Read Original Shona Union Bible 1949 Baiberi Magwaro Matȿene aMŋari Jobo 38 Bible Online

Jobo 38 - Original Shona Union Bible 1949 Baiberi Magwaro Matȿene aMŋari bible

Jobo 38

¹Ipapo Jehova wakapindura Jobo, ari pacampupuri, akati:

²Ndianiko uya unodzima zano raŋgu aciriita rima Namashoko asineziʋo here?

³Ciɀisuŋga ciʋuno cako ɀino somurume; Nokuti ndicakubvunzisisa, iwe undiɗudzire.

⁴Iwe wakaŋga uripiko paŋguʋa yandakateya nheyo dzenyika? Ciɗudzira, kana uneziʋo iwe.

⁵Ndianiko wakatara kukura kwayo, kana uciɀiziʋa? Kana ndianiko wakaiyera norwonzi?

⁶Ko nheyo dzayo dzakateyiwa pamsoro pei? Kana ndianiko wakateya ibge rayo rekona?

⁷Paŋguʋa yakaimba nyeredzi dzamambakwedza pamawa, Ʋuye ʋanakomana ʋose ʋaMŋari ʋacipururudza nomufaro?

⁸Kana ndianiko wakadziʋira guŋgwa nemikoʋa, Paŋguʋa yokudzutuka kwaro, riciɓuɗa paciɀaro;

⁹Paŋguʋa yandaita gore ŋguʋo yaro, Ʋuye rima guru uʋe muceka wokuriputira nawo;

¹⁰Paŋguʋa yandakaritarira muganho waro, Ndikariisira mazariro nemikoʋa,

¹¹Ndikati: Uŋgaȿikira pano, asi hauŋgapfuʋuri; Mafuŋgu ako, anoɀikudza, acadziʋirirwa pano?

¹²Iwe wakatoŋgoraira maŋgwanani kubva pakutaŋga kwamazuʋa ako here, Ukaratidza mambakwedza nɀimbo yawo here?

¹³Kuti aɓate migumo yenyika, Ʋakaipa ʋazuzwe ʋabve pairi here?

¹⁴Ɀinoshanduka sevu kana ricitsikwa necisimbiso, Ɀinhu ɀose ɀiciʋonekwa sapaŋguʋo.

¹⁵Ʋakaipa ʋanodzitirirwa ciedza caʋo, Ruʋoko, runoɀikudza, runovuniwa.

¹⁶Iwe wakatoŋgopinda pamatsime eguŋgwa here? Kana wakatoŋgofamba pakadzikadzika pasi here?

¹⁷Masuʋo orufu akatoŋgokuzarurirwa here? Kana wakatoŋgoʋona masuʋo omumvuri worufu here?

¹⁸Wakatoŋgonzwisisa ʋupamhi bgenyika here? Ƌudzira, kana uciɀiziʋa ɀose.

¹⁹Nzira iripiko inoenda kunogara ciedza, Kana riri rima, nɀimbo yaro iripiko?

²⁰Kuti undoɀiisa kumiganho yaɀo, Ʋuye kuti uziʋe nzira dzinoenda kumusha waɀo here?

²¹Uneŋge unoziʋa hako, nokuti wakaŋga wakaɀarwa paŋguʋa iyo! Mazuʋa ako aneŋge akawanda kwaɀo!

²²Wakatoŋgopinda panoʋigwa fuma yamazaya ecando here, Kana wakatoŋgoʋona panoʋigwa fuma yecimvuramabge here?

²³Iɀo ɀandakaceŋgetera ŋguʋa yenhamo, Nezuʋa rokurwa nehondo here?

²⁴Ciedza cinoparadzaniswa nomutoʋo upiko, Ʋuye mhepo inobva mabvazuʋa inopararira seiko panyika?

²⁵Ndianiko wakacerera ɓoporodzi remvura mugero, Kana kuratidzira mheni yomutinhiro nzira yayo;

²⁶Kuti mvura iniswe panyika isinaʋanhu, Parenje pasinaʋanhu;

²⁷Kuti ivu rakasiyiwa nerakaparadzwa rigutswe; Ʋuye ɓumhudza rimereswe here?

²⁸Ko mvura inonaya inaɓaɓa here? Kana ndianiko wakaɀara maɗonhedza eɗoʋa?

²⁹Mazaya ecando akaɓuɗa muciɀaro caniko? Ʋuye cando cokuɗeŋga ndianiko wakaciɓereka?

³⁰Mvura inogwamba sebge, Guŋgwa rakadzika rinogwamba pamsoro paro.

³¹Ko iwe uŋgasuŋga sumbu reCinyamutanhatu, Kana kusunuŋgura ɀisuŋgo ɀeOrioni here?

³²Iwe uŋgaɓuɗisa Mazaroti paŋguʋa yawo here? Kana uŋgagona kufambisa Arkturo naʋanakomana ʋayo here?

³³Iwe unoziʋa mitemo yokuɗeŋga here? Iwe uŋgagona kuraira ʋushe bgaɀo panyika here?

³⁴Ko iwe uŋgaȿitsa inzwi rako kumakore, Kuti ufukidzwe nemvura yakawanda here?

³⁵Iwe uŋgagona kutuma mheni, kuti dzifambe, Dziciti kwauri: Tiri pano, here?

³⁶Ndianiko wakaisa ʋucenjeri mukati mamakore matema? Kana ndianiko wakapa nyeredzi njere?

³⁷Ndianiko uŋgagona kuʋereŋga makore noʋucenjeri bgake here? Kana ndianiko uŋgagona kuɗurura homboɗo dzemvura dzokuɗeŋga?

³⁸Kana guruʋa riciʋuŋgana pamŋe cete, Namaviŋga acinamatirana here?

³⁹Ko iwe uŋgavimira shumbakadzi, Kana kugutsa ʋana ʋeshumba here?

⁴⁰Kana idzo dzicitsiʋama panɀimba dzadzo, Nokurambira pakaʋanda dziciʋandira here?

⁴¹Ndianiko unogadzirira guŋguʋu ɀokudya ɀaro, Kana ʋana ʋaro ʋacicema kunaMŋari, Ʋacidzuŋgaira pose‐pose ʋacishaiwa ɀokudya.