Read Original Shona Union Bible 1949 Baiberi Magwaro Matȿene aMŋari Jobo 37 Bible Online

Jobo 37 - Original Shona Union Bible 1949 Baiberi Magwaro Matȿene aMŋari bible

Jobo 37

¹Ɀirokwaɀo mŋoyo waŋgu unobvunduswa ʋo pamsoro paiɀoɀi, Ucibviswa panɀimbo yawo.

²Tererai kutinhira kwenzwi rake, Nokuwuŋga kunobva pamuromo wake.

³Unokutuma pasi pedeŋga rose, Nemheni yake kuȿikira pamagumisiro enyika.

⁴Inoteʋerwa nenzwi rinodɀoʋa, Unotinhira nenzwi roʋumambo bgake. Haaɀidziʋisi kana inzwi rake ricinzwika.

⁵Mŋari unotinhira nenzwi rake rinoshamisa; Unoita ɀinhu ɀikuru ɀatisiŋgagoni kunzwisisa.

⁶Nokuti unoti kucando: Ciwira panyika; Saiɀoɀo ʋo kumvura inopfunhapfunha, Ʋuye ʋo kumvura inoturuka nesimba.

⁷Unodziʋisa ruʋoko rwomunhu mumŋe nomumŋe, Kuti ʋanhu ʋose ʋaakaita ʋamuziʋe.

⁸Paŋguʋa iyo ɀikara ɀinondoʋanda, Ɀicirambira mumapako aɀo.

⁹Ƌutu remhepo rinoɓuɗa pakamuri rezasi; Necando kurutiʋi rwokumsoro.

¹⁰Mazaya ecando anopiwa ʋanhu nomŋeya waMŋari; Ʋuye mvura mhami inogwamba.

¹¹Unozadza makore matema nomŋando, Unodadanura gore rinemheni yake.

¹²Rinotendeʋudzwa nokufambisa kwake, Kuti ɀiite ɀose ɀaanoɀiraira Panyika inogarwa naʋanhu;

¹³Unoituma kuti ɀimŋe iʋe shamhu, ɀimŋe ifadze nyika yake, Ɀimŋe iratidze tsitsi yake.

¹⁴Tererai shoko iri, nhasi Jobo; Cimbomirai muraŋgarire maɓasa anoshamisa aMŋari.

¹⁵Ko munoziʋa marairirwe aɀo naMŋari here, Nokupenyiswa kwemheni yegore rake here?

¹⁶Munoziʋa maturikirwe amakore here, Namaɓasa anoshamisa aiye wakakwana paziʋo here?

¹⁷Munonzwisisa madziyire eŋguʋo dzenyu, Kana nyika yakagadzikana nemhepo inobva zasi here?

¹⁸Ko muŋgagona kudadanura ɗeŋga pamŋe cete naye, Iro rakasimba seciʋoni‐ʋoni cakaʋumbga here?

¹⁹Tidzidzisei ɀatiŋgareʋa kwaari; Nokuti hatigoni kunyatso‐reʋa nemhaka yerima.

²⁰Ko iye unofanira kuʋudzwa kuti ndinoɗa kutaura here? Kana ndianiko munhu unoɗa kumedzwa?

²¹Ɀino ʋanhu haʋagoni kutarira ciedza cinopenya kuɗeŋga; Asi mhepo icapfuʋura, ndokurinatsa.

²²Kunaka sokwendarama kunobva kurutiʋi rwokumsoro; Mŋari unoʋumambo ʋunotyisa kwaɀo.

²³Kana ari Wamasimba‐ose, hatigoni kumunzwisisa; unesimba guru‐guru; Haaŋgatambudzi pakutoŋga nokururama kukuru.

²⁴Saka ʋanhu ʋanomutya; Haanehanya naʋanemŋoyo yakacenjera.