Read Original Shona Union Bible 1949 Baiberi Magwaro Matȿene aMŋari Mapisarema 139 Bible Online

Mapisarema 139 - Original Shona Union Bible 1949 Baiberi Magwaro Matȿene aMŋari bible

Mapisarema 139

¹Kumutuŋgamiriri wokuimba. Pisarema raDavidi. Jehova, imi makandinɀera, nokundiziʋa.

²Munoziʋa kugara kwaŋgu pasi nokusimuka kwaŋgu, Munonzwisisa kufuŋga kwaŋgu muri kure.

³Munocerekedza kufamba kwaŋgu nokuʋata kwaŋgu pasi, Munoziʋa nzira dzaŋgu dzose.

⁴Nokuti shoko risati raʋa’po parurimi rwaŋgu, Tarirai, imi Jehova, matoriziʋa rose.

⁵Makandikomberedza shure kwaŋgu nemberi, Nokuisa ruʋoko rwenyu pamsoro paŋgu.

⁶Kuziʋa kwakaɗai kunondishamisa kwaɀo; Ɀiri kumsoro, handigoni kuȿikira kwaɀiri.

⁷Ndiŋgaendepiko ndibve pamŋeya wenyu? Kana ndiŋgatizirepiko ndibve pamberi penyu?

⁸Kana ndikakwira kuɗeŋga muri’po; Kana ndikaɀiwarira nhoʋo paSheori, tarirai muri’po ʋo.

⁹Kana ndikabururuka namapapiro amaŋgwanani, Ndikandogara pamigumo yeguŋgwa;

¹⁰Naipapo ʋo ruʋoko rwenyu rucandifambisa, Ruʋoko rwenyu rworudyi rucandifambisa,

¹¹Kana ndikati: Ɀirokwaɀo, rima ricandifukidza, Ciedza cinondikomberedza cicaʋa soʋusiku;

¹²Kunyaŋge rima hariŋgandiʋanzi kwamuri, Asi ʋusiku ʋunopenya samasikati; Rima neciedza ɀakafanana.

¹³Nokuti imi makaʋumba itȿo dzaŋgu; Makandiruka muɗumbu ramai ʋaŋgu.

¹⁴Ndicakuʋoŋgai; nokuti ndakaitwa nomutoʋo unotyisa unoshamisa; Maɓasa enyu anoshamisa; Mŋeya waŋgu unoɀiziʋa kwaɀo.

¹⁵Mafupa aŋgu akaŋga asina kuʋanzwa kwamuri, Paŋguʋa yandakaitwa pakaʋanda, Pakuʋumbga kwaŋgu nenjere panɀimbo dzezasi dzapasi.

¹⁶Meso enyu akaʋona muʋiri waŋgu ucigere kukwaniswa, Ɀose ɀakaŋga ɀakanyorwa murugwaro rwenyu, Zuʋa rimŋe nerimŋe rokuʋumbga kwaɀo, Kusati kwaʋa necimŋe caɀo.

¹⁷Miraŋgariro yenyu, Mŋari, inoɗikanwa sei neni! Yakakura sei pakuʋereŋgwa kwayo!

¹⁸Kana ndikaiʋereŋga, iŋgapfuʋura jeca pakuwanda; Kana ndicipepuka, ndicine’mi.

¹⁹Ƌai muciʋuraya henyu ʋakaipa, Mŋari; Naiɀoɀo ibvai kwandiri, imi ʋanhu ʋeropa.

²⁰Nokuti ʋanokutaurirai ɀakaipa, Ʋaʋeŋgi ʋenyu ʋanoreʋa zita renyu pasina.

²¹Ko ini handiʋeŋgi aʋo ʋanokuʋeŋgai here, Jehova? Handineshuŋgu here naʋanokumukirai?

²²Ndinoʋaʋeŋga nembeŋgo huru; Ʋaʋa ʋaʋeŋgi ʋaŋgu.

²³Ndinɀerei, Mŋari, muziʋe mŋoyo waŋgu; Ndiidzei, muziʋe ndaŋgariro dzaŋgu;

²⁴Mutarire kana panenzira yakaipa mandiri, Mundifambise munzira isiŋgaperi.