Read Original Shona Union Bible 1949 Baiberi Magwaro Matȿene aMŋari Mapisarema 147 Bible Online

Mapisarema 147 - Original Shona Union Bible 1949 Baiberi Magwaro Matȿene aMŋari bible

Mapisarema 147

¹Hareruya! Nokuti ɀakanaka kuti Mŋari weɗu aimbirwe nziyo dzokurumbidza; Ɀinofadza, ʋuye kurumbidza kwakafanira.

²Jehova unoʋaka Jerusarema; Unoʋuŋganidza ʋakadziŋgwa ʋaIsraeri.

³Unoporesa ʋanemŋoyo yakaputsika, Unosuŋga maʋaŋga aʋo.

⁴Unotara kuwanda kwenyeredzi; Unodzipa dzose mazita adzo.

⁵Ishe weɗu mukuru, unesimba guru; Njere dzake hadziperi.

⁶Jehova unoɓatsira ʋanyoro; Ʋakaipa unoʋawisira pasi.

⁷Imbirai Jehova mucimuʋoŋga, Imbirai Mŋari weɗu nziyo dzokurumbidza nembira;

⁸Iye unofukidza ɗeŋga namakore, Unogadzirira pasi mvura, Unomeresa ʋuswa pamakomo.

⁹Unopa ɀipfuwo ɀokudya ɀaɀo, Naʋana ʋamakuŋguʋo, ʋanocema.

¹⁰Haafadzwi nesimba rebiza; Haafariri makumbo omurume.

¹¹Jehova unofara naʋanomutya, Naʋanotarira ŋgoni dzake.

¹²Rumbidza Jehova, iwe Jerusarema; Rumbidza Mŋari wako, iwe Zioni.

¹³Nokuti wakasimbisa mazarira amasuʋo ako; Wakaropafadza ʋana ʋako mukati mako.

¹⁴Unoisa rugare panyika yako; Unokugutisa neɀiyo ɀakaiȿo‐naka.

¹⁵Unotuma mirairo yake panyika; Shoko rake rinomhanya kwaɀo.

¹⁶Unopa ʋanhu cando samakushe amakwai, Unoparadzira cando samaɗota.

¹⁷Unokanda cimvuramabge cake seɀimeɗu; Ndianiko uŋgamira pacando cake?

¹⁸Unotuma shoko rake, ndokuɀinyausa; Unovuvutisa mhepo yake, mvura ndokuyerera.

¹⁹Unoziʋisa Jakobo shoko rake, NaIsraeri mitemo yake neɀaakatoŋga.

²⁰Haana‐kutoŋgoitira rumŋe rudzi saiɀoɀo; Kana ɀiri ɀaakatoŋga, haʋanakuɀiziʋa. Hareruya!