Read Original Shona Union Bible 1949 Baiberi Magwaro Matȿene aMŋari Jobo 9 Bible Online

Jobo 9 - Original Shona Union Bible 1949 Baiberi Magwaro Matȿene aMŋari bible

Jobo 9

¹Ipapo Jobo wakapindura, akati:

²Ɀirokwaɀo ndinoziʋa kuti ndiɀo: Nokuti munhu uŋgaʋa wakarurama pamberi paMŋari seiko?

³Kana iye akaɗa kuita nharo naye, Haaŋgagoni kumupindura shoko rimŋe pamashoko aneɀuru.

⁴Iye unomŋoyo wakaŋgwara, unesimba guru; Ndianiko wakamuwomesera mŋoyo wake, akazofara?

⁵Iye unobvisa makomo, iwo asiŋgaɀiziʋi, Kana aciashandura pakutsamŋa kwake.

⁶Iye unozunuŋgusa nyika ikabva panɀimbo yayo, Mbiru dzayo dzinoɗeŋgenyeka.

⁷Iye unoraira zuʋa, rikarega kuɓuɗa; Iye unodzitira nyeredzi.

⁸Iye oga unotatamura ɗeŋga, Unotsika pamsoro pamafuŋgu eguŋgwa.

⁹Iye unoita nyeredzi dzeArkturo, nedzeOrioni, nedzeCimutanhatu, Namakamuri enyasi.

¹⁰Iye unoita ɀinhu ɀikuru ɀisiŋganɀerwi, Iɀo ɀinhu ɀinoshamisa, ɀisiŋgagoni kuʋereŋgwa.

¹¹Tarira, unopfuʋura pedyo neni, ndisiŋgamuʋoni; Unopfuʋura ʋo hake, asi handimuʋoni.

¹²Tarira, unotora hake, ndiani uŋgamudziʋisa? Ndiani uŋgati kwaari: Unoiteiko?

¹³Mŋari haaŋgadzori kutsamŋa kwake; Ʋaɓatsiri ʋaRahabi ʋakakotamira pasi pake.

¹⁴Ko ɀino ini ndicamupindura seiko, Nditsaure mashoko aŋgu ndiite nharo naye?

¹⁵Kunyaŋge ndaiʋa wakarurama handizaimupindura; Ndaikumbira nyasha kumutoŋgi waŋgu.

¹⁶Kana ndiciŋge ndaɗana, akandipindura, Kunyaŋge ɀakaɗaro handizaitenda kuti wakanzwa inzwi raŋgu.

¹⁷Nokuti unondiputsa neɗutu remhepo, Unowanza maʋaŋga aŋgu ndisinemhoȿa haŋgu.

¹⁸Haanditenderi kufema mŋeya waŋgu, Asi unondizadza neɀinoʋaʋa.

¹⁹Kana riri simba guru, tarira, iye unaro! Kana iri mhoȿa inotoŋgwa, ndiani ucanditarira ŋguʋa?

²⁰Kunyaŋge ndaiʋa wakarurama haŋgu, muromo waŋgu umene ucandipa mhaka; Kunyaŋge ndaiʋa wakakwana, iye waiti handina‐kururama.

²¹Ndakakwana haŋgu, handiɀiraŋgariri; Ndinoɀidza ʋupenyu bgaŋgu.

²²Ɀose ɀakafanana haɀo; saka ndinoti: Iye unoparadza ʋakarurama naʋakaipa ʋose.

²³Kana nyatwa iciŋge yaʋuraya nokukurumidza, Iye ucaseka njodzi yaʋasinemhoȿa.

²⁴Nyika yakaiswa mumaʋoko aʋakaipa; Iye unofukidza meso aʋatoŋgi ʋayo; Kana asiri iye, ɀino ndianiko?

²⁵Ɀino mazuʋa aŋgu anokurumidza kupfuʋura mumhanyi; Anotiza asina‐kuʋona ɀakanaka.

²⁶Apfuʋura seɀikepe ɀinomhanyisa; Segondo rinokurumidzira ciʋurawa.

²⁷Kana ndikati: Ndicakaŋganwa kunyunyuta kwaŋgu, Ndicarega ciso caŋgu cinopunyaira, ndifare haŋgu;

²⁸Ndinotya njodzi dzaŋgu dzose, Ndinoziʋa kuti hamuŋgati handinemhoȿa.

²⁹Ndicapiwa mhoȿa; Ɀino ndinotamburireiko ɀisinamaturo?

³⁰Kana ndikaŋgura nemvura yecando, Ndikacenesa maʋoko aŋgu kwaɀo;

³¹Kunyaŋge ɀakaɗaro imi muŋgandinyudza mumatope, Neŋguʋo dzaŋgu dzicandisema.

³²Nokuti iye haazi munhu wakafanana neni, kuti ndimupindure, Kuti tikwirirane pakutoŋga.

³³Hakunamununuri pakati peɗu, Uŋgatiɓata tose noruʋoko rwake.

³⁴Ŋgaabvise shamhu yake kwandiri, Hasha dzake dzirege kundityisa;

³⁵Ipapo ndaitaura, ndisiŋgamutyi; Nokuti handizakaɗaro haŋgu.