Read Original Shona Union Bible 1949 Baiberi Magwaro Matȿene aMŋari Mapisarema 145 Bible Online

Mapisarema 145 - Original Shona Union Bible 1949 Baiberi Magwaro Matȿene aMŋari bible

Mapisarema 145

¹Pisarema rokurumbidza; raDavidi. Ndicakukudzai kwaɀo, Mŋari waŋgu, imi Mambo; Ndicarumbidza zita renyu nokusiŋgaperi‐peri.

²Ndicakurumbidzai zuʋa rimŋe nerimŋe; Ndicakudza zita renyu nokusiŋgaperi‐peri.

³Jehova mukuru, unofanira kurumbidzwa kwaɀo; Ʋukuru bgake haʋuŋganɀerwi.

⁴Rudzi rumŋe rucarumbidza maɓasa enyu kunorumŋe, Ʋacaɗudzira ɀamakaita ɀinesimba.

⁵Ndicafuŋgisisa kubginya kwoʋumambo bgenyu ʋunokudzwa, Namaɓasa enyu anoshamisa.

⁶Ʋanhu ʋacataura ʋacireʋa simba ramaɓasa enyu anotyisa; Neni ndicaɗudzira ʋukuru bgenyu.

⁷Ʋacareʋa ʋaciyeʋudzira kunaka kwenyu kukuru, Nokuimbira kururama kwenyu.

⁸Jehova unenyasha, uzere netsitsi, Haacimbidziki kutsamŋa, uneŋgoni zhinji.

⁹Jehova unomŋoyo wakanaka kunaʋose; Ŋgoni dzake dziri pamaɓasa ake ose.

¹⁰Maɓasa enyu ose acakuʋoŋgai Jehova; Naʋatȿene ʋenyu ʋacakurumbidzai.

¹¹Ʋacataura ʋacireʋa kubginya kwoʋushe bgenyu, Nokuparidza simba renyu;

¹²Kuti ʋaziʋise ʋanakomana ʋaʋanhu maɓasa ake anesimba, Nokubginya kwoʋumambo bgoʋushe bgake.

¹³Ʋushe bgenyu ndibgo ʋushe ʋusiŋgaperi, Noʋumambo bgenyu ʋucagara nokusiŋgaperi.

¹⁴Jehova unotsigira ʋose ʋanowa, Unosimudza ʋose ʋakakotamiswa pasi.

¹⁵Meso aʋose anotarira kwamuri; Munoʋapa ɀokudya ɀaʋo paŋguʋa yakafanira.

¹⁶Munotadzanura ruʋoko rwenyu, Ndokugutisa ɀipenyu ɀose.

¹⁷Jehova wakarurama panzira dzake dzose, Unenyasha paɀose ɀaanoita.

¹⁸Jehova uri pedyo naʋose ʋanoɗana kwaari, Ʋose ʋanoɗana kwaari neɀokwaɗi.

¹⁹Ucaitira ʋanomutya seɀaʋanoɗa; Ucanzwa ʋo kuɗanidzira kwaʋo, ndokuʋaponesa.

²⁰Jehova unoceŋgeta ʋose ʋanomuɗa; Asi ʋakaipa ucaʋaparadza ʋose.

²¹Muromo waŋgu ucataura kurumbidzwa kwaJehova; Ʋanhu ʋose ŋgaʋarumbidze zita rake dɀene nokusiŋgaperi‐peri.