Read Original Shona Union Bible 1949 Baiberi Magwaro Matȿene aMŋari Mapisarema 27 Bible Online

Mapisarema 27 - Original Shona Union Bible 1949 Baiberi Magwaro Matȿene aMŋari bible

Mapisarema 27

¹Pisarema raDavidi. Jehova ndiye ciedza caŋgu noMuponesi waŋgu; ndiŋgagotya aniko? Jehova ndiye simba roʋupenyu bgaŋgu; ndiŋgagovunduswa naniko?

²Ʋaiti ʋeɀakaipa ʋakati ʋaciʋuya kwandiri kuzodya nyama yaŋgu, Iʋo ʋadziʋisi ʋaŋgu naʋaʋeŋgi ʋaŋgu, ʋakagumburwa ʋakawa.

³Kunyaŋge hondo ikandikomba, Mŋoyo waŋgu hauŋgatyi; Kunyaŋge ndikaʋiŋgwa nokurwa, Neŋguʋa iyo ndicaʋimba naJehova.

⁴Cinhu cimŋe cete ndakakumbira kunaJehova, ndico candicatȿaka; Kuti ndigare mumba maJehova misi yose yoʋupenyu bgaŋgu, Kuti ndiʋone kunaka kwaJehova, nokuraŋgarira mutembere yake.

⁵Nokuti nomusi wenjodzi unondiʋiga muɗumba rake, Ucandiʋanza pakaʋanda patente rake; Ucandikwiridza paɗombo.

⁶Ɀino musoro waŋgu ucasimudzirwa kumsoro kwaʋaʋeŋgi ʋaŋgu ʋanondikomba; Ndicamuɓayira ɀiɓayiro ɀomufaro patente rake. Ndicaimba, ɀirokwaɀo ndicaimbira Jehova nziyo dzokumurumbidza.

⁷Inzwai Jehova, kana ndiciɗana nenzwi raŋgu; Ndinzwirei tsitsi, mundipindure.

⁸Paŋguʋa yamakati: Tȿakai ciso caŋgu; mŋoyo waŋgu wakati kwamuri: Ciso cenyu, Jehova, ndicacitȿaka.

⁹Regai kundiʋanzira ciso cenyu; Musadziŋga muranda wenyu pakutsamŋa kwenyu; Makaŋga muri muɓatsiri waŋgu; Regai kundirasha, kana kundisiya, imi Mŋari muponesi waŋgu.

¹⁰Nokuti ɓaɓa ʋaŋgu namai ʋaŋgu ʋakandirasha, Asi Jehova ucandigamucira.

¹¹Ndidzidzisei nzira yenyu Jehova; Mundifambise panzira yakati cecetere, Nokuɗa kwaʋanondiʋandira.

¹²Musandisundira pakuɗa kwaʋadziʋisi ʋaŋgu; Nokuti ɀapupu ɀenhema ɀakandimukira, naʋanofemereka hasha.

¹³Ndiŋgaɗai ndakafa haŋgu, kana ndisina‐kutenda kuti ndicaʋona kunaka kwaJehova Panyika yaʋapenyu.

¹⁴Rindira Jehova; Iʋa nesimba, nomŋoyo wako utsuŋge; Ndinoti, rindira Jehova.