Read Original Shona Union Bible 1949 Baiberi Magwaro Matȿene aMŋari Mapisarema 42 Bible Online

Mapisarema 42 - Original Shona Union Bible 1949 Baiberi Magwaro Matȿene aMŋari bible

Mapisarema 42

¹Kumutuŋgamiriri wokuimba; rwiyo rweMashiri rwaʋanakomana ʋaKora. Senondo inotakwairira hoʋa dzemvura, Saiɀoɀo mŋeya waŋgu unokutakwairirai imi Mŋari.

²Mŋeya waŋgu unenyota kunaMŋari, iye Mŋari mupenyu: Ndicaȿika riniko ndiʋonekwe NaMŋari?

³Misodzi yaŋgu ɀakaŋga ɀiri ɀokudya ɀaŋgu masikati noʋusiku, Pakutaura kwaʋo zuʋa rose kwandiri ʋaciti: Mŋari wako uripiko?

⁴Ndinoraŋgarira ɀinhu iɀi, ndiciɗurura mŋeya waŋgu mukati maŋgu, Ɀokuti ndaienda naʋazhinji, ndiciʋatuŋgamirira kuimba yaMŋari Nenzwi rokufara nokurumbidza, tiri ʋazhinji ʋaitamba mutambo.

⁵Unoshuwireiko, mŋeya waŋgu? Unoshaiwa rugare neiko mukati maŋgu? Tarira kunaMŋari; nokuti ndicazomurumbidza haŋgu, Nokuɗa kwokuponesa kweciso cake.

⁶Haiwa Mŋari, mŋeya waŋgu unoshuwa mukati maŋgu; Naiɀoɀo ndinokuraŋgarirai ndiri panyika yaJoridani, Napamakomo eHermoni, necikomo ceMizari.

⁷Pakadzika panoɗana pakadzika pakutinhira kwamapopopo enyu; Mafuŋgu enyu namapoporodzi enyu akapfuʋura napamsoro paŋgu.

⁸Asi Jehova ucaraira ʋunyoro bgake paŋguʋa yamasikati, Ʋusiku rwiyo rwake rucaʋa neni, Uʋe munyeŋgetero kunaMŋari woʋupenyu bgaŋgu.

⁹Ndicati kunaMŋari, ɗombo raŋgu: Makandikaŋganwireiko? Ndinofambireiko ndicicema nemhaka yokumanikidza kwomuʋeŋgi waŋgu?

¹⁰Ɀakafanana nomunondo pamafupa aŋgu, kana ʋadziʋisi ʋaŋgu ʋacindiɀidza; Kana ʋaciramba ʋaciti kwandiri: Mŋari wako uripiko?

¹¹Unoshuwireiko, mŋeya waŋgu? Unoshaiwa rugare neiko mukati maŋgu? Tarira kunaMŋari; nokuti ndicazomurumbidza haŋgu, Iye muponesi weciso caŋgu, NaMŋari waŋgu.