Read Original Shona Union Bible 1949 Baiberi Magwaro Matȿene aMŋari Jobo 40 Bible Online

Jobo 40 - Original Shona Union Bible 1949 Baiberi Magwaro Matȿene aMŋari bible

Jobo 40

¹Ɀino Jehova wakapfuʋura kupindura Jobo, akati:

²Ko munhu, unokakaʋara, uŋgaita nharo noWamasimba‐ose here? Unoita nharo naMŋari ŋgaapindure.

³Ipapo Jobo akapindura Jehova, akati:

⁴Tarirai, ini ndiri muɗuku haŋgu; ndiŋgakupindurai here? Ndinofumbira muromo waŋgu.

⁵Ndakataura kamŋe, asi handiŋgapinduri ɀe; Ɀirokwaɀo kaʋiri, asi handiŋgapamhidzi ɀe.

⁶Ipapo Jehova wakapindura Jobo ari mucampupuri, akati:

⁷Ciɀisuŋga ciʋuno cako ɀino somurume; Ndicakubvunzisisa, iwe undipindure.

⁸Ko iwe unoɗa kukaŋganisa kutoŋga kwaŋgu, Unoɗa kundipa mhoȿa, kuti iwe ururamiswe here?

⁹Iwe unoruʋoko rwakafanana norwaMŋari here? Iwe uŋgatinhira nenzwi rakafanana nerake here?

¹⁰Ciɀishoŋgedza ɀino noʋukuru nokukudzwa; Uɀifukidze nokurumbidzwa noʋumambo.

¹¹Ƌurura hasha dzako dzinopfacuka; Utarire mumŋe nomumŋe unoɀikudza, umuninipise.

¹²Tarira mumŋe nomumŋe unoɀikudza, umuɗeredze. Tsika pasi ʋakaipa ipapo paʋamire.

¹³Uʋaʋige pamŋe cete paguruʋa; Suŋga ɀiso ɀaʋo pakaʋanda.

¹⁴Ipapo ndicakurumbidza ʋo, Ndiciti ruʋoko rwako rworudyi ruŋgakuponesa.

¹⁵Tarira ɀino mvuʋu, yandakaita pamŋe cete newe; Inodya ʋuswa senzombe.

¹⁶Tarira ɀino simba rayo riri muciʋuno cayo; Kusimba kwayo kuri pamakakaʋa eɗumbu rayo.

¹⁷Inotȿikidza muswe wayo somusidari; Marunda eɀitumbi ɀayo akarukwa-rukwa.

¹⁸Mafupa ayo akafanana nendarira dzinemhaŋgo; Mbabvu dzayo dzakafanana namazariro amatare.

¹⁹Ndiyo huru pamaɓasa aMŋari; Iye, wakaiita, wakaipa munondo wayo.

²⁰Ɀirokwaɀo, makomo anoiʋigira ɀokudya ɀayo; Ipapo panotamba mhuka dzose dzesaŋgo.

²¹Inoʋata pasi pemiti yemirotusi, Pamumvuri wetsaŋga napamuroʋe.

²²Miti yemirotusi inoifukidza nomumvuri wayo; Mikonacando yomurukoʋa inoipoteredza.

²³Tarira, kana rwizi rukafema nokunze, haiɗeɗeri; Haityi, kunyaŋge Joridani rukazara kuȿikira pamuromo wayo.

²⁴Ko munhu uŋgaiɓata kana yakarindira here, Kana kuʋurura mhino dzayo norwauro here?