Read Original Shona Union Bible 1949 Baiberi Magwaro Matȿene aMŋari Mapisarema 144 Bible Online

Mapisarema 144 - Original Shona Union Bible 1949 Baiberi Magwaro Matȿene aMŋari bible

Mapisarema 144

¹Pisarema raDavidi. Ŋgaarumbidzwe Jehova, ɗombo raŋgu, Unodzidzisa maʋoko aŋgu kurwa, Neminwe yaŋgu kufura;

²Ʋunyoro bgaŋgu, nenhare yaŋgu, Shoŋgwe yaŋgu yakakwirira, nomurwiri waŋgu; Nhoʋo yaŋgu, ʋuye iye wandinoʋimba naye; Unoisa ʋanhu ʋaŋgu pasi paŋgu.

³Jehova, munhu cinyiko, ɀamunehanya naye? Kana mŋanakomana womunhu, ɀamunomuraŋgarira?

⁴Munhu wakafanana nomŋeya; Mazuʋa ake aneŋge mumvuri unopfuʋura.

⁵Kotamisai kuɗeŋga‐ɗeŋga kwenyu Jehova, muɓuruke; Gunɀai makomo, apfuŋgaire ʋutsi.

⁶Penyesai mheni, muʋaparadze; Furai miseʋe yenyu, muʋavunduse.

⁷Tambunudzai ruʋoko rwenyu muri kumsoro; Ndisunuŋgurei, mundirwire pamvura zhinji, Naparuʋoko rwaʋatorwa;

⁸Aʋo ʋanotaura ɀisinamaturo nomuromo waʋo, Ʋuye ruʋoko rwaʋo rworudyi ndirwo ruʋoko rworudyi rwenhema.

⁹Mŋari ndicakuimbirai rwiyo rutȿa; Ndicakuimbirai nziyo dzokurumbidza nomuteŋgeranwa unehuŋgiso dzinegumi.

¹⁰Ndimi munopa madzimambo kuponeswa, Munorwira Davidi muranda wenyu pamunondo unokuʋadza.

¹¹Ndisunuŋgurei, mundirwire paruʋoko rwaʋatorwa, Ʋanotaura ɀisinamaturo nomuromo waʋo, Ʋuye ruʋoko rwaʋo rworudyi ndirwo ruʋoko rworudyi rwenhema.

¹²Ʋanakomana ʋeɗu ʋacaʋa semiti yakakura kwaɀo paʋutȿa bgayo; Ʋuye ʋanasikana ʋeɗu samabge ekona akaʋezwa seɀinoʋezerwa imba yamambo;

¹³Matura eɗu acazara neɀiyo ɀamarudzi ose; Namakwai eɗu acaɓereka ɀuru negumi reɀuru kumafuro eɗu.

¹⁴Nzombe dzeɗu dzicatakudzwa ɀizhinji; Hatiŋgaputsirwi madziro, kana kuɓuɗa kundorwa, Hakuŋgaʋi nemhere inoridzwa panzira dzomumusha meɗu;

¹⁵Ʋanomufaro ʋanhu aʋo, ʋanoitirwa saiɀoɀo; Ʋanomufaro ʋanhu aʋo, Mŋari waʋo ari Jehova.