Read Original Shona Union Bible 1949 Baiberi Magwaro Matȿene aMŋari Mapisarema 31 Bible Online

Mapisarema 31 - Original Shona Union Bible 1949 Baiberi Magwaro Matȿene aMŋari bible

Mapisarema 31

¹Kumutuŋgamiriri wokuimba. Pisarema raDavidi. Jehova, ndinoʋimba nemi; ŋgandirege kutoŋgo‐nyadziswa; Ndirwirei pakururama kwenyu.

²Rerekerai nzeʋe yenyu kwandiri; kurumidzai kundirwira; Iʋai ɗombo raŋgu rakasimba, neimba yenhare yokundiponesa.

³Nokuti ndimi ɗombo raŋgu nenhare yaŋgu; Naiɀoɀo ndituŋgamirirei mundifambise nokuɗa kwezita renyu.

⁴Ndibvutei pamumbure waʋakandidzikira pakaʋanda; Nokuti ndimi nhare yaŋgu.

⁵Ndinoisa mŋeya waŋgu muruʋoko rwenyu; Makandidzikinura Jehova, imi Mŋari waɀokwaɗi.

⁶Ndinoʋeŋga ʋanokudza ɀenhema ɀisinamaturo; Asi ndicaʋimba naJehova.

⁷Ndicafara nokufarisisa netsitsi dzenyu; Nokuti makaʋona kutambudzika kwaŋgu; Makaziʋa kumanikidzwa kwomŋeya waŋgu;

⁸Hamuna‐kundiisa muruʋoko rwomuʋeŋgi; Makamisa tsoka dzaŋgu panɀimbo yakafarikana.

⁹Ndinzwirei tsitsi Jehova, nokuti ndiri panjodzi; Ziso raŋgu rapera nokucema, ɀirokwaɀo, nomŋeya waŋgu nomuʋiri waŋgu ʋo.

¹⁰Nokuti ʋupenyu bgaŋgu bgapera nokucema, namakore aŋgu nokugomera; Simba raŋgu rapera nokuɗa kwokutadza kwaŋgu, ʋuye mafupa aŋgu asakara.

¹¹Ndaʋa cinhu cinoɀidzwa nemhaka yaʋadziʋisi ʋaŋgu ʋose, Ɀirokwaɀo, ɀikuru kunaʋandinogara naʋo, necinotyisa kuʋazikani ʋaŋgu; Ʋakandiʋona kunze ʋakanditiza.

¹²Ndakaŋganikwa sowakafa usati acafuŋgwa; Ndaʋa somudziyo wakaputsika.

¹³Ndakanzwa ʋazhinji ʋacindipomera, Ɀinotyisa kumatiʋi ose; Pakuraŋgana kwaʋo pamsoro paŋgu Ʋakafuŋga mano kuti ʋanditorere ʋupenyu bgaŋgu.

¹⁴Asi ndakaʋimba nemi Jehova; Ndakati: Ndimi Mŋari waŋgu.

¹⁵Ŋguʋa dzaŋgu dziri muruʋoko rwenyu; Ndirwirei paruʋoko rwaʋaʋeŋgi ʋaŋgu, nokunaʋanonditambudza.

¹⁶Venekesai ciso cenyu pamsoro pomuranda wenyu; Ndiponesei noʋunyoro bgenyu.

¹⁷Ŋgandirege kunyadziswa, Jehova; nokuti ndakaɗana kwamuri; Ʋakaipa ŋgaʋanyadziswe, ŋgaʋanyarare paSheori.

¹⁸Miromo inoreʋa nhema ŋgainyarare; Iyo inotaura namanyawi kunaʋakarurama, Iciɀikudza nokuʋaɀidza.

¹⁹Haiwa, ɀakanaka ɀenyu ɀamakaceŋgetera ʋanokutyai ɀakakura sei, Ɀamakaitira ʋanoʋimba nemi, pamberi paʋanakomana ʋaʋanhu!

²⁰Mucaʋaʋanza pakaʋanda pamberi penyu, ʋabve pamano aʋanhu; Mucaʋaceŋgeta pakaʋanda patente ʋabve panharo dzendimi.

²¹Jehova ŋgaaʋoŋgwe: Nokuti wakandiratidza ʋunyoro bgake ʋunoshamisa paguta rakasimba.

²²Kana ndiri’ni, ndakati pakukaruka kwaŋgu: Ndabviswa pamberi penyu; Kunyaŋge ɀakaɗaro, makanzwa inzwi rokukumbira kwaŋgu pakucema kwaŋgu kwamuri.

²³Iɗai Jehova, imi ʋatȿene ʋake mose; Jehova unoceŋgeta ʋakatendeka, Unotsiʋa ɀikuru munhu unoɀikudza.

²⁴Iʋai nesimba, ʋuye mŋoyo yenyu itsuŋge, Imi mose munorindira Jehova.