Read Original Shona Union Bible 1949 Baiberi Magwaro Matȿene aMŋari Mapisarema 32 Bible Online

Mapisarema 32 - Original Shona Union Bible 1949 Baiberi Magwaro Matȿene aMŋari bible

Mapisarema 32

¹Pisarema raDavidi. Rwiyo rweMashiri. Wakakomborerwa wakakaŋganwirwa kuɗarika kwake, wakafukidzirwa ɀiʋi ɀake.

²Wakakomborerwa munhu usiŋgaʋereŋgerwi ɀakaipa naJehova; Usino‐kunyeŋgera pamŋeya wake.

³Paŋguʋa yandakaramba ndinyerere, mafupa aŋgu akasakara Nokuʋuʋura kwaŋgu zuʋa rose.

⁴Nokuti ruʋoko rwenyu rwakaŋga rucirema pamsoro paŋgu masikati noʋusiku; Ʋunyoro bgaŋgu bgakashandurwa ʋukaʋa kuwoma kwecirimo.

⁵Ndakakuziʋisai ciʋi caŋgu, handina‐kuʋanza cakaipa caŋgu; Ndakati: Ndicaɀireʋurura kuɗarika kwaŋgu kunaJehova; Imi mukandikaŋganwira kuipa kweciʋi caŋgu.

⁶Saka ʋose ʋanotya Mŋari ŋgaʋanyeŋgetere kwamuri paŋguʋa yamuŋgawanikwa; Ɀirokwaɀo kana mvura zhinji icikukura, haiŋgaȿiki kwaari.

⁷Ndi’mi ciʋando caŋgu; mucandiceŋgeta ndirege kuwira pakutambudzika. Mucandikomberedza nenziyo dzokurwirwa.

⁸Ndicakudzidzisa nokukuraira nzira yaunofanira kufamba nayo; Ndicakupa njere neziso raŋgu, riri pamsoro pako.

⁹Regai kuʋa sebiza, kana sehesera, ɀisiŋganzwisisi; Ɀinofanira kufambiswa norwauro netomu pamakashu aɀo, Haɀiŋgazoɗi kusweɗera kwauri.

¹⁰Wakaipa ucaʋa nenjodzi zhinji; Asi unoʋimba naJehova ucakombga netsitsi.

¹¹Farai munaJehova, mufarisise, imi makarurama; Pururudzai nomufaro, imi mose makarurama pamŋoyo.