Read Original Shona Union Bible 1949 Baiberi Magwaro Matȿene aMŋari Mapisarema 116 Bible Online

Mapisarema 116 - Original Shona Union Bible 1949 Baiberi Magwaro Matȿene aMŋari bible

Mapisarema 116

¹Ndinoɗa Jehova, nokuti unonzwa Inzwi raŋgu nokukumbira kwaŋgu.

²Ɀaakarereka nzeʋe yake kwandiri, Ndicaɗana kwaari mazuʋa aŋgu ose.

³Misuŋgo yorufu yakandikomba, Kurwadziwa kweSheori kwakandiɓata; Ndakawana kutambudzika nokucema.

⁴Ipapo ndakaɗana zita raJehova; Haiwa Jehova, ndinonyeŋgetera kuti murwire mŋeya waŋgu.

⁵Jehova unenyasha, wakarurama; Ɀirokwaɀo, Mŋari weɗu unetsitsi.

⁶Jehova unoceŋgeta ʋasinamano; Ndakaŋga ndashaiwa simba, iye akandiponesa.

⁷Dzokera kuzororo rako, mŋeya waŋgu; Nokuti Jehova wakakuitira ɀakanaka.

⁸Nokuti makarwira mŋeya waŋgu parufu, Nameso aŋgu pamisodzi, Netsoka dzaŋgu pakugumburwa.

⁹Ndicafamba pamberi paJehova Panyika yaʋapenyu.

¹⁰Ndakatenda pakutaura kwaŋgu, ndiciti: Ndakamanikidzwa kwaɀo;

¹¹Ndakati pakuvunduka kwaŋgu: Ʋanhu ʋose ʋanoreʋa nhema.

¹²Ndicaʋigireiko Jehova Pamsoro pemikomborero yake yose kwandiri?

¹³Ndicasimudza mukombe wokuponeswa, Ndiciɗana zita raJehova.

¹⁴Ndicaripira Jehova mhiko dzaŋgu, Ndicaɀiita pamberi paʋanhu ʋake ʋose.

¹⁵Cinhu cinokosha pamberi paJehova, Ndirwo rufu rwaʋatȿene ʋake.

¹⁶Haiwa Jehova, ɀirokwaɀo ndiri muranda wenyu; Ndiri muranda wenyu, mŋanakomana womurandakadzi wenyu; Makasunuŋgura misuŋgo yaŋgu.

¹⁷Ndicakuɓayirai ɀiɓayiro ɀokuʋoŋga, Ndiciɗana zita raJehova.

¹⁸Ndicaripira Jehova mhiko dzaŋgu, Ndicaɀiita pamberi paʋanhu ʋake ʋose;

¹⁹Paʋazhe dzeimba yaJehova, Mukati mako, iwe Jerusarema. Hareruya![10]