Read Original Shona Union Bible 1949 Baiberi Magwaro Matȿene aMŋari Jobo 4 Bible Online

Jobo 4 - Original Shona Union Bible 1949 Baiberi Magwaro Matȿene aMŋari bible

Jobo 4

¹Ipapo Erifazi muTemani wakapindura, akati:

²Kana munhu akaidza kutaurirana newe, iwe ucaʋa neshuŋgu here? Asi ndiani uŋgaɀidzora, akasataura hake?

³Tarira, iwe wakadzidzisa ʋazhinji, Iwe wakasimbisa maʋoko akashaiwa simba.

⁴Mashoko ako akatsigira wakaŋga aciʋaʋarira kuwa, Iwe wakasimbisa mabvi akaŋga acigweɗa‐gweɗa.

⁵Asi ɀino ɀaȿika kwauri, iwe woshaiwa simba; Ɀakuɓata, ɀino wotambudzika.

⁶Ko kutya kwako Mŋari harizi simba rako here? Kururama kwenzira dzako haizi tariro yako here?

⁷Raŋgarira hako, ndianiko usinemhaka wakatoŋgoparara? Kana ʋakarurama ʋakatoŋgoparadzwa papi?

⁸Seɀandakaʋona ini, ʋanhu, ʋanorimira ɀakaipa, Naʋanodɀara ɀakashata, ndiʋo ʋanokohwa ʋo iɀoɀo.

⁹Ʋanoparadzwa nomŋeya waMŋari, Ʋanopedzwa nokufema kwokutsamŋa kwake.

¹⁰Kunduruma kweshumba nenzwi reshumba inehasha, Nameno enɀanɀa reshumba ɀinoparadzwa.

¹¹Shumba, yakwegura, inofa nokushaiwa ɀaiŋgaɓata; Naʋana ʋeshumbakadzi ʋanoparadzirwa.

¹²Ɀino ndakaziʋiswa shoko rakaʋanda; Nzeʋe yaŋgu yakanzwa zeʋe‐zeʋe raro.

¹³Pandaŋgariro dzinobva paneɀinoʋonekwa ʋusiku, Kana ʋanhu ʋaɓatwa nehope huru;

¹⁴Kutya nokubvunda kwakandiwira, Kwakabvundisa mafupa aŋgu ose.

¹⁵Ipapo mŋeya wakapfuʋura pamberi peciso caŋgu; Mvere dzenyama yaŋgu dzikasimuka.

¹⁶Wakamira, asi ndakaŋga ndisiŋgagoni kuʋona kuti wakaɗini; Mufananidzo wakaŋga uri pamberi pameso aŋgu; Kunyarara kukaʋa’po, ndikanzwa inzwi riciti:

¹⁷Ko munhu, unofa, uŋgakunda Mŋari pakururama here? Ko munhu uŋgakunda Muiti wake pakunaka here?

¹⁸Tarirai, haatendi ʋaranda ʋake; Ʋatumŋa ʋake unoʋapa mhaka aciti mapenzi;

¹⁹Ndoɗa ʋanogara mudzimba dzevu, Nheyo dzadzo dzakateyiwa paguruʋa, Dzinopxanyiwa seɀiʋundudzi.

²⁰Ʋanoparadzwa pakati pamaŋgwanani namaɗekwana; Ʋanoparara nokusiŋgaperi, pasinomunhu unehanya naɀo.

²¹Ko ɓote retente raʋo harinakuvomorwa pamŋe cete naʋo here? Ʋanofa ʋasinoʋucenjeri.