Read Original Shona Union Bible 1949 Baiberi Magwaro Matȿene aMŋari Jobo 39 Bible Online

Jobo 39 - Original Shona Union Bible 1949 Baiberi Magwaro Matȿene aMŋari bible

Jobo 39

¹Iwe unoziʋa ŋguʋa inoɓereka ŋgururu here? Kana iwe uŋgaʋona kana nondo dziciɓereka here?

²Iwe uŋgagona kuʋereŋga mŋedzi yokutora kwadzo mazamu here? Kana iwe unoziʋa ŋguʋa yadzinoɓereka nayo here?

³Dzinokotama, ndokuɓereka ʋana ʋadzo, Dzinorasha ʋushuŋgu bgadzo.

⁴Ʋana ʋadzo ʋanosimba, ʋanokurira kusaŋgo; Ʋanoenda ʋakasadzoka ɀe.

⁵Ndianiko wakaregedza mbizi isinakusuŋgwa? Kana ndianiko wakasunuŋgura ɀisuŋgo ɀembizi?

⁶Ndakaita renje imba yayo, Nenyika yeɓare ʋugaro bgayo.

⁷Inoɀidza ɓope romuguta, Hainzwi kucaira kwomucairi.

⁸Nyika yamakomo ndiwo mafuro ayo, Inotȿaka mashizha ose matema.

⁹Ko nyati iŋgatenda kukuɓatira here? Kana iŋgaʋata pacidyiro ceŋombe dzako here?

¹⁰Ko iwe uŋgasuŋga nyati negashu rayo mumuhoroŋga, Kana iŋgaputsa maviŋga icikuteʋera here?

¹¹Uŋgaitenda, ɀainesimba guru here? Kana kuiregera ɓasa rako here?

¹²Uŋgaʋimba nayo kuti iise ɀiyo ɀako kuguta, Nokuɀiʋuŋganidzira paɓuriro rako here?

¹³Mhou inofara namapapiro ayo; Ko mapapiro ayo neminheŋga yayo ɀinoʋunyoro here?

¹⁴Nokuti inosiya mazai ayo pasi pavu, Inoadziyisa muguruʋa,

¹⁵Icikaŋganwa kuti aŋgapxanyiwa netsoka dzaʋanhu, Kana kuti aŋgatsikwa neɀikara.

¹⁶Inoʋaŋgararira ʋana ʋayo saʋaneŋge ʋasati ʋari ʋayo; Kunyaŋge yakatambudzikira pasina, hainehanya;

¹⁷Nokuti Mŋari wakaitorera ʋucenjeri, Haana‐kuipa njere.

¹⁸Paŋguʋa yainosimuka kuti itize, Inoshoʋora biza nomutaȿi waro.

¹⁹Iwe wakapa biza simba raro here? Ndiwe wakashoŋgedza mutsipa waro nezenze rinopepereka here?

²⁰Iwe wakaricirikisa semhashu here? Simba rokupfeza kwaro rinotyisa.

²¹Rinoteta pasi mumupata, ricifarira simba raro; Rinoɓuɗa kundoshoŋgana naʋarume ʋakashoŋga nhumbi dzokurwa nadzo.

²²Rinoseka kutya, harivunduswi; Haridzoki kana riciʋona munondo.

²³Goɓa rinorira pamsoro paro, Ʋuye pfumo neɓakatwa ɀinopenya.

²⁴Rinopedza pasi nokutsamŋa nehasha; Harimiri kana ricinzwa inzwi rehwamanda.

²⁵Ŋguʋa ipi neipi kana hwamanda icirira, rinoti: Hekani! Rinofembedza kurwa kana kuciri kure, Nokutinhira kwamacinda, neɓope.

²⁶Ko ruʋaŋgu runoeŋgerera noʋucenjeri bgako here, Rucitambanudzira mapapiro arwo kurutiʋi rwezasi here?

²⁷Ko gondo rinokwira nokuraira kwako, Ricindoʋaka ɗendere raro pakakwirira here?

²⁸Rinogara paɗombo, riciʋata’po, Pashoŋgwe yeɗombo napanhare.

²⁹Rinonaŋanidza ɀokudya ɀaro riri’po, Meso aro anoɀiʋona ɀiri kure.

³⁰Ʋana ʋaro ʋo ʋanoȿeta ropa; Panecakaʋurawa ndipo pariri.