Read Original Shona Union Bible 1949 Baiberi Magwaro Matȿene aMŋari Mapisarema 108 Bible Online

Mapisarema 108 - Original Shona Union Bible 1949 Baiberi Magwaro Matȿene aMŋari bible

Mapisarema 108

¹Rwiyo, Pisarema raDavidi. Mŋoyo waŋgu wakasimba, Mŋari; Ndicaimba, ɀirokwaɀo, ndicaimba nziyo dzokurumbidza, nomŋeya waŋgu wose.

²Muka iwe muteŋgeranwa nembira; Ini ndimene ndicamuka maŋgwanani.

³Ndicakuʋoŋgai Jehova, pakati pendudzi dzaʋanhu; Ndicakuimbirai nziyo dzokurumbidza pakati paʋahedeni.

⁴Nokuti ŋgoni dzenyu ihuru kumsoro kwokuɗeŋga‐ɗeŋga, Ʋuye ɀokwaɗi yenyu inoȿikira kuɗeŋga rose.

⁵Imi mukudzwe Mŋari, kumsoro kwokuɗeŋga‐ɗeŋga; Kurumbidzwa kwenyu ŋgakuʋe kumsoro kwapasi pose.

⁶Kuti ʋaɗikanwa ʋenyu ʋarwirwe, Tiponesei noruʋoko rwenyu rworudyi, mutipindure.

⁷Mŋari wakataura paʋutȿene bgake, aciti: Ndicafara kwaɀo; Ndicaganhura Shekemi, ndicayera mupata weSukoti.

⁸Gireadi ndeyaŋgu naManase ndeyaŋgu; Efraimi ʋo inhaʋiro yomusoro waŋgu; Juda ndiyo tȿimbo yaŋgu yoʋushe.

⁹Moabi ndiwo mudziyo waŋgu wokushambidzira; Pamsoro peEdomi ndi’po pandicakandira shaŋgu yaŋgu; Ndicapururudza nokuɗa kwaFiristia.

¹⁰Ndianiko ucandiisa muguta rakakombga namaȿiŋgo? Ndianiko ucandiperekedza ndiende Edomi?

¹¹Hamuna‐kutirasha here, Mŋari? Hamuɓuɗi Mŋari, nehondo dzeɗu.

¹²Tiɓatsirei pamudziʋisi weɗu; Nokuti kuɓatsira kwaʋanhu hakunamaturo.

¹³MunaMŋari ticaita noʋumhare; Nokuti ndiye ucatsika ʋadziʋisi ʋeɗu pasi.