Read Original Shona Union Bible 1949 Baiberi Magwaro Matȿene aMŋari Mapisarema 33 Bible Online

Mapisarema 33 - Original Shona Union Bible 1949 Baiberi Magwaro Matȿene aMŋari bible

Mapisarema 33

¹Farisai munaJehova, imi ʋakarurama; Kurumbidza kwakafanira ʋakarurama.

²Ʋoŋgai Jehova nembira; Muimbirei nziyo dzokurumbidza nomuteŋgeranwa unehuŋgiso dzinegumi.

³Muimbirei rwiyo rutȿa; Ridzai ɀakanaka nokuridza kukuru.

⁴Nokuti shoko raJehova rakarurama, Unoita ɀose nokutendeka.

⁵Iye unoɗa kururama nokururamisa; Nyika izere noʋunyoro bgaJehova.

⁶Kuɗeŋga‐ɗeŋga kwakaitwa neshoko raJehova, Ʋuye hondo dzose dzo’ko nokufema kwomuromo wake.

⁷Unoʋuŋganidza mvura zhinji yeguŋgwa pamŋe cete somurwi; Unoceŋgeta mvura zhinji dzakadzika mumatura.

⁸Nyika yose ŋgaitye Jehova; Ʋose ʋagere panyika ŋgaʋaɗeɗere pamberi pake.

⁹Nokuti iye wakataura, ɀikaitika; Wakaraira, ɀikamira ɀikasimba.

¹⁰Jehova unoparadza zano raʋahedeni; Mifuŋgo yendudzi dzaʋanhu unoishaisa simba.

¹¹Zano raJehova rakasimba nokusiŋgaperi, Nendaŋgariro dzomŋoyo wake kuȿikira kundudzi dzose.

¹²Rwakakomborerwa rudzi rwakaita Jehova Mŋari warwo; Rudzi rwaakatsaura kuʋa nhaka yake.

¹³Jehova unotarira ari kuɗeŋga; Unoʋona ʋanakomana ʋose ʋaʋanhu;

¹⁴Unotarira ari ipapo paagere Aciʋona ʋanhu ʋose ʋagere panyika.

¹⁵Iye unoʋumba mŋoyo yaʋo ʋose, Unocerekedza maɓasa aʋo ose.

¹⁶Hapanamambo unoponeswa nokuwanda kwehondo; Mhare hairwirwi nesimba guru.

¹⁷Biza hariɓatsiri pakukunda; Harigoni kurwira nesimba raro guru.

¹⁸Tarirai, ziso raJehova rinotarira ʋanomutya, Iʋo, ʋanorindira tsitsi dzake;

¹⁹Kurwira mŋeya waʋo parufu, Nokuʋararamisa paŋguʋa yenzara.

²⁰Mŋeya yeɗu yakarindira Jehova; Ndiye muɓatsiri weɗu nenhoʋo yeɗu.

²¹Nokuti mŋoyo yeɗu icafara kwaɀo maari, Ɀatakaʋimba nezita rake dɀene.

²²Tsitsi dzenyu ŋgadziʋe nesu, Jehova, Seɀatakakurindirai.