Read Original Shona Union Bible 1949 Baiberi Magwaro Matȿene aMŋari Mapisarema 29 Bible Online

Mapisarema 29 - Original Shona Union Bible 1949 Baiberi Magwaro Matȿene aMŋari bible

Mapisarema 29

¹Ipai Jehova, imi ʋanakomana ʋaMŋari, Ipai Jehova kudzo nesimba.

²Ipai Jehova kudzo yakafanirwa nezita rake; Namatai kunaJehova neŋguʋo tȿene.

³Inzwi raJehova riri pamsoro pemvura zhinji; Mŋari wokubginya unotinhira, Iye Jehova uri pamsoro pemvura zhinji‐zhinji:

⁴Inzwi raJehova rinesimba; Inzwi raJehova rizere noʋumambo.

⁵Inzwi raJehova rinovuna misidari; Ɀirokwaɀo, Jehova unovunanya misidari yeRebanoni.

⁶Unoipemberesa semhuru; Iro Rebanoni neSirioni semhuru yenyati.

⁷Inzwi raJehova rinopamura miraɀo yomŋoto.

⁸Inzwi raJehova rinoɗeɗeresa renje; Jehova unoɗeɗeresa renje reKadeshi.

⁹Inzwi raJehova rinoɓerekesa nondo, Rinoȿuʋura miti yamatondo; Nomutembere yake ɀose ɀinoti: Kubginya.

¹⁰Jehova wakagara pacigaro coʋushe paɓoporodzi remvura; Ɀirokwaɀo, Jehova unogara ari mambo nokusiŋgaperi.

¹¹Jehova ucapa ʋanhu ʋake simba; Jehova ucaropafadza ʋanhu ʋake norugare.