Read Original Shona Union Bible 1949 Baiberi Magwaro Matȿene aMŋari Mapisarema 135 Bible Online

Mapisarema 135 - Original Shona Union Bible 1949 Baiberi Magwaro Matȿene aMŋari bible

Mapisarema 135

¹Hareruya! Rumbidzai zita raJehova; Murumbidzei, imi ʋaranda ʋaJehova;

²Imi mumire mumba maJehova, Muʋazhe dzeimba yaMŋari weɗu.

³Rumbidzai Jehova; nokuti Jehova wakanaka; Imbirai zita rake nziyo dzokurumbidza; nokuti ndiɀo ɀinofadza.

⁴Nokuti Jehova wakaɀisanaŋgurira Jakobo, NaIsraeri kuti aʋe fuma yake caiyo.

⁵Nokuti ndinoziʋa kuti Jehova mukuru, Ʋuye kuti Ishe weɗu uri kumsoro kwaʋamŋari ʋose.

⁶Ɀose ɀaakaɗa kuita Jehova wakaɀiita, Kuɗeŋga napasi, nomumakuŋgwa napakadzika pose.

⁷Unokwidza makore pamigumo yapasi; Unoita mheni kuʋuyisa mvura; Unoɓuɗisa mhepo panoʋigwa fuma yake.

⁸Ndiye wakaparadza mataŋgwe eEgipita, Aʋanhu neeɀipfuwo.

⁹Wakatuma ɀiratidzo neɀishamiso mukati mako, iwe Egipita, Pamsoro paFarao napamsoro paʋaranda ʋake ʋose.

¹⁰Ndiye wakaparadza ndudzi zhinji, Nokuʋuraya madzimambo anesimba:

¹¹Sihoni mambo waʋaAmori, NaOgi mambo weBashani, Noʋushe bgose bgeKanani;

¹²Akapa nyika yaʋo iʋe nhaka, Iʋe nhaka yaIsraeri ʋanhu ʋake.

¹³Zita renyu, Jehova, riripo nokusiŋgaperi; Munoraŋgarirwa Jehova, kuȿikira kumarudzi namarudzi.

¹⁴Nokuti Jehova ucatoŋga ʋanhu ʋake, Nokuɀiɗemba pamsoro paʋaranda ʋake.

¹⁵Ɀifananidzo ɀaʋahedeni isirveri nendarama, Muɓatowa maʋoko aʋanhu.

¹⁶Ɀinemiromo, asi haɀitauri; Nameso ɀinawo, asi haɀiʋoni;

¹⁷Ɀinenzeʋe, asi haɀinzwi; Hakuna‐kufema pamiromo yaɀo.

¹⁸Ʋanoɀiita ʋacafanana naɀo; Ɀirokwaɀo, naʋose ʋanoʋimba naɀo.

¹⁹Imi ʋeimba yaIsraeri, rumbidzai Jehova; Imi ʋeimba yaAroni, rumbidzai Jehova;

²⁰Imi ʋeimba yaRevi, rumbidzai Jehova; Imi ʋanotya Jehova, rumbidzai Jehova.

²¹Jehova ŋgaarumbidzwe paZioni, Iye ugere Jerusarema. Hareruya!