Read Original Shona Union Bible 1949 Baiberi Magwaro Matȿene aMŋari Mapisarema 30 Bible Online

Mapisarema 30 - Original Shona Union Bible 1949 Baiberi Magwaro Matȿene aMŋari bible

Mapisarema 30

¹Pisarema; rwiyo pakutsaurira Jehova imba; Pisarema raDavidi. Ndicakukudzai ɀikuru, Jehova; nokuti makandisimudza, Hamuna‐kutendera ʋaʋeŋgi ʋaŋgu kufara nokuɗa kwaŋgu.

²Jehova, Mŋari waŋgu, Ndakacema kwamuri, imi mukandiporesa.

³Jehova, makaɓuɗisa mŋeya waŋgu paSheori; Makaceŋgeta ʋupenyu bgaŋgu, kuti ndirege kuɓurukira kugomba.

⁴Imbirai Jehova nziyo dzokurumbidza, imi ʋatȿene ʋake, Muʋoŋge kana muciraŋgarira zita rake dɀene.

⁵Nokuti kutsamŋa kwake kuri’po ciŋguʋa ciɗuku; Asi ŋgoni dzake ndedzoʋupenyu bgose. Kucema kuŋgaʋa’po maɗekwana, Asi mufaro unoȿika maŋgwanani.

⁶Kana ndiri’ni, ndakati pakufara kwaŋgu: Handiŋgatoŋgozunuŋguswi.

⁷Imi Jehova, neŋgoni dzenyu makamisa gomo raŋgu nesimba; Makaʋanza ciso cenyu; ini ndikatambudzika.

⁸Ndakacema kwamuri, Jehova; Ʋuye ndakakumbira kunaJehova;

⁹Ropa raŋgu riŋgandiɓatsireiko, kana ndiciɓurukira kugomba? Guruʋa riŋgakurumbidzai here? Riŋgaɗudzira ɀokwaɗi yenyu here?

¹⁰Inzwai Jehova, mundinzwirei tsitsi; Jehova, iʋai muɓatsiri waŋgu.

¹¹Makashandura kucema kwaŋgu kukaʋa kutamba; Makasunuŋgura gumbu raŋgu, mukasuŋga ciʋuno caŋgu nomufaro;

¹²Kuti mŋeya waŋgu ukuimbirei nziyo dzokurumbidza, urege kunyarara. Jehova Mŋari waŋgu, ndicakuʋoŋgai nokusiŋgaperi.