Read Original Shona Union Bible 1949 Baiberi Magwaro Matȿene aMŋari Mapisarema 148 Bible Online

Mapisarema 148 - Original Shona Union Bible 1949 Baiberi Magwaro Matȿene aMŋari bible

Mapisarema 148

¹Hareruya! Rumbidzai Jehova, imi muri kuɗeŋga; Murumbidzei panɀimbo dzokumsoro.

²Murumbidzei imi ʋatumŋa ʋake ʋose; Murumbidzei imi hondo dzake dzose.

³Murumbidzei imi zuʋa nomŋedzi; Murumbidzei imi nyeredzi dzose dzinovenekera.

⁴Murumbidzei imi kuɗeŋga kwokuɗeŋga‐ɗeŋga, Newe mvura zhinji, iri kumsoro kwokuɗeŋga‐ɗeŋga.

⁵Ŋgaɀirumbidze zita raJehova; Nokuti iye wakaraira, ɀikasikwa.

⁶Wakaɀisimbisa ʋo nokusiŋgaperi‐peri; Wakatema cireʋo cisiŋgafaniri kuɗarikwa.

⁷Rumbidzai Jehova imi ʋapasi, Imi ɀikara ɀeguŋgwa, neɀiri makadzika;

⁸Mŋoto necimvuramabge, cando noʋutsi; Ƌutu guru, rinoita ɀaakareʋa;

⁹Makomo neɀikomo ɀose; Miti inoɓereka, nemisidari yose;

¹⁰Mhuka, neɀipfuwo ɀose; Ɀinokambaira neshiri dzinobururuka;

¹¹Madzimambo apasi nendudzi dzose dzaʋanhu; Macinda naʋatoŋgi ʋose ʋapasi;

¹²Majaya nemhandara; Ʋatana naʋana;

¹³Ŋgaʋarumbidze zita raJehova; Nokuti zita rake roga rakakurumbira; Ʋumambo bgake ʋuri kumsoro kwapasi nokuɗeŋga.

¹⁴Wakasimudza runyaŋga rwaʋanhu ʋake, Kuti arumbidzwe naʋatȿene ʋake ʋose; Naiʋo ʋana ʋaIsraeri, iʋo ʋanhu ʋari pedyo naye. Hareruya!