Read Original Shona Union Bible 1949 Baiberi Magwaro Matȿene aMŋari Mapisarema 25 Bible Online

Mapisarema 25 - Original Shona Union Bible 1949 Baiberi Magwaro Matȿene aMŋari bible

Mapisarema 25

¹Pisarema raDavidi. Jehova, ndinosimudzira mŋoyo waŋgu kwamuri.

²Mŋari waŋgu, ndinoʋimba nemi, Ŋgandirege kunyadziswa; Ʋaʋeŋgi ʋaŋgu ŋgaʋarege kundikunda.

³Ɀirokwaɀo, hapano‐munhu unokumirirai uŋganyadziswa; Ʋacanyadziswa ndiʋo ʋanonyeŋgera pasinecinhu.

⁴Ndiratidzei nzira dzenyu, Jehova; Ndidzidzisei nzira dzenyu.

⁵Ndiperekedzei muɀokwaɗi yenyu, mundidzidzise; Nokuti ndimi Mŋari muponesi waŋgu; Ndinokutarirai zuʋa rose.

⁶Raŋgarirai, Jehova, nyasha yenyu huru noʋunyoro bgenyu; Nokuti ɀaiʋa’po kare nakare.

⁷Regai kuraŋgarira ɀiʋi ɀoʋuɗoko bgaŋgu, nokuɗarika kwaŋgu; Mundiraŋgarire noʋunyoro bgenyu, Nokuɗa kwokunaka kwenyu, Jehova.

⁸Jehova wakanaka, wakarurama; Saka ucaraira ʋatadzi panzira.

⁹Ucaperekedza ʋanyoro muneɀakarurama; Ucadzidzisa ʋanyoro nzira yake.

¹⁰Nzira dzose dzaJehova ndedzoʋunyoro neɀokwaɗi Kunaʋanoceŋgeta suŋgano yake neɀipupuriro ɀake.

¹¹Nokuɗa kwezita renyu, Jehova, Kaŋganwirai ɀakaipa ɀaŋgu, nokuti ɀikuru.

¹²Munhu ndoupiko unotya Jehova? Ndiye waacadzidzisa nzira yaanofanira kusanaŋgura.

¹³Mŋeya wake ucagara ɀakanaka; Ʋuye ʋana ʋake ʋacagara nhaka yenyika.

¹⁴Ɀakaʋanzwa ɀaJehova ndeɀaʋanomutya; Ucaʋaratidza suŋgano yake.

¹⁵Meso aŋgu anoramba acitarira kunaJehova; Nokuti unobvisa tsoka dzaŋgu pamumbure.

¹⁶Riŋgirai kwandiri, mundinzwire nyasha; Nokuti ndiri ndoga, ndinotambudzika.

¹⁷Maɗambudziko omŋoyo waŋgu awanda kwaɀo; Haiwa, ndiɓuɗisei panjodzi dzaŋgu.

¹⁸Tarirai kutambudzika kwaŋgu nokurwadziwa kwaŋgu; Mundikaŋganwire ɀiʋi ɀaŋgu ɀose.

¹⁹Tarirai ʋaʋeŋgi ʋaŋgu, nokuti ʋazhinji; Ʋanondiʋeŋga nehasha dzembeŋgo.

²⁰Ceŋgetai mŋeya waŋgu mundirwire; Ndirege kunyadziswa, nokuti ndinoʋimba nemi.

²¹Kusanyeŋgera nokururama ŋgaɀindiceŋgete, Nokuti ndinokumirirai.

²²Dzikinurai Israeri, imi Mŋari, Panjodzi dzake dzose.