Read Original Shona Union Bible 1949 Baiberi Magwaro Matȿene aMŋari Mapisarema 119 Bible Online

Mapisarema 119 - Original Shona Union Bible 1949 Baiberi Magwaro Matȿene aMŋari bible

Mapisarema 119

¹[ kutsauka kunonoka ] Ʋakaropafadzwa aʋo ʋanenzira yakarurama, Ʋanofamba mumurau waJehova.

²Ʋakaropafadzwa ʋanoceŋgeta ɀipupuriro ɀake, Ʋanomutȿaka nomŋoyo wose.

³Ɀirokwaɀo, haʋaiti cinhu cisina‐kururama, Ʋanofamba munzira dzake.

⁴Makatiraira ɀireʋo ɀenyu, Kuti tiɀiceŋgete ɀakanaka.

⁵Haiwa, ɗai nzira dzaŋgu dzakagadzirirwa Kuceŋgeta mitemo yenyu!

⁶Ipapo handiŋganyadziswi, Kana ndiciraŋgarira mirairo yenyu yose.

⁷Ndicakuʋoŋgai nomŋoyo wakarurama, Kana ndicidzidza ɀamakatoŋga ɀakarurama.

⁸Ndicaceŋgeta mitemo yenyu; Haiwa, regai kundirasha cose.

⁹Jaya riŋgaramba ricinatsa nzira yaro neiko? Kana riciicenjerera seɀinoraira shoko renyu.

¹⁰Ndakakutȿakai nomŋoyo waŋgu wose; Musanditendera kutsauka pamirairo yenyu.

¹¹Shoko renyu ndakariʋiga mumŋoyo waŋgu, Kuti ndirege kukutadzirai.

¹²Imi munofanira kukudzwa, Jehova; Ndidzidzisei mitemo yenyu.

¹³Ndakaɗudzira nemiromo yaŋgu Ɀose ɀamakatoŋga nomuromo wenyu.

¹⁴Ndakafara kwaɀo munzira yeɀipupuriro ɀenyu, Seɀandinofarira fuma yose.

¹⁵Ndicafuŋgisisa ɀireʋo ɀenyu, Nokuraŋgarira nzira dzenyu.

¹⁶Ndicaɀifadza nemitemo yenyu; Handiŋgakaŋganwi shoko renyu.

¹⁷Itirai muranda wenyu ɀakanaka, kuti ndirarame; Ipapo ndicaceŋgeta shoko renyu.

¹⁸Ndiȿinudzei meso aŋgu, kuti ndiʋone Ɀinhu ɀinoshamisa ɀiri pamurau wenyu.

¹⁹Nokuti ndiri mutorwa panyika; Regai kundiʋanzira mirairo yenyu.

²⁰Mŋeya waŋgu wapera nokushuʋa Paŋguʋa dzose ɀamakatoŋga.

²¹Makaraira ʋanoɀikudza, Ŋgaʋatukwe ʋanotsauka pamirairo yenyu.

²²Bvisai kwandiri kushoʋorwa nokuɀidzwa; Nokuti ndakaceŋgeta ɀipupuriro ɀenyu.

²³Macinda ʋo akagara akandireʋa; Asi muranda wenyu wakafuŋgisisa mitemo yenyu.

²⁴Ɀipupuriro ɀenyu ʋo ɀinondifadza kwaɀo, Ndiɀo ɀinondipa mano.

²⁵Mŋeya waŋgu unonamatira guruʋa; Ndiponesei neshoko renyu.

²⁶Ndakaɗudzira nzira dzaŋgu, imi mukandipindura; Ndidzidzisei mitemo yenyu.

²⁷Ndidzidzisei ndinzwisise nzira yeɀireʋo ɀenyu; Ipapo ndicafuŋgisisa maɓasa enyu anoshamisa.

²⁸Mŋeya waŋgu unonyuŋguruka nokuremerwa; Ndisimbisei seɀinorebga neshoko renyu.

²⁹Bvisai kwandiri nzira yenhema; Nenyasha dzenyu mundipe murau wenyu.

³⁰Ndakasanaŋgura nzira yakatendeka; Ndakaisa ɀamakatoŋga pamberi paŋgu.

³¹Ndinonamatira ɀipupuriro ɀenyu; Jehova, regai kundinyadzisa.

