Read Original Shona Union Bible 1949 Baiberi Magwaro Matȿene aMŋari Mapisarema 143 Bible Online

Mapisarema 143 - Original Shona Union Bible 1949 Baiberi Magwaro Matȿene aMŋari bible

Mapisarema 143

¹Pisarema raDavidi. Inzwai munyeŋgetero waŋgu, Jehova; tererai kukumbira kwaŋgu; Ndipindurei nokutendeka kwenyu nokururama kwenyu.

²Regai kutoŋga muranda wenyu; Nokuti hapanomunhu mumŋe mupenyu uŋgaruramiswa pamberi penyu.

³Nokuti muʋeŋgi wakatambudza mŋeya waŋgu; Wakatsikirira ʋupenyu bgaŋgu pasi; Wakandigarisa panɀimbo dzinerima, saʋanhu ʋakaŋguʋa ʋafa.

⁴Saka mŋeya waŋgu waziya mukati maŋgu; Mŋoyo waŋgu wavunduswa mukati maŋgu.

⁵Ndinoraŋgarira mazuʋa akare; Ndinofuŋgisisa ɀose ɀamakaita; Ndinofuŋga ɓasa ramaʋoko enyu.

⁶Ndinotambanudzira maʋoko aŋgu kwamuri; Mŋeya waŋgu unokushuʋai senyika yakawomerwa.

⁷Kurumidzai kundipindura, Jehova; mŋeya waŋgu waziya; Regai kundiʋanzira ciso cenyu; Ndigosaʋa saʋanoɓurukira kugomba.

⁸Ndinzwisei ʋunyoro bgenyu maŋgwanani; Nokuti ndinoʋimba nemi; Ndiziʋisei nzira yandinofanira kufamba nayo; Nokuti ndinosimudzira mŋeya waŋgu kwamuri.

⁹Ndirwirei Jehova, panaʋaʋeŋgi ʋaŋgu; Ndinoʋanda nemi.

¹⁰Ndidzidzisei kuita kuɗa kwenyu; nokuti ndimi Mŋari waŋgu; Mŋeya wenyu, wakanaka ŋgaundifambise munyika yakati cecetere.

¹¹Ndiponesei Jehova, nokuɗa kwezita renyu; Ƃuɗisai mŋeya waŋgu pakumanikidzwa nokururama kwenyu.

¹²Pedzai ʋaʋeŋgi ʋaŋgu noʋunyoro bgenyu, Muparadze ʋose ʋanomanikidza mŋeya waŋgu; Nokuti ndiri muranda wenyu.