Read Original Shona Union Bible 1949 Baiberi Magwaro Matȿene aMŋari Mapisarema 16 Bible Online

Mapisarema 16 - Original Shona Union Bible 1949 Baiberi Magwaro Matȿene aMŋari bible

Mapisarema 16

¹Rwiyo Miktami rwaDavidi. Ndiceŋgetei, Mŋari; nokuti ndinoʋimba nemi.

²Ndakati kunaJehova: Ndimi Ishe waŋgu; Kunze kwenyu handinecinhu cakanaka.

³Kana ʋari ʋatȿene, ʋari panyika, Ndiʋo ʋakaiȿo‐naka ʋandinofarira ɀikuru.

⁴Kucema kucawanzwa kwaʋanoʋigira mumŋe mŋari ɀipo; Ɀipiriso ɀaʋo ɀinoɗururwa ɀeropa handiŋgaɀiɗururi, Namazita aʋo handiŋgaareʋi nemiromo yaŋgu.

⁵Jehova ndiye mugoʋe wenhaka yaŋgu nowomukombe waŋgu; Munoceŋgeta mugoʋe waŋgu.

⁶Rwonzi rwokuyera rwakandiyerera nɀimbo dzakanaka; Ɀirokwaɀo, nhaka yaŋgu yakaiȿo‐naka.

⁷Ndicarumbidza Jehova wakandipa mano, Ɀirokwaɀo, itȿo dzaŋgu dzinondidzidzisa paŋguʋa dzoʋusiku.

⁸Ndakaisa Jehova pamberi paŋgu ŋguʋa dzose; Ɀaari kurudyi rwaŋgu, handiŋgazunuŋguswi.

⁹Naiɀoɀo mŋoyo waŋgu unofara, kukudzwa kwaŋgu kunofarisisa; Nyama yaŋgu ʋo icagara yakaceŋgetwa.

¹⁰Nokuti hamuŋgasiyi mŋeya waŋgu muSheori; Hamuŋgatenderi mutȿene wenyu kuti aʋone kuʋora.

¹¹Mucandiratidza nzira yoʋupenyu; Mufaro wakazara uri pamberi paŋgu; Paruʋoko rwenyu rworudyi paneɀinofadza nokusiŋgaperi.