Read Original Shona Union Bible 1949 Baiberi Magwaro Matȿene aMŋari Mapisarema 102 Bible Online

Mapisarema 102 - Original Shona Union Bible 1949 Baiberi Magwaro Matȿene aMŋari bible

Mapisarema 102

¹Munyeŋgetero wounotambudzika pakumanikidzwa kwake; unocema kwaɀo pamberi paJehova. Inzwai munyeŋgetero waŋgu, Jehova, Kucema kwaŋgu ŋgakuȿikire kwamuri.

²Regai kundiʋanzira ciso cenyu pazuʋa rokutambudzika kwaŋgu; Rerekerai nzeʋe yenyu kwandiri; Pazuʋa rokuɗana kwaŋgu kurumidzai kundipindura.

³Nokuti mazuʋa aŋgu anopera soʋutsi, Mafupa aŋgu anotȿa secitsa.

⁴Mŋoyo waŋgu warobga soʋuswa, wawoma; Nokuti ndinokaŋganwa kudya ɀokudya ɀaŋgu.

⁵Nokuɗa kwenzwi rokugomera kwaŋgu Mafupa aŋgu anonamatira nyama yaŋgu.

⁶Ndafanana nehukurwizi yomurenje; Ndaʋa sezizi romumatoŋgo.

⁷Handiʋati, ndafanana Neshiri iri yoga pamsoro peɗeŋga reimba.

⁸Ʋaʋeŋgi ʋaŋgu ʋanondituka zuʋa rose; Aʋo ʋanondipeŋgera ʋanonditukisa kwaɀo.

⁹Nokuti ndakadya maɗota seɀokudya, Ndikaveŋganisa ɀokunwa ɀaŋgu nemisodzi.

¹⁰Nokuɗa kwehasha dzenyu nokutsamŋa kwenyu; Nokuti makandisimudza mukandirasha.

¹¹Mazuʋa aŋgu akafanana nomumvuri wareɓa; Ndawoma soʋuswa.

¹²Asi imi Jehova, mucaʋa’po nokusiŋgaperi; Marudzi namarudzi acakuraŋgarirai.

¹³Imi mucasimuka, mukanzwira Zioni ŋgoni; Nokuti ŋguʋa yaʋa’po yokurinzwira tsitsi, ɀirokwaɀo, ŋguʋa, yakatarwa, yaȿika.

¹⁴Nokuti ʋaranda ʋenyu ʋanofarira mabge aro, Ʋanonzwira tsitsi guruʋa raro.

¹⁵Naiɀoɀo ʋahedeni ʋacatya zita raJehova, Namadzimambo ose apasi kubginya kwenyu;

¹⁶Jehova ɀaakaʋaka Zioni, Akaʋonekwa nokubginya kwake;

¹⁷Akaʋa nehanya nomunyeŋgetero waʋakakumurwa, Akasaɀidza munyeŋgetero waʋo.

¹⁸Iɀi ɀicanyorerwa rudzi runozoʋuya; Ʋanhu, ʋacazosikwa, ʋacarumbidza Jehova.

¹⁹Nokuti wakatarira pasi ari panɀimbo yake tȿene yakakwirira; Jehova wakacerekedza nyika ari kuɗeŋga;

²⁰Kuti anzwe kugomera kwomusuŋgwa; Kuti asunuŋgure ʋana ʋorufu;

²¹Kuti ʋanhu ʋaparidze zita raJehova paZioni, Nokurumbidzwa kwake paJerusarema;

²²Kana marudzi aʋanhu aʋuŋgana, Noʋushe ʋuzhinji, kuti ʋashumire Jehova.

²³Wakatapudza simba raŋgu panzira; Wakafupisa mazuʋa aŋgu.

²⁴Ndakati: Mŋari waŋgu, regai kundibvisa mazuʋa aŋgu acigere kuȿika; Makore enyu anoȿika kumarudzi namarudzi.

²⁵Makateya nyika kare‐kare; Neɗeŋga rose iɓasa ramaʋoko enyu.

²⁶Ɀicaparara iɀo, asi imi mucagara muri’po; Ɀirokwaɀo, iɀoɀo ɀose ɀicasakara seŋguʋo; Mucaɀishandura secisimiro, ɀikashanduka;

²⁷Asi imi hamushanduki, Makore enyu haaŋgaʋi nomugumo.

²⁸Ʋana ʋaʋaranda ʋenyu ʋacagara ʋari’po, Naʋana ʋaʋo ʋacasimbiswa pamberi penyu.