Read Original Shona Union Bible 1949 Baiberi Magwaro Matȿene aMŋari Jobo 5 Bible Online

Jobo 5 - Original Shona Union Bible 1949 Baiberi Magwaro Matȿene aMŋari bible

Jobo 5

¹Ɀino ciɗana hako; panomumŋe uŋgakupindura here? Ucaenda kunani pakati paʋatȿene?

²Nokuti kutsamŋa kunoʋuraya ɓenzi, Ʋuye shuŋgu dzinoparadza usineziʋo.

³Ndakaʋona ɓenzi riciita midzi; Asi pakarepo ndakatuka nɀimbo yaro.

⁴Ʋana ʋaro haʋatoŋgoponeswi, Ʋanopxanyiwa musuʋo; Hapana‐unoʋarwira.

⁵Ɀaakaceka ɀinodyiwa naʋanenzara, Ʋanoɀitora kunyaŋge napakati peminzwa; Ʋanenyota ʋanonwa fuma yaʋo.

⁶Nokuti kutambudzika hakuɓuɗi paguruʋa. Ʋuye nhamo haibvi pasi.

⁷Asi munhu unoɓerekerwa nhamo, Seɓariɓari dzomŋoto dzinokwira kumsoro.

⁸Asi kana ndirini, ndaitȿaka Mŋari, Ndaiisa mhoȿa yaŋgu kunaMŋari;

⁹Iye unoita ɀinhu ɀikuru ɀisiŋganɀerwi; Ɀinhu ɀinoshamisa ɀisiŋgaʋereŋgwi;

¹⁰Iye unonisa mvura panyika, Unotuma mvura paminda;

¹¹Ndiye unokwiridza ʋakaɗerera; Ʋanocema ʋanokundiswa.

¹²Unokaŋganisa mano aʋanyeŋgeri, Maʋoko aʋo arege kuita ɀaʋakaŋga ʋaciɗa kuita.

¹³Ʋakacenjera unoʋaɓata pamano aʋo, Nokuraŋgana kwaʋasakarurama kunoputsirwa pasi.

¹⁴Ʋanosoŋgana nerima masikati. Ʋanotȿanɀadzira masikati makuru sapaʋusiku.

¹⁵Asi iye unorwira paminondo yemiromo yaʋo, Unorwira unoshaiwa pamaʋoko aʋanesimba.

¹⁶Saka murombo unetariro, Kuipa kunoɀifumbira muromo.

¹⁷Tarirai, munhu, unorairwa naMŋari, unomufaro; Saka usaɀidza kuraŋga kwoWamasimba ose.

¹⁸Nokuti iye unokuʋadza, ndokusuŋga ɀe ʋaŋga: Unopxanya, maʋoko ake ndokupodza ɀe.

¹⁹Iye ucakurwira panjodzi nhanhatu; Kunyaŋge panomŋe hakuna‐cakaipa ciŋgakugunɀa.

²⁰Panzara ucakudzikinura parufu; Napakurwa ucakudzikinura pasimba romunondo.

²¹Iwe ucaʋanziwa pakurobga norurimi; Hauŋgatyi kuparadza kana kuciȿika.

²²Ucaseka kuparadza nokushaiwa; Hauŋgatyi ɀikara ɀenyika.

²³Nokuti iwe ucaita suŋgano namabge esaŋgo; Ɀikara ɀesaŋgo ɀicaita rugare newe.

²⁴Iwe ucaziʋa kuti tente rako rinorugare; Ucandotarira ɀipfuwo ɀako, ukasashaiwa cimŋe caɀo.

²⁵Ucaziʋa ʋo kuti ʋana ʋako ʋacawanda, Naʋazukuru ʋako ʋacaita soʋuswa bgenyika.

²⁶Ucaȿika pabgiro bgako wakwegura kwaɀo, Secisote ceɀiyo cinoȿika paŋguʋa yaco.

²⁷Tarira iɀoɀi takaɀinɀera, ndiɀoɀo; Ciɀinzwa, uɀiziʋe iwe umene.