Read Original Shona Union Bible 1949 Baiberi Magwaro Matȿene aMŋari Mapisarema 107 Bible Online

Mapisarema 107 - Original Shona Union Bible 1949 Baiberi Magwaro Matȿene aMŋari bible

Mapisarema 107

¹Ʋoŋgai Jehova, nokuti wakanaka; Nokuti ŋgoni dzake dzinogara nokusiŋgaperi.

²Ʋakadzikinurwa ʋaJehova ŋgaʋaɗaro, Iʋo ʋaakadzikinura muruʋoko rwomudziʋisi;

³Akaʋaʋuŋganidza panyika dzose, Kumabvazuʋa nokumaʋirira, Kumsoro nezasi.

⁴Ʋakafamba‐famba murenje munzira yomuciwunde; Haʋana‐kuwana guta maʋaŋgagara.

⁵Ʋakafa nenzara nenyota, Mŋeya waʋo ukaziya mukati maʋo.

⁶Ipapo ʋakacema kunaJehova pakutambudzika kwaʋo, Iye akaʋarwira panjodzi dzaʋo.

⁷Wakaʋafambisa ʋo nenzira yakarurama, Kuti ʋaȿike kuguta rokugara.

⁸Haiwa, ɗai ʋanhu ʋacirumbidza Jehova nokuɗa kwokunaka kwake, Ʋuye nokuɗa kwamaɓasa ake, anoshamisa, aakaitira ʋanakomana ʋaʋanhu!

⁹Nokuti unogutisa mŋeya, unenyota, Ʋuye mŋeya, unenzara, unouzadza neɀakanaka.

¹⁰Ndiʋo, ʋakaŋga ʋagere murima nomumvuri worufu, Ʋakaŋga ʋakasuŋgwa mukutambudzika namatare,

¹¹Nokuti ʋakamukira mashoko aMŋari, Ʋakashoʋora zano roWokumsoro‐soro;

¹²Saka wakaninipisa mŋoyo yaʋo nokutambura; Ʋakawira pasi, kukasaʋa nomunhu unoɓatsira.

¹³Ipapo ʋakacema kunaJehova panhamo yaʋo, Akaʋaponesa pamaɗambudziko aʋo.

¹⁴Wakaʋaɓuɗisa parima nomumvuri worufu, Akaɗamburanya ɀisuŋgo ɀaʋo.

¹⁵Haiwa, ɗai ʋanhu ʋacirumbidza Jehova nokuɗa kwokunaka kwake, Ʋuye nokuɗa kwamaɓasa ake, anoshamisa, aakaitira ʋanakomana ʋaʋanhu!

¹⁶Nokuti wakavuna masuʋo endarira, Nokuguranya mazariro amatare.

¹⁷Mapenzi anotambudzika nokuɗa kwokuɗarika kwawo, Ʋuye nokuɗa kwaɀakaipa ɀawo.

¹⁸Mŋeya waʋo unosema ɀokudya ɀose; Ʋanosweɗera pedyo namasuʋo orufu.

¹⁹Ɀino ʋocema kunaJehova panhamo yaʋo, Iye unoʋaponesa pamaɗambudziko aʋo.

²⁰Unotuma shoko rake, ndokuʋaporesa, Nokuʋarwira pakuparadzwa kwaʋo.

²¹Haiwa, ɗai ʋanhu ʋacirumbidza Jehova nokuɗa kwokunaka kwake, Ʋuye nokuɗa kwamaɓasa ake anoshamisa, aakaitira ʋanakomana ʋaʋanhu!

²²Ŋgaʋaɓayire ɀiɓayiro ɀokuʋoŋga, Nokuɗudzira maɓasa ake nokuimba.

²³Aʋo, ʋanoɓurukira kuguŋgwa muɀikepe, Ʋanoshambadzira kumvura zhinji;

²⁴Ndiʋo ʋanoʋona maɓasa aJehova, Neɀishamiso ɀake pakadzika.

²⁵Nokuti unoraira, ndokumutsa ɗutu guru, Rinomutsa mafuŋgu aro.

²⁶Ʋanosimudzirwa kuɗeŋga, ndokuɓurukira ɀe pakadzika; Mŋeya waʋo unonyauka nokuɗa kwenhamo.

²⁷Ʋanondeya‐ndeya nokudzeŋgedzeka somunhu wakaɓatwa, Ʋapera mano.

²⁸Ɀino ʋocema kunaJehova panhamo yaʋo, Iye ndokuʋaɓuɗisa pamaɗambudziko aʋo.

²⁹Unonyaradza ɗutu remhepo, Mafuŋgu aro ndokunyarara.

³⁰Ipapo ʋanofara nokuti anyarara; Ɀino iye ndokuʋaȿitsa pakadzikama paʋaiɗa kuʋa’po.

³¹Haiwa, ɗai ʋanhu ʋacirumbidza Jehova nokuɗa kwokunaka kwake, Ʋuye nokuɗa kwamaɓasa ake anoshamisa aakaitira ʋanakomana ʋaʋanhu!

³²Ŋgaʋamukudzise ʋo paʋuŋgano yaʋanhu, Ʋamurumbidze pamakurukota aʋakuru.

³³Unoshandura nzizi dzikaita renje, Namatsime emvura aite nyika yakawoma;

³⁴Nyika, inoɓereka ɀakanaka, iʋe saŋgo reɓare, Nokuɗa kweɀakaipa ɀaʋanogara mairi.

³⁵Unoshandura renje riite dziʋa remvura, Nenyika yakawoma iite matsime emvura.

³⁶Ndipapo paanogarisa ʋanenzara, Kuti ʋamutse guta rokugara’mo;

³⁷Ʋadɀare minda, ʋasime minda yemizambiriŋga, Ʋawane ɀiɓereko ɀizhinji.

³⁸Wakaʋaropafadza ʋo, ʋakawanda kwaɀo; Akasatendera ɀipfuwo ɀaʋo kutapudzwa.

³⁹Ɀino ʋakatapudzika nokuʋa ʋashoma Nemhaka yokumanikidzwa, nenhamo, nokuɀidya mŋoyo.

⁴⁰Unoɗurura kuɀidza pamsoro pamacinda, Aciʋadzuŋgaidza murenje musinenzira.

⁴¹Kunyaŋge ɀakaɗaro, unogadza mushaiwi kumsoro kusineɗambudziko, Acimumutsira mhuri samapoka amakwai.

⁴²Wakarurama ucaɀiʋona, akafara; Ʋuye ɀakaipa ɀose ɀicadziʋirwa muromo waɀo.

⁴³Aninani wakacenjera ucacerekedza ɀinhu iɀoɀi, Ʋacafuŋga ʋunyoro bgaJehova.