Read Original Shona Union Bible 1949 Baiberi Magwaro Matȿene aMŋari Mapisarema 19 Bible Online

Mapisarema 19 - Original Shona Union Bible 1949 Baiberi Magwaro Matȿene aMŋari bible

Mapisarema 19

¹Kumutuŋgamiriri wokuimba. Pisarema raDavidi. Kuɗeŋga‐ɗeŋga kunoparidzira kubginya kwaMŋari; Ʋuye ɗeŋga rinoratidza ɓasa ramaʋoko ake.

²Musi mumŋe unotaurira mumŋe musi, Ʋuye ʋusiku ʋumŋe ʋunopupurira ʋumŋe ʋusiku njere.

³Hapana‐kutaura, kana mashoko; Inzwi raɀo harinzwiki.

⁴Rwonzi rwokuyera rwaɀo rwakaȿika kunyika yose, Namashoko aɀo kumugumo wenyika. Wakagadzirira zuʋa tente mukati maɀo.

⁵Iro rakafanana necikomba cinoɓuɗa mumba maco, Rinofara semhare kumhanya nenzira yaro.

⁶Kuɓuɗa kwaro kunobva pamugumo weɗeŋga, Kupota kwaro kunoȿika pakuguma kwaro ɀe; Hakune‐cinhu cakaʋanzirwa kupisa kwaro.

⁷Murairo waJehova wakakwana, unoponesa mŋeya; Cipupuriro caJehova ndecaɀokwaɗi, cinopa ʋasinamano njere.

⁸Ɀinorairwa naJehova ɀakarurama, ɀinofadza mŋoyo; Murau waJehova wakaiȿo‐naka, unovenekera meso.

⁹Kutya Jehova kwakanaka, kunogara nokusiŋgaperi; Ɀakatoŋgwa naJehova ndeɀaɀokwaɗi, ɀakarurama kwaɀo.

¹⁰Ɀinofanira kutȿakwa kukunda ndarama, ɀirokwaɀo kukunda ndarama zhinji yakaiȿo‐naka; Ɀinotapira ʋo kupfuʋura ʋuci nomuȿi wamaziŋga oʋuci.

¹¹Ʋuye ɀe, muranda wenyu unonyeʋerwa naɀo; Pakuɀiceŋgeta panomuɓairo mukuru. Kana kuri kutsauka, ndiani uŋgakuziʋa?

¹²Ndianiko uŋgaziʋa ɀitadzo? Ndinatsei imi paɀitadzo ɀakaʋanzika.

¹³Dzorai ʋo muranda wenyu paɀiʋi ɀokuɀikudza; Ŋgaɀirege kuʋa nesimba pamsoro paŋgu; ipapo ndicaʋa wakakwana, Handiŋgaʋi nemhoȿa yokuɗarika kukuru.

¹⁴Mashoko omuromo waŋgu nokuraŋgarira kwomŋoyo waŋgu ŋgaɀifadze pamberi penyu, Imi Jehova, ɗombo raŋgu, nomudzikinuri waŋgu.