Read Original Shona Union Bible 1949 Baiberi Magwaro Matȿene aMŋari Jobo 42 Bible Online

Jobo 42 - Original Shona Union Bible 1949 Baiberi Magwaro Matȿene aMŋari bible

Jobo 42

¹Ipapo Jobo wakapindura Jehova, akati:

²Ndinoziʋa kuti imi munogona kuita ɀose, Ʋuye kuti hakuna‐camunoʋaʋarira ɀiŋgadziʋiswa.

³Ndianiko uyu unodzikatira zano raMŋari asineziʋo? Naiɀoɀo ndakataura ɀandakaŋga ndisiŋganzwisisi, Ɀinhu ɀakandishamisa kwaɀo, ɀandakaŋga ndisiŋgaziʋi.

⁴Ciɗonzwai henyu, nditaure ini; Ndicakubvunzai, imi mundiɗudzire.

⁵Ndakaŋga ndanzwa ɀenyu nokunzwa kwenzeʋe; Asi ɀino ziso raŋgu rinokuʋonai,

⁶Saka ndinoɀisema, nokuɀiɗemba Muguruʋa namaɗota.

⁷Ɀino Jehova wakati ataura mashoko iwayo kunaJobo, Jehova akati kunaErifazi muTemani: Ndakutsamŋira kwaɀo iwe neshamŋari dzako mbiri, nokuti imi hamuna‐kutaura ɀakarurama pamsoro paŋgu, seɀakaita muranda waŋgu Jobo.

⁸Naiɀoɀo ɀino citorai nzombe nomŋe namakondobge manomŋe, muende kumuranda waŋgu Jobo, muɀipisire cipiriso cinopiswa; ɀino muranda waŋgu Jobo ucakunyeŋgetererai; nokuti ndicamugamucira iye, kuti ndirege kukuitirai ɀakaenzana noʋupenzi bgenyu; nokuti imi hamuna‐kutaura pamsoro paŋgu ɀakarurama, seɀakaita muranda waŋgu Jobo.

⁹Ɀino Erifazi muTemani, naBirdadi muShuhi, naZofari muNaamati, ʋakandoita seɀaʋakarairwa naJehova; Jehova akagamucira Jobo.

¹⁰Jehova akashandura kutapxa kwaJobo ŋguʋa yaakanyeŋgeterera shamŋari dzake; Jehova akapa Jobo ɀaakaŋga anaɀo pakutaŋga kaʋiri.

¹¹Ipapo ʋanuŋuna ʋake ʋose, nehanɀadzi dzake dzose, naʋazikani ʋake ʋose ʋaimuziʋa kare ʋakaʋuya kwaari, ʋakadya ɀokudya mumba make; ʋakamuɗemba nokumunyaradza pamsoro peɀakaipa ɀose ɀakaŋga ɀaʋuyiswa naJehova pamsoro pake; munhu mumŋe nomumŋe wakamupa ʋo cimari, nomumŋe nomumŋe cindori cendarama.

¹²Saiɀoɀo Jehova akaropafadza kupedzisira kwaJobo kupfuʋura kutaŋga kwake; wakaŋga anamakwai aneɀuru ɀinegumi neɀinna, namakamera aneɀuru ɀitanhatu, nenzombe dziŋgasuŋgwa pamajoko dzinecuru cimŋe, namakadzi emboŋgoro anecuru cimŋe.

¹³Akazoʋa ʋo naʋanakomana ʋanomŋe naʋanasikana ʋatatu.

¹⁴Akatumidza wokutaŋga zita rinonzi Jemima, nowecipiri zita rinonzi Kezia, nowecitatu zita rinonzi Kereni‐hapuki.

¹⁵Panyika yose hapana‐kuwanikwa ʋakadzi ʋakanaka paɀiso ɀaʋo ʋakapfuʋura ʋakunda ʋaJobo; ɓaɓa ʋaʋo ʋakaʋapa ʋo nhaka pakati pehanɀadzi dzaʋo.

¹⁶Shure kwaiɀoɀo Jobo wakazogara makore anezana namakumi manna, akaʋona ʋanakomana ʋake, naʋanakomana ʋaʋanakomana ʋake, kuȿikira pamarudzi manna.

¹⁷Ɀino Jobo akazofa, akwegura, aʋa namazuʋa mazhinji.