Read Original Shona Union Bible 1949 Baiberi Magwaro Matȿene aMŋari Jobo 41 Bible Online

Jobo 41 - Original Shona Union Bible 1949 Baiberi Magwaro Matȿene aMŋari bible

Jobo 41

¹Ko uŋgagona kuɓata ŋgwena neciredzo, Kana kutsikirira rurimi rwayo norwonzi here?

²Uŋgagona kupinza rwauro pamhino dzayo, Kana kuʋurura rushaya rwayo necikokoʋonho?

³Ko iŋgakunyeŋgetera ɀikuru here? Kana iŋgataura mashoko manyoro kwauri?

⁴Iŋgaita suŋgano newe here, Kuti uiite muranda wako nokusiŋgaperi?

⁵Uŋgatamba nayo seɀauŋgaita neshiri here? Kana uŋgaisuŋga kuti ʋanasikana ʋako ʋatambe nayo?

⁶Mapoka aʋaɓati ʋehoʋe aŋgaiteŋgesa here? Ʋaŋgaigoʋera ʋateŋgi?

⁷Uŋgagona kuzadza ganda rayo nemiseʋe yenzeʋe here, Kana musoro wayo namapfumo ehoʋe?

⁸Isa ruʋoko rwako pamsoro payo; Raŋgarira kurwa, hauŋgapamhidzi ɀe.

⁹Tarira, tariro yake hapana; Munhu haaŋgaʋori mŋoyo nokuiʋona ɓedzi here?

¹⁰Hakunomunhu unotyisa uŋgatsuŋga kuiʋamba, Ɀino ndianiko uŋgagona kumira pamberi paŋgu here?

¹¹Ndinaniko wakataŋga kundipa, kuti ndifanire kumuripira ɀe? Ɀose ɀiri pasi peɗeŋga rose ndeɀaŋgu.

¹²Handiŋganyarari kurondedzera mitezo yayo, Kana simba rayo, kana muturu wayo wakanaka.

¹³Ndianiko uŋgagona kubvisa ŋguʋo yayo yokunze? Ndianiko uŋgapinda pakati pemisara miʋiri yameno ayo?

¹⁴Ndianiko uŋgagona kuzarura mikoʋa yeciso cayo? Pameno payo panotyisa kwaɀo.

¹⁵Makwande ayo, anesimba, ndiko kuɀikudza kwayo; Akaɓatanidzwa necisimbiso cakaɓata.

¹⁶Ari pedyo nepedyo, Mhepo haigoni kupinda napakati pawo.

¹⁷Akaɓatanidzwa; Anonamatirana, haaŋgaparadzaniswi.

¹⁸Kuhotsira kwayo kunopenya ciedza; Meso ayo akafanana namafuŋgiro amaŋgwanani.

¹⁹Mumuromo mayo munoɓuɗa mazhenje anopfuta; Masasaradzi omŋoto anoɓarika acibva’mo.

²⁰Ʋutsi ʋunoɓuɗa pamhino dzayo, Sapahari inoʋira nenhokwe dzinopfuta.

²¹Mŋeya wayo unoɓatidza masimbe, Ʋuye muraɀo womŋoto unoɓuɗa mumuromo mayo.

²²Simba rinogara mumutsipa wayo, Kutyisa kunotamba pamberi payo.

²³Nyama dzayo dzakaɓatanidzwa kumatiʋi ose, Dzakasimba pairi, hadziŋgazunuŋguswi.

²⁴Mŋoyo wayo wakasimba sebge; Ɀirokwaɀo, wakasimba seguyo.

²⁵Kana icisimuka, ʋanesimba ʋanotya; Ʋanopeŋga nokuvunduswa.

²⁶Kana munhu akaitema nomunondo, haunesimba; Kunyaŋge nepfumo, kana nomuseʋe, kana matare anopinza.

²⁷Iyo inoti matare mashaŋga, Ʋuye ndarira ɗanda rakaʋora.

²⁸Museʋe hauŋgaitizisi; Mabge anoposhwa necifuramabge inoti makoto.

²⁹Tȿimbo dzakaita samakoto; Inoseka kana icinzwa kuwuŋga kweɓakatwa.

³⁰Pasi payo pakafanana neɀaeŋga ɀinoceka; Inoita sokukwekweredza cireyi cinembambo mumatope.

³¹Inoʋirisa mvura yakadzika sehari; Inoita guŋgwa samafuta okuzora.

³²Inotara nzira inopenya shure kwayo; Ɀimŋe munhu uŋgati, mvura yakadzika yacena vudzi.

³³Panyika hapana‐cakafanana nayo, Cakaitwa cisina‐kutya.

³⁴Inoʋona ɀose ɀakakwirira; Ndiyo mambo weɀikara ɀose ɀinoɀikudza.