³²Ndicamhanya nenzira yemirairo yenyu, Kana muneŋge makurisa mŋoyo waŋgu.

³³Ndidzidzisei, Jehova, nzira yemitemo yenyu; Ndigoiceŋgeta kuȿikira pakuguma.

³⁴Ndipei njere, ndiceŋgete murau wenyu; Ɀirokwaɀo, ndicauceŋgeta nomŋoyo waŋgu wose.

³⁵Ndifambisei munzira yemirairo yenyu; Nokuti ndinoifarira kwaɀo.

³⁶Kweʋerai mŋoyo waŋgu kuɀipupuriro ɀenyu, Urege kukweʋerwa mukuciʋa.

³⁷Dzorai meso aŋgu ndirege kuʋona ɀisinamaturo, Mundiponese panzira dzenyu.

³⁸Simbisai Shoko renyu kumuranda wenyu, Rakakwanira ʋanokutyai.

³⁹Bvisai kushoʋorwa kwaŋgu kwandinotya, Nokuti ɀamakatoŋga ɀakanaka.

⁴⁰Tarirai, ndakashuʋa ɀireʋo ɀenyu; Ndiponesei mukururama kwenyu.

⁴¹Ŋgoni dzenyu ŋgadziʋuye ʋo kwandiri, Jehova, Iko kuponesa kwenyu, seɀinoreʋa shoko renyu.

⁴²Naiɀoɀo ndicagona kupindura unondishoʋora; Nokuti ndinoʋimba neshoko renyu.

⁴³Regai kubvisa shoko reɀokwaɗi cose pamuromo waŋgu; Nokuti ndakatarira ɀamakatoŋga.

⁴⁴Naiɀoɀo ndicasiceŋgeta murau wenyu Nokusiŋgaperi‐peri.

⁴⁵Ndicasifamba ndakasunuŋguka, Nokuti ndakatȿaka ɀireʋo ɀenyu.

⁴⁶Ndicataura ʋo ɀipupuriro ɀenyu pamberi pamadzimambo, Ndisiŋganyadziswi.

⁴⁷Ndicaɀifadza kwaɀo nemirairo yenyu, Yandinoɗa.

⁴⁸Ndicasimudzira ʋo maʋoko aŋgu kumirairo yenyu, yandinoɗa; Ndicafuŋgisisa mitemo yenyu.

⁴⁹Raŋgarirai shoko renyu kumuranda wenyu, Nokuti makandimutsira tariro.

⁵⁰Ndiɀo ɀinondinyaradza pakutambudzika kwaŋgu; Nokuti shoko renyu rakandiponesa.

⁵¹Ʋanoɀikudza ʋakandiseka kwaɀo; Kunyaŋge ɀakaɗaro handina‐kutsauka pamurau wenyu.

⁵²Ndakaraŋgarira ɀamakatoŋga kare‐kare, Jehova, Ndikaɀinyaradza.

⁵³Kutsamŋa kukuru kwakandiɓata, Nokuɗa kwaʋakaipa ʋanorasha murau wenyu.

⁵⁴Mitemo yenyu yaiʋa nziyo dzaŋgu Mumba moʋutorwa bgaŋgu.

⁵⁵Ndakaraŋgarira zita renyu, Jehova, ʋusiku, Ndikaceŋgeta murau wenyu.

⁵⁶Ndiɀo ɀandakaŋga ndinaɀo, Nokuti ndakaceŋgeta ɀireʋo ɀenyu.

⁵⁷Jehova ndiye mugoʋe waŋgu; Ndakati, ndicaceŋgeta mashoko enyu.

⁵⁸Ndakakumbira ciso cenyu nomŋoyo waŋgu wose; Ndinzwirei nyasha, seɀinoreʋa shoko renyu.

⁵⁹Ndakafuŋga nzira dzaŋgu, Ndikadzorera tsoka dzaŋgu kuɀipupuriro ɀenyu.

⁶⁰Ndakakurumidza, handina‐kunonoka Kuceŋgeta mirairo yenyu.

⁶¹Maɓote aʋakaipa akandimonera; Asi handina‐kukaŋganwa murau wenyu.

⁶²Ndicamuka pakati poʋusiku kuti ndikuʋoŋgei Pamsoro peɀamakatoŋga ɀakarurama.

