Read Original Shona Union Bible 1949 Baiberi Magwaro Matȿene aMŋari Mapisarema 118 Bible Online

Mapisarema 118 - Original Shona Union Bible 1949 Baiberi Magwaro Matȿene aMŋari bible

Mapisarema 118

¹Ʋoŋgai Jehova; nokuti wakanaka; Nokuti ŋgoni dzake dzinogara nokusiŋgaperi.

²Israeri ɀino ŋgaʋati: Ŋgoni dzake dzinogara nokusiŋgaperi.

³Imba yaAroni ɀino ŋgaiti: Ŋgoni dzake dzinogara nokusiŋgaperi.

⁴Aʋo ʋanotya Jehova ɀino ŋgaʋati: Ŋgoni dzake dzinogara nokusiŋgaperi.

⁵Ndakaɗanidzira kunaJehova pakutambudzika kwaŋgu: Jehova akandipindura, akandiisa pakafarikana.

⁶Jehova uri kurutiʋi rwaŋgu; handiŋgatyi; Munhu uŋgandiiteiko?

⁷Jehova uri kurutiʋi rwaŋgu pakati paʋanondiɓatsira; Saka ndicaʋona kukundwa kwaʋanondiʋeŋga.

⁸Ɀiri nani kutizira kunaJehova Pakuʋimba nomunhu.

⁹Ɀiri nani kutizira kunaJehova Pakuʋimba namacinda.

¹⁰Ʋahedeni ʋose ʋakandikomba; Ndicaʋaparadza nezita raJehova.

¹¹Ʋakandikomba, ɀirokwaɀo, ʋakandikomba, Ndicaʋaparadza nezita raJehova.

¹²Ʋakandikomba senyuci; ʋakadzimŋa somŋoto weminzwa; Ndicaʋaparadza nezita raJehova.

¹³Kundisundidzira wakandisundidzira iwe kuti ndiwe; Asi Jehova wakandiɓatsira.

¹⁴Jehova ndiye simba raŋgu norwiyo rwaŋgu; Iye wakaʋa muponesi waŋgu.

¹⁵Inzwi rokufara nerokuponeswa riri mumatente aʋakarurama; Ruʋoko rworudyi rwaJehova runokunda.

¹⁶Ruʋoko rworudyi rwaJehova rwakasimudzwa, Ruʋoko rworudyi rwaJehova runokunda.

¹⁷Handiŋgafi, asi ndicararama, Ndicaɗudzira maɓasa aJehova.

¹⁸Kundiraŋga Jehova wakandiraŋga; Asi haana‐kundiisa pakufa.

¹⁹Ndizarurirei masuʋo okururama; Ndicapinda nawo, ndiʋoŋge Jehova.

²⁰Iri ndiro suʋo raJehova; Ʋakarurama ʋacapinda naro.

²¹Ndicakuʋoŋgai, nokuti makandipindura, Mukaʋa muponesi waŋgu.

²²Ibge rakarashwa naʋaʋaki Ndiro rakazoʋa musoro wekona.

²³Ici cinhu cakabva kunaJehova; Ɀinoshamisa kana ticiɀiʋona.

²⁴Rino izuʋa rakaitwa naJehova; Ŋgatifare kwaɀo tirifarire.

²⁵Tiponesei ɀino, Jehova — ndiɀo ɀatinonyeŋgetera; Jehova, tipei mufarwa — ndiɀo ɀatinonyeŋgetera.

²⁶Wakaropafadzwa iye unoʋuya nezita raJehova; Takakuropafadzai tiri mumba maJehova.

²⁷Jehova ndiye Mŋari, ndiye wakativenekera; Suŋgirai ciɓayiro namaɓote ipo panyaŋga dzeartari pamene.

²⁸Imi muri Mŋari waŋgu, ndicakuʋoŋgai; Muri Mŋari waŋgu, ndicakukudzai.

²⁹Ʋoŋgai Jehova; nokuti wakanaka; Nokuti ŋgoni dzake dzinogara nokusiŋgaperi.