Read Original Shona Union Bible 1949 Baiberi Magwaro Matȿene aMŋari Mapisarema 44 Bible Online

Mapisarema 44 - Original Shona Union Bible 1949 Baiberi Magwaro Matȿene aMŋari bible

Mapisarema 44

¹Kumutuŋgamiriri wokuimba; Pisarema raʋanakomana ʋaKora. Rwiyo rweMashiri. Mŋari, takanzwa nenzeʋe dzeɗu, madziɓaɓa eɗu akatiʋudza, Ƃasa ramakaɓata pamisi yaʋo, napamisi yekare.

²Makadziŋga ʋahedeni noruʋoko rwenyu, mukaʋasima iʋo; Makatambudza ndudzi dzaʋanhu mukaʋaparadzira iʋo.

³Nokuti haʋana‐kuɀiwanira nyika nomunondo waʋo, Ruʋoko rwaʋo haruna‐kuʋaponesa; Asi canza cenyu corudyi, noruʋoko rwenyu, neciedza ceciso cenyu, Nokuti maiʋafarira.

⁴Ndimi Mambo waŋgu, imi Mŋari; Rairai kuti Jakobo akunde.

⁵Nemi ticawisira pasi ʋadziʋisi ʋeɗu; Nezita renyu ticatsika pasi ʋanotimukira.

⁶Nokuti handiŋgaʋimbi noʋuta bgaŋgu, Nomunondo waŋgu hauŋgandiponesi.

⁷Asi imi makatiponesa paʋadziʋisi ʋeɗu, Mukanyadzisa ʋanotiʋeŋga.

⁸Takaɀirumbidza zuʋa rose munaMŋari, Ticaʋoŋga zita renyu nokusiŋgaperi.

⁹Asi ɀino makatirasha henyu, mukatinyadzisa; Hamucafambi nehondo dzeɗu.

¹⁰Munotitizisa pamberi paʋadziʋisi; Ʋanotiʋeŋga ʋanoɀipambira.

¹¹Makatiisa samakwai akatarirwa kuɓayiwa; Makatiparadzira pakati paʋahedeni.

¹²Munoteŋgesa ʋanhu ʋenyu musinacamunopiwa, Hamuna‐kuwedzera fuma yenyu nomuteŋgo waʋo.

¹³Munotiita ʋanhu ʋanosekwa naʋatinogara naʋo, Ʋanhu ʋanoɀidzwa nokusekwa naʋakatikomberedza.

¹⁴Munotiita shumo pakati paʋahedeni, Ʋanhu ʋanotidzuŋgudzira misoro.

¹⁵Zuʋa rose kuɀidzwa kwaŋgu kuri pamberi paŋgu, Kunyara kweciso caŋgu kwakandifukidza.

¹⁶Nokuɗa kwenzwi romutuki nomuɀidzi; Nokuɗa kwomuʋeŋgi nomutsiʋi.

¹⁷Iɀi ɀose ɀakatiwira; kunyaŋge ɀakaɗaro hatina‐kukukaŋganwai, Hatina‐kunyeŋgedzera pasuŋgano yenyu.

¹⁸Mŋoyo yeɗu haina‐kudzokera shure, Kutsika kweɗu hakuna‐kutsauka panzira yenyu;

¹⁹Kunyaŋge makatipxanya‐pxanya panɀimbo yamakaʋa, Mukatifukidza nomumvuri worufu.

²⁰Kana ticiŋge takaŋganwa zita raMŋari weɗu, Kana kutambanudzira maʋoko eɗu kumŋari waʋamŋe;

²¹Ko Mŋari haaŋganɀeri iɀoɀo here? Nokuti iye unoziʋa ɀakaʋanzika ɀomŋoyo.

²²Ɀirokwaɀo, nokuɗa kwenyu tinoʋurawa zuʋa rose; Tinonzi tiri makwai akatarirwa kuɓayiwa.

²³Mukai, munoʋatireiko, Ishe? Mukai, musatirasha nokusiŋgaperi.

²⁴Munoʋanzireiko ciso cenyu, Mucikaŋganwa kutambudzika kweɗu nokumanikidzwa kweɗu?

²⁵Nokuti mŋeya weɗu wakotamira kuguruʋa; Ƌumbu reɗu rinonamatira pavu.

²⁶Simukai mutiɓatsire, Mutidzikinure nokuɗa kwoʋunyoro bgenyu.