Read Original Shona Union Bible 1949 Baiberi Magwaro Matȿene aMŋari Mapisarema 104 Bible Online

Mapisarema 104 - Original Shona Union Bible 1949 Baiberi Magwaro Matȿene aMŋari bible

Mapisarema 104

¹Rumbidza Jehova, mŋeya waŋgu! Jehova Mŋari waŋgu, muri mukuru kwaɀo; Makafukidzwa nokukudzwa noʋumambo.

²Imi munoɀifukidza neciedza secisimiro; Munotatamura kuɗeŋga‐ɗeŋga somuceka wetente;

³Ndiye unoteya matanda edzimba dzake mumvura; Unoita makore ŋgoro yake; Unofamba pamsoro pamapapiro emhepo;

⁴Unoita mhepo nhume dzake; Nomŋoto, unopfuta, ʋashumiri ʋake;

⁵Wakateya nheyo dzapasi; Kuti parege kuzunuŋguswa nokusiŋgaperi,

⁶Makapafukidza nemvura yakadzika secisimiro; Mvura zhinji yakamira pamsoro pamakomo,

⁷Makati mucituka ikatiza; Inzwi rokutinhira kwenyu rakati ricinzwika, ikacimbidzika kuenda.

⁸Makomo akakwira, mipata yakaɗerera; Ikaenda kunɀimbo yamakaigadzirira,

⁹Makaitarira muganho, kuti irege kuɗarika; Kuti irege kudzoka kuzofukidza pasi ɀe.

¹⁰Unotuma matsime mumipata; Mvura inoyerera napakati pamakomo;

¹¹Anonwisa mhuka dzose dzesaŋgo; Mbizi dzinopedza nyota yadzo.

¹²Shiri dzokuɗeŋga dzinogara paari, Dzinorira pakati pamataʋi.

¹³Unoɗiridza makomo ari padzimba dzake; Pasi panogutiswa neciɓereko camaɓasa enyu.

¹⁴Unomeresa ʋuswa bgeɀipfuwo, Nemiriʋo, inoɓatsira ʋanhu; Kuti aɓuɗise ɀokudya pasi;

¹⁵Newaini inofadza mŋoyo womunhu, Namafuta anobginyisa ciso cake, Neciŋgwa cinosimbisa mŋoyo womunhu.

¹⁶Miti yaJehova inoguta; Iyo misidari yeRebanoni yaakasima;

¹⁷Apo panoʋaka shiri matendere adzo: Kana riri zimudo, miti yemisipresi ndiyo imba yaro.

¹⁸Makomo marefu ndeetsoma; Matombo ndibgo ʋutiziro bgembira.

¹⁹Wakatara mŋedzi kuti uratidze ŋguʋa; Zuʋa rinoziʋa ŋguʋa yokuʋira kwaro.

²⁰Munoita rima, ʋusiku ndokuʋa’po; Paŋguʋa iyo mhuka dzose dzeɗondo dzinoɓuɗa.

²¹Ʋana ʋeshumba ʋanoʋomba ʋacitȿaka ɀaʋaŋgaʋuraya, Ʋanotȿaka ɀokudya ɀaʋo kunaMŋari.

²²Kana zuʋa riciɓuɗa, dzinoenda hadzo, Dzicindoʋata mumapako adzo.

²³Ɀino munhu woɓuɗira kuɓasa rake. Nokumurimo wake kuȿikira maɗekwana.

²⁴Haiwa Jehova, maɓasa enyu mazhinji sei! Makaaita ose nenjere; Pasi pazere nefuma yenyu.

²⁵Hero guŋgwa, rakakura iɓamhi, Mukati maro muneɀinhu ɀinokambaira ɀisiŋgagoni kuʋereŋgwa, Ɀipenyu ɀiɗuku neɀikuru.

²⁶Heɀo ɀikepe, ɀinofamba; Heyo ŋgwena yamakaʋumba, kuti itambe mariri.

²⁷Iɀi ɀose ɀinokumirirai, Kuti muɀipe ɀokudya ɀaɀo neŋguʋa yakafanira.

²⁸Ɀamunoɀipa imi, ndiɀo ɀaɀinoʋuŋganidza; Munotadzanura ruʋoko rwenyu, iɀo ndokuguta neɀakanaka.

²⁹Munoʋanza ciso cenyu, iɀo ndokuvunduswa; Munoɀitorera mŋeya waɀo, iɀo ndokufa, Ɀicidzokera kuguruʋa raɀo.

³⁰Munotuma mŋeya wenyu, iɀo ndokusikwa; Munoʋandudza ciso cevu.

³¹Kubginya kwaJehova ŋgakugare nokusiŋgaperi; Jehova ŋgaafarire maɓasa ake;

³²Iye unotarira pasi, ipo ndokubvunda; Unonyaŋgata makomo, iwo ndokuɓuɗisa ʋutsi.

³³Ndicaimbira Jehova paŋguʋa yose yoʋupenyu bgaŋgu; Ndicaimbira Mŋari waŋgu nziyo dzokurumbidza ndiciri’po.

³⁴Kuraŋgarira kwaŋgu ŋgakumufadze; Ndicafara kwaɀo munaJehova.

³⁵Ʋatadzi ŋgaʋaparadzwe pasi, Naʋakaipa ŋgaʋarege kuzoʋa’po. Rumbidza Jehova, mŋeya waŋgu. Hareruya.[1]