⁶³Ndiri shamŋari yaʋose ʋanokutyai, Neyaʋanoceŋgeta ɀireʋo ɀenyu.

⁶⁴Jehova, pasi pazere neŋgoni dzenyu; Ndidzidzisei mitemo yenyu.

⁶⁵Makaitira muranda wenyu ɀakanaka, Jehova, seɀinoreʋa shoko renyu.

⁶⁶Ndidzidzisei ʋuŋgwaru bgakanaka nenjere; Nokuti ndakatenda mirairo yenyu.

⁶⁷Ndakati ndicigere kutambudzika ndikarashika; Asi ɀino ndinoceŋgeta shoko renyu.

⁶⁸Imi makanaka, ʋuye munoita ɀakanaka; Ndidzidzisei mitemo yenyu.

⁶⁹Ʋanoɀikudza ʋakandipomera nhema; Ndicaceŋgeta ɀireʋo ɀenyu nomŋoyo waŋgu wose.

⁷⁰Mŋoyo waʋo wakakora samafuta; Asi ini ndinofarira murau wenyu kwaɀo.

⁷¹Ɀakaŋga ɀakanaka kuti nditambudzike; Kuti ndidzidze mitemo yenyu.

⁷²Murau womuromo wenyu wakanaka kwandiri Kukunda ɀuru ɀamazana ɀendarama nesirveri.

⁷³Maʋoko enyu akandiita nokundisimbisa; Ndipei kunzwisisa, kuti ndidzidze mirairo yenyu.

⁷⁴Ʋanokutyai ʋacandiʋona ndokufara; Nokuti ndakatarira shoko renyu.

⁷⁵Ndinoziʋa, Jehova, kuti ɀamakatoŋga ɀakarurama, Ʋuye kuti makanditambudza nokutendeka.

⁷⁶Ndinokumbira kuti tsitsi dzenyu dzindinyaradze, Seɀamakareʋa kumuranda wenyu.

⁷⁷Ʋunyoro bgenyu ŋgaʋuʋuye kwandiri, kuti ndirarame; Nokuti murau wenyu ndiwo mufaro waŋgu mukuru.

⁷⁸Ʋanoɀikudza ŋgaʋanyadziswe; nokuti ʋakandiitira ɀakaipa ndisinemhoȿa; Asi ndicafuŋgisisa ɀireʋo ɀenyu.

⁷⁹Ʋanokutyai ŋgaʋadzokere kwandiri, Ʋagoziʋa ɀipupuriro ɀenyu.

⁸⁰Mŋoyo waŋgu ŋgaururame pamitemo yenyu; Kuti ndirege kunyadziswa.

⁸¹Mŋeya waŋgu unopaŋga kuponesa kwenyu; Asi ndinotarira shoko renyu.

⁸²Meso aŋgu anopera nokutsaka shoko renyu, Ndiciti: Mucandinyaradza riniko?

⁸³Nokuti ndaʋa sehomboɗo iri muʋutsi; Kunyaŋge ɀakaɗaro handikaŋganwi mitemo yenyu.

⁸⁴Mazuʋa omuranda wenyu maŋganiko? Mucatoŋga riniko ʋanonditambudza?

⁸⁵Ʋanoɀikudza ʋakandicerera hunza, Iʋo ʋasiŋgatereri murau wenyu.

⁸⁶Mirairo yenyu yose yakatendeka; Ʋanonditambudza ndisinemhoȿa; ndiɓatsirei imi.

⁸⁷Ʋakaŋga ʋoɗa‐kundiparadza pasi; Asi handina‐kusiya ɀireʋo ɀenyu.

⁸⁸Ndiponesei nokuɗa kwoʋunyoro bgenyu; Naiɀoɀo ndicaceŋgeta cipupuriro comuromo wenyu.

⁸⁹Shoko renyu rakasimba kuɗeŋga Nokusiŋgaperi, Jehova.

⁹⁰Kutendeka kwenyu kunoȿika kumarudzi namarudzi; Imi makasimbisa pasi, panoramba pagere.

⁹¹Ɀinoramba ɀigere nanhasi seɀamakatema; Nokuti ɀinhu ɀose ʋaranda ʋenyu.

⁹²Ƌai murau wenyu usina‐kuʋa mufaro waŋgu mukuru, Ndiŋgaɗai ndakaparara neɗambudziko raŋgu.

⁹³Handiŋgatoŋgokaŋganwi ɀireʋo ɀenyu; Nokuti makandiponesa naɀo.

⁹⁴Ndiri wenyu, ndiponesei; Nokuti ndakatȿaka ɀireʋo ɀenyu.

⁹⁵Ʋakaipa ʋakandigarira kuti ʋandiparadze; Asi ndicafuŋga ɀipupuriro ɀenyu.

⁹⁶Ndakaʋona kuguma kweɀose ɀakakwana, Asi murairo wenyu mupamhi kwaɀo.

⁹⁷Haiwa, ndinoɗa murau wenyu seiko! Ndico candinofuŋgisisa zuʋa rose.

⁹⁸Mirairo yenyu inondiita wakacenjera kupfuʋura ʋaʋeŋgi ʋaŋgu; Nokuti inogara neni nokusiŋgaperi.

⁹⁹Ndinenjere kupfuʋura ʋadzidzisi ʋaŋgu ʋose; Nokuti ɀipupuriro ɀenyu ndiɀo ɀandinofuŋgisisa.

¹⁰⁰Ndinonzwisisa kupfuʋura ʋakakwegura, Nokuti ndakaceŋgeta ɀireʋo ɀenyu.

¹⁰¹Ndakadzora tsoka dzaŋgu panzira dzose dzakaipa; Kuti ndiceŋgete shoko renyu.

¹⁰²Handina‐kutsauka paneɀamatoŋga; Nokuti makandidzidzisa.

¹⁰³Mashoko enyu anonaka seiko mumukanwa maŋgu! Ɀirokwaɀo, anokunda ʋuci mumuromo maŋgu!

¹⁰⁴Paɀireʋo ɀenyu ndinowana njere; Saka ndinoʋeŋga nzira dzose dzenhema.

¹⁰⁵Shoko renyu ndiwo mŋenje wetsoka dzaŋgu, Neciedza panzira yaŋgu.

¹⁰⁶Ndakapika, ndikaɀisimbisa, Kuti ndicaceŋgeta ɀamakatoŋga ɀakarurama.

¹⁰⁷Ndinotambudzika kwaɀo; Ndiponesei, Jehova, neshoko renyu.

¹⁰⁸Gamucirai henyu Jehova — ndiɀo ɀandinokumbira — ɀipo ɀomuromo waŋgu ɀandinopa nomŋoyo waŋgu, Mundidzidzise ɀamakatoŋga.

¹⁰⁹Mŋeya waŋgu unoŋgosiʋa muruʋoko rwaŋgu; Kunyaŋge ɀakaɗaro handikaŋganwi murau wenyu.

¹¹⁰Ʋakaipa ʋakanditeyera musuŋgo; Kunyaŋge ɀakaɗaro handina‐kutsauka paɀireʋo ɀenyu.

¹¹¹Ɀipupuriro ɀenyu ndakaɀiita nhaka yaŋgu nokusiŋgaperi; Nokuti ndiɀo ɀinofadza mŋoyo waŋgu.

¹¹²Ndakarerekera mŋoyo waŋgu kuti uite mitemo yenyu, Nokusiŋgaperi, kuȿikira pakuguma.

¹¹³Ndinoʋeŋga ʋanemŋoyo miʋiri; Asi ndinoɗa murau wenyu.

¹¹⁴Imi muri ciʋando caŋgu nenhoʋo yaŋgu; Ndinotarira shoko renyu.

¹¹⁵Ibvai kwandiri, imi munoita ɀakaipa; Kuti ndiceŋgete mirairo yaMŋari waŋgu.

¹¹⁶Nditsigirei seɀinoreʋa shoko renyu, kuti ndirarame; Kuti ndirege kunyadziswa pakutarira kwaŋgu.

¹¹⁷Nditsigirei, ndiceŋgetwe, Ndigoramba ndiciraŋgarira mitemo yenyu.

¹¹⁸Makaɀidza ʋose ʋanotsauka pamitemo yenyu; Nokuti kunyeŋgera kwaʋo inhema.

¹¹⁹Ʋakaipa ʋose ʋapasi munoʋagumisa sefuro; Saka ndinoɗa ɀipupuriro ɀenyu.

¹²⁰Nyama yaŋgu inobvunda nokukutyai; Ndinotya ɀamakatoŋga.

¹²¹Ndakaita ɀakatoŋgwa neɀakarurama; Musandiisa kuʋamanikidzi ʋaŋgu.

¹²²Iʋai ruɓatso rwomuranda wenyu kuti ndiitirwe ɀakanaka; Ʋanoɀikudza ŋgaʋarege kundimanikidza.

¹²³Meso aŋgu apera nokutȿaka kuponesa kwenyu, Neshoko renyu rakarurama.

¹²⁴Itirai muranda wenyu noʋunyoro bgenyu, Mundidzidzise mitemo yenyu.

¹²⁵Ndiri muranda wenyu, ndipei njere; Kuti ndiziʋe ɀipupuriro ɀenyu.

¹²⁶Iŋguʋa yaJehova yokuɓata nayo; Nokuti ʋakaputsa murau wenyu.

¹²⁷Saka ndinoɗa mirairo yenyu Kupfuʋura ndarama, ɀirokwaɀo, kupfuʋura ndarama yakaiȿo‐naka.

¹²⁸Saka ndinoti, ɀireʋo ɀenyu ɀose pamsoro peɀose ɀakarurama; Ndinoʋeŋga nzira dzose dzenhema.

¹²⁹Ɀipupuriro ɀenyu ɀinoshamisa; Saka mŋeya waŋgu unoɀiceŋgeta.

¹³⁰Kuzarurwa kwamashoko enyu kunopa ciedza; Kunopa njere ʋasinamano.

¹³¹Ndakashamisa muromo waŋgu kwaɀo, ndikatakwaira; Nokuti ndakashuʋa mirairo yenyu.

¹³²Riŋgirai kwandiri, mundinzwire nyasha, Seɀamunoitira ʋanoɗa zita renyu.

¹³³Simbisirai kutsika kwaŋgu mushoko renyu; Ɀakaipa ŋgaɀirege kutoŋga ʋanesimba pamsoro paŋgu.

¹³⁴Ndidzikinurei pakumanikidza kwomunhu; Naiɀoɀo ndicaceŋgeta ɀireʋo ɀenyu.

¹³⁵Ciso cenyu ŋgacivenekere muranda wenyu; Mundidzidzise mitemo yenyu.

¹³⁶Nzizi dzemvura dzinoyerera pameso aŋgu, Nokuti haʋaceŋgeti murau wenyu.

¹³⁷Imi makarurama, Jehova, Neɀamakatoŋga ɀakarurama ʋo.

¹³⁸Makaraira ɀipupuriro ɀenyu nokururama Ʋuye nokutendeka kukuru.

¹³⁹Kushiŋgaira kwaŋgu kwakandipedza, Nokuti ʋadziʋisi ʋaŋgu ʋakakaŋganwa mashoko enyu.

¹⁴⁰Shoko renyu rakaiȿo‐natswa; Saka muranda wenyu unoriɗa.

¹⁴¹Ndiri muɗuku, ndakaɀidzwa; Asi handikaŋganwi ɀireʋo ɀenyu.

¹⁴²Kururama kwenyu ndiko kururama kusiŋgaperi, Nomurau wenyu iɀokwaɗi.

¹⁴³Nhamo nokumanikidzwa ɀakandiɓata; Asi mirairo yenyu ndiwo mufaro waŋgu mukuru.

¹⁴⁴Ɀipupuriro ɀenyu ɀakarurama nokusiŋgaperi; Ndipei njere, ndigorarama.

¹⁴⁵Ndakaɗana nomŋoyo waŋgu wose; ndipindurei, Jehova; Ndicaceŋgeta mitemo yenyu.

¹⁴⁶Ndakaɗana kwamuri; ndiponesei, Ndigoceŋgeta ɀipupuriro ɀenyu.

¹⁴⁷Ndakataŋgira mambakwedza, ndikaɗana; Ndakatarira mashoko enyu.

¹⁴⁸Meso aŋgu akataŋgira ŋguʋa dzoʋusiku, Kuti ndifuŋgisise shoko renyu.

¹⁴⁹Inzwai inzwi raŋgu nokuɗa kwoʋunyoro bgenyu; Ndiponesei Jehova, seɀinoreʋa ɀamakatoŋga.

¹⁵⁰Ʋanoteʋera ɀakaipa ʋosweɗera pedyo; Ʋari kure nomurau wenyu.

¹⁵¹Imi muri pedyo, Jehova; Mirairo yenyu iɀokwaɗi.

¹⁵²Kubva kare ndakaziʋa neɀipupuriro ɀenyu Kuti makaɀiteya nokusiŋgaperi.

¹⁵³Tarirai ɗambudziko raŋgu, mundirwire; Nokuti handikaŋganwi murau wenyu.

¹⁵⁴Ndireʋerei mhoȿa yaŋgu, mundidzikinure; Ndiponesei seɀinoreʋa shoko renyu.

¹⁵⁵Kuponeswa kuri kure naʋakaipa; Nokuti haʋatȿaki mitemo yenyu.

¹⁵⁶Ŋgoni dzenyu izhinji, Jehova; Ndiponesei seɀinoreʋa ɀamakatoŋga.

¹⁵⁷Ʋatambudzi ʋaŋgu naʋadziʋisi ʋaŋgu ʋazhinji; Kunyaŋge ɀakaɗaro handina‐kutsauka paɀipupuriro ɀenyu.

¹⁵⁸Ndakaʋona ʋanyeŋgedzeri, ndikaʋasema; Nokuti haʋana‐kuceŋgeta shoko renyu.

¹⁵⁹Fuŋgai kuti ndinoɗa ɀireʋo ɀenyu; Ndiponesei, Jehova, nokuɗa kwoʋunyoro bgenyu.

¹⁶⁰Ʋuŋganidzo yeshoko renyu iɀokwaɗi; Ɀose ɀamakatoŋga, ɀakarurama, ɀinogara nokusiŋgaperi.

¹⁶¹Macinda akanditambudza ndisinemhoȿa; Asi mŋoyo waŋgu unotya shoko renyu.

¹⁶²Ndinofarira shoko renyu kwaɀo, Somunhu wawana ɀizhinji ɀakapambga.

¹⁶³Nhema ndinodziʋeŋga nokudzisema; Asi murau wenyu ndinouda.

¹⁶⁴Ndinokurumbidzai kanomŋe pazuʋa, Nokuɗa kweɀakarurama ɀamakatoŋga.

¹⁶⁵Ʋanoɗa murau wenyu ʋanorugare rukuru; Hapana‐cinoʋagumbusa.

¹⁶⁶Ndakatarira kuponesa kwenyu, Jehova, Ndikaita mirairo yenyu.

¹⁶⁷Mŋeya waŋgu wakaceŋgeta ɀipupuriro ɀenyu; Ndinoɀiɗa kwaɀo.

¹⁶⁸Ndakaceŋgeta ɀireʋo ɀenyu neɀipupuriro ɀenyu; Nokuti nzira dzaŋgu dzose dziri pamberi penyu.

¹⁶⁹Kuɗana kwaŋgu ŋgakuȿike pamberi penyu, Jehova; Ndipei njere seɀinoreʋa shoko renyu.

¹⁷⁰Kukumbira kwaŋgu ŋgakuȿike pamberi penyu; Ndirwirei seɀinoreʋa shoko renyu.

¹⁷¹Miromo yaŋgu ŋgairumbidze; Nokuti munondidzidzisa mitemo yenyu.

¹⁷²Rurimi rwaŋgu ŋgaruimbe shoko renyu; Nokuti mirairo yenyu yose yakarurama.

¹⁷³Ruʋoko rwenyu ŋgarundiɓatsire; Nokuti ndakasanaŋgura ɀireʋo ɀenyu.

¹⁷⁴Ndakashuʋa kuponesa kwenyu, Jehova; Murau wenyu ndiwo mufaro waŋgu mukuru.

¹⁷⁵Mŋeya waŋgu ŋgaurarame, ugokurumbidzai; Neɀamakatoŋga ŋgaɀindiɓatsire.

¹⁷⁶Ndakadzuŋgaira segwai rakarashika; tȿakai muranda wenyu; Nokuti handikaŋganwi mirairo yenyu.