Read Original Shona Union Bible 1949 Baiberi Magwaro Matȿene aMŋari Mapisarema 40 Bible Online

Mapisarema 40 - Original Shona Union Bible 1949 Baiberi Magwaro Matȿene aMŋari bible

Mapisarema 40

¹Kumutuŋgamiriri wokuimba. Pisarema raDavidi. Ndakarindira‐rindira Jehova; Akarerekera kwandiri, akanzwa kucema kwaŋgu.

²Akandiɓuɗisa ʋo pagomba rokuparadzwa, nomudziʋa ramatope; Akamisa tsoka dzaŋgu paɗombo, akasimbisa kufamba kwaŋgu.

³Akaisa rwiyo rutȿa mumuromo maŋgu, rwokurumbidza Mŋari weɗu narwo; Ʋazhinji ʋacaɀiʋona, ʋacitya, Ʋacaʋimba naJehova.

⁴Wakakomborerwa unoita Jehova ciʋando cake. Usinehanya naʋanoɀikudza, naʋanotsaukira kunhema.

⁵Jehova Mŋari waŋgu, maɓasa enyu, anoshamisa, amakaita, mazhinji, Nemifuŋgo yenyu kwatiri; Hapana‐uŋgaenzaniswa nemi. Kana ndikaɗa kuɀiɗudzira nokuɀireʋa, Haɀiŋgaʋereŋgwi nokuwanda kwaɀo.

⁶Imi hamufadzwi neɀiɓayiro neɀipiriso; Makandidziʋurira nzeʋe dzaŋgu; Ɀipiriso ɀinopiswa neɀeɀiʋi hamuna‐kuɀireʋa.

⁷Ipapo ndakati: Tarirai, ndaʋuya; Parugwaro rwakapetwa ndakaɀirairwa:

⁸Ndinofara kwaɀo kuita kuɗa kwenyu, Mŋari waŋgu; Ɀirokwaɀo murairo wenyu uri mumŋoyo maŋgu.

⁹Ndakaparidza mashoko omufaro paʋuŋgano huru; Tarirai, handiŋgadzori miromo yaŋgu, Jehova, munoɀiziʋa.

¹⁰Handina‐kuʋanza kururama kwenyu mumŋoyo maŋgu; Ndakaɗudzira kutendeka kwenyu nokuponesa kwenyu; Handina‐kuʋanzira ʋuŋgano huru ʋunyoro bgenyu neɀokwaɗi yenyu.

¹¹Jehova, imi hamuŋgandinyimi ŋgoni dzenyu; Ʋunyoro bgenyu neɀokwaɗi yenyu ɀicandiceŋgeta ŋguʋa dzose.

¹²Nokuti maɗambudzo asiŋgaʋereŋgwi akandikomberedza, Ɀakaipa ɀaŋgu ɀakandiɓata, naiɀoɀo handigoni kutarira kumsoro; Ɀakawanda kupfuʋura vudzi romusoro waŋgu, ndapera mŋoyo.

¹³Jehova, ŋgaɀikufadzei kundirwira; Kurumidzai kundiɓatsira, Jehova.

¹⁴Ŋgaʋanyadziswe, ŋgaʋaɀidzwe pamŋe cete Iʋo ʋanotȿaka mŋeya waŋgu kuti ʋauparadze; Ŋgaʋadzoserwe shure, ʋashoʋorwe Iʋo ʋanofarira kundikuʋadza.

¹⁵Ŋgaʋavunduswe nokuɗa kwenyadzi dzaʋo Iʋo ʋanoti kwandiri: Hekani, hekani waro!

¹⁶Ʋose ʋanokutȿakai ŋgaʋafarise ʋaʋe nomufaro mamuri; Ʋanoɗa kuponesa kwenyu ŋgaʋarambe ʋaciti: Jehova ŋgaakudzwe!

¹⁷Asi ini ndiri murombo nomushaiwi; Kunyaŋge ɀakaɗaro Ishe unondifuŋga; Imi muri muɓatsiri waŋgu nomurwiri waŋgu; Regai kunonoka, Mŋari waŋgu.