀirokwaɀo, mashoko aŋgu haanenhema; Mumŋe wakakwana paziʋo une’mi.

⁵Tarirai, Mŋari unesimba, asi haashoʋori munhu; Imhare pasimba renjere.

⁶Haaceŋgeti ʋupenyu bgaʋakaipa; Asi unoruramisira ʋanotambudzika.

⁷Haaregi kutarira ʋakarurama nameso ake; Asi unoʋagarisa pacigaro coʋushe pamŋe cete namadzimambo, Unoʋagarisa nokusiŋgaperi, ʋacikudzwa.

⁸Asi kana ʋaciŋge ʋasuŋgwa namaketani, Kana kuɓatwa namaɓote okutambudzika;

⁹Ipapo unoʋaziʋisa maɓasa aʋo, Nokuɗarika kwaʋo, kuti ʋakafamba ʋaciɀikudza.

¹⁰Unodziʋura ʋo nzeʋe dzaʋo ʋanzwe kuraira kwake, Unoʋaraira kuti ʋadzoke paɀakaipa ɀaʋo.

¹¹Kana ʋakamunzwa nokumushumira, Ʋacapedzisa mazuʋa aʋo ʋacifara, Namakore aʋo ʋari paneɀinofadza.

¹²Asi kana ʋakaramba kuterera, ʋacapera nomunondo, Ʋacafa ʋasineziʋo.

¹³Asi ʋasiŋgaɗi Mŋari pamŋoyo ʋanoɀiʋuŋganidzira kutsamŋa; Haʋaridzi mhere kuti ʋaɓatsirwe kana aciʋasuŋga.

¹⁴Ʋanofa ʋaciri ʋaɗuku, Ʋupenyu bgaʋo ʋunopera sobgaʋasino‐kururama.

¹⁵Unorwira unotambudzika pakutambudzika kwake, Unodziʋura nzeʋe dzaʋo pakumanikidzwa kwaʋo.

¹⁶Ɀirokwaɀo, wakaŋga aciɗa kukubvisai panjodzi Kukuȿitsai panɀimbo yakafara, pasina‐kumanikana; Kuti ɀinoiswa patafura yenyu ɀiʋe ɀizere namafuta.

¹⁷Asi imi muzere nokutoŋga ʋakaipa; Kutoŋga nokururamisira ɀinokuɓatai.

¹⁸Nokuti cenjerai kuti kutsamŋa kurege kukuȿitsai pakuɗaɗira; Ʋukuru bgedzikinuro ʋurege kukutsausai.

¹⁹Ko fuma yenyu iŋgariŋgana, kuti murege kutambudzika here, Ʋuye simba renyu rose‐rose here?

²⁰Musashuʋa ʋusiku, Paŋguʋa iyo ndudzi dzaʋanhu dzinobviswa panɀimbo yadzo.

²¹Cenjerai, regai kuraŋgarira ɀakaipa; Nokuti ndiɀo ɀamakasanaŋgura kupfuʋura kutambudzika.

²²Tarirai, Mŋari unoita ɀinhu ɀikuru nesimba rake; Ndianiko mudzidzisi wakafanana naye?

²³Ndianiko wakamuraira nzira yake? Kana ndianiko uŋgati: Makaita ɀisina‐kururama here?

²⁴Raŋgarirai, kuti murumbidze ɓasa rake, Rakaimbga naʋanhu.

²⁵Ʋanhu ʋose ʋakaritarira; Ʋanhu ʋanoriʋona ʋari kure.

²⁶Tarirai, Mŋari mukuru; asi isu hatimuziʋi; Kuwanda kwamakore ake hakuŋganɀerwi.

²⁷Nokuti unokweʋera kumsoro maɗonhedza emvura, Anoshanduka mvura inonaya icibva pamŋando wawo;

²⁸Inoɗururwa namakore Iciɗonhera yawanda pamsoro paʋanhu.

²⁹Ko kunomunhu uŋganzwisisa kudadanurwa kwamakore, Nokutinhira kwetente rake here?

³⁰Tarirai, unodadanura ciedza cake kunhiʋi dzake dzose; Unofukidza pasi peguŋgwa.

³¹Nokuti naiɀoɀi unotoŋga ndudzi dzaʋanhu; Unoʋapa ɀokudya ɀizhinji.

³²Unofukidza maʋoko ake nemheni; Nokuiraira kuti iroʋe payakaratidzwa.

³³Mubvumo wayo unomuziʋisa, Neŋombe ʋo dzinonzwa kuti unoʋuya.