Read Original Shona Union Bible 1949 Baiberi Magwaro Matȿene aMŋari Mapisarema 38 Bible Online

Mapisarema 38 - Original Shona Union Bible 1949 Baiberi Magwaro Matȿene aMŋari bible

Mapisarema 38

¹Pisarema raDavidi, rokuyeʋudzira. Haiwa Jehova, regai kundiraira pakutsamŋa kwenyu; Musandiraŋga nokusafara kwenyu kukuru.

²Nokuti miseʋe yenyu yandiɓaya, Ruʋoko rwenyu runonditsikirira kwaɀo.

³Hakucino‐ʋukukutu panyama yaŋgu nokuɗa kwehasha dzenyu; Ʋuye hapacino‐mufaro pamafupa aŋgu nokuɗa kweciʋi caŋgu.

⁴Nokuti ɀakaipa ɀaŋgu ɀafukidza musoro waŋgu; Ɀinondiremera somutoro unorema.

⁵Maronda aŋgu anonhuwa, akaʋora, Nokuɗa kwoʋupenzi bgaŋgu.

⁶Ndakakombamiswa, ndakakotamiswa kwaɀo, Ndinofamba ndicicema zuʋa rose.

⁷Nokuti ciʋuno caŋgu cinopisa ɀikuru; Hakucino‐ʋukukutu panyama yaŋgu.

⁸Ndakati rukutu, ndavunika kwaɀo; Ndakagomera nokuɗa kwokutambudzika kwomŋoyo waŋgu.

⁹Ishe, ɀose ɀinoɗa mŋoyo waŋgu ɀiri pamberi penyu; Hamuna‐kuʋanzirwa kugomba kwaŋgu.

¹⁰Mŋoyo waŋgu unopfura, ndapererwa nesimba raŋgu; Kana ciri ciedza cameso aŋgu, naico cabva kwandiri.

¹¹Ʋanondiɗa, neshamŋari dzaŋgu, ʋanomira kure nokuɗa kwehosha yaŋgu; Ʋuye hama dzaŋgu dzimire kure.

¹²Ʋanotȿaka ʋupenyu bgaŋgu ʋanonditeyira misuŋgo; Ʋuye ʋanotȿaka kundikuʋadza ʋanotaura ɀokuparadzwa kwaŋgu, Asi ʋanofuŋga kundinyeŋgera zuʋa rose.

¹³Asi ini ndakafanana nematsi, handinzwi; Ndakafanana nembeʋeʋe isiŋgashamisi muromo wayo.

¹⁴Ɀirokwaɀo, ndakafanana nomunhu usiŋganzwi, Usinemhinduro pamuromo wake.

¹⁵Nokuti ndimi, Jehova, wandinotarira; Imi mucapindura, Jehova Mŋari waŋgu.

¹⁶Nokuti ndakati: Ŋgaʋarege kufara pamsoro paŋgu; Kana rutsoka rwaŋgu rucitedzemuka, ʋanoɀikudza pamsoro paŋgu.

¹⁷Nokuti ndinoʋaʋarira kugumburwa, Ʋuye njodzi yaŋgu iri pamberi paŋgu ŋguʋa dzose.

¹⁸Nokuti ndicaɀireʋurura ɀakaipa ɀaŋgu; Ndicacema ɀiʋi ɀaŋgu.

¹⁹Asi ʋaʋeŋgi ʋaŋgu ʋakaȿinuka, ʋanesimba; Ʋuye ʋanondiʋeŋga ndisinemhoȿa ʋawanda.

²⁰Naiʋo ʋo ʋanotsiʋa ɀakaipa neɀakanaka, Ndiʋo ʋadziʋisi ʋaŋgu, nokuti ndinoteʋera cinhu cakanaka.

²¹Regai kundisiya, Jehova; Mŋari waŋgu, regai kuʋa kure neni.

²²Kurumidzai kundiɓatsira, Ishe, imi muponesi waŋgu.