Read Original Shona Union Bible 1949 Baiberi Magwaro Matȿene aMŋari Mapisarema 39 Bible Online

Mapisarema 39 - Original Shona Union Bible 1949 Baiberi Magwaro Matȿene aMŋari bible

Mapisarema 39

¹Kumutuŋgamiriri wokuimba, kunaJedutuni. Pisarema raDavidi. Ndakati: Ndicacenjerera nzira dzaŋgu, Kuti ndirege kutadza norurimi rwaŋgu; Ndicaceŋgeta muromo waŋgu netomu, Kana wakaipa ari pamberi paŋgu.

²Ndakaŋga ndiri mbeʋeʋe ndisiŋgatauri, Ndakanyarara haŋgu, ndiri kure neɀakanaka. Kucema kwaŋgu kukamutswa.

³Mŋoyo waŋgu wakaŋga ucipisa mukati maŋgu; Ndakati ndicifuŋga, mŋoto ukapfuta; Ipapo ndakataura norurimi rwaŋgu, ndikati:

⁴Jehova, ndiziʋisei mugumo waŋgu, Ʋuye mŋero wamazuʋa aŋgu, kuti akaɗini; Ndiziʋisei kuti ndinoŋgopfuʋura haŋgu.

⁵Tarirai, makaita mazuʋa aŋgu soʋupamhi bgecanza; Ʋuye ŋguʋa yokurarama kwaŋgu secinhu cisi’po pamberi penyu; Ɀirokwaɀo, munhu mumŋe nomumŋe kunyaŋge akasimba kwaɀo, mŋeya ɓedzi.

⁶Ɀirokwaɀo, munhu mumŋe nomumŋe unofamba‐famba somumvuri; Ɀirokwaɀo, ʋanoita ɓope pasina; Unoʋuŋganidza fuma, asi haaziʋi kuti ndiani ucaidya.

⁷Ɀino Ishe, ndakarindireiko? Tariro yaŋgu iri kwamuri.

⁸Ndirwirei pakuɗarika kwaŋgu kwose; Regai kundiita munhu unosekwa namapenzi.

⁹Ndakaŋga ndiri mbeʋeʋe, handinakushamisa muromo waŋgu; Nokuti ndi’mi makaɀiita.

¹⁰Bvisai shamhu yenyu kwandiri; Ndapera nokurobga noruʋoko rwenyu.

¹¹Kana muciraira munhu mucimuraŋga pamsoro peɀakaipa, Munopedza kunaka kwake seciʋundudzi; Ɀirokwaɀo munhu mumŋe nomumŋe mŋeya hake.

¹²Inzwai munyeŋgetero waŋgu, Jehova, rerekerai nzeʋe yenyu munzwe kucema kwaŋgu; Musanyarara muciʋona misodzi yaŋgu; Nokuti ndiri mŋeni kwamuri, Mutorwa, seɀakaŋga ɀakaita madziɓaɓa aŋgu ose.

¹³Regai kunditarira, kuti ndimbonaya haŋgu, Ndisati ndabva pano, ndikasazoʋa’